Jeremia 29:7 - mzwDBL

⁷ Hɛ́ɛ nyin wedɛɛɡa ne waa aa ɡel he soɡa bini do wer, bwɛjena maa ɡela ba lawɛ heyaa ka so a ta la ta. Hé che ba naa ta soŋe le n be dɛɛ tɛɛ ba, dɛkalkɛ dɛ ba wobɛlbwa wer dɛɛ tɛɛ ba, ba nɔn bini do wer aa, anee dɛ́ ɡel he ɡe nɔn bini do wer.

Jeremia 29:7 ပူးပေါင်းရင်းမြစ်များ

Ɛsra 6:10

ɡɛ aa ɛ ásɛ ba won dɛɛ ɛ sarahare aa dɛɛ su Korowii Waa Dɛ Di Kora Nyundua siwi, dɛ́ soŋe tɛ kooro ne o bibaala ɡe.

Ɛsra 7:23

Komɛlbwa Korowii Waa Dɛ Di Kora Nyundua aa baɡla la, hé nyiŋi kɛrɛdɛ dɛ́ ɡel á ɛ ɡɛ aa chɛa tɛo o Dea bela. Ásɛ o baah bɛ n nɛɛ kɛɛ kooro bɛlbwa waa ba di kora n habɔɔ nɛɛ di.

Yela 122:6

Soŋe deŋnesɔɔhna tɛ Jerusalam tena ŋɔ, “Nɛra baa dɛ nyin hen Jerusalam la, ba wobɛlbwa do wer tɛɛ ba.

Jeremia 38:4

Belaa nomonome la ŋɔ Kooro Sedekia be ŋɔ, “Baa nɔ chɛ kpoe. O dɛ chɔɡ laa tena baa ka bwɛjen nɔ ta, ne nɛra la bwa liire o wobol ne. Ba kɛrɛdɛ laa wɛɛ nyin, ka ja ba chɔɡa ta.”

Ɛsekeɛl 11:16

Nemenɛ Korowii ŋɔ n be ŋɔ, “Bol he bala baa lawɛ he ne ban kaa harɛfala ta la be ŋɔ, ‘Menee ɡela ba laɡ ba kaa bojaŋa, ba lɔ peɡre harɛre ane ta la. Kɛ taraken nɔ, mɛɛ ja ba nɛɛ harɛre baa lɔ a ta la ta.’

Daneɛl 4:19

Ate, Daneɛl baa bera dɛɛ yerɔ Bɛltesasa la bwara yɔr kohona, o wili waa waa dɛ lii ta. Anomanta, kooro la ŋɔ, “Bɛltesasa, bɛ ɡel deera la kɛɛ a mun baɡla dɔe ɔmee.” Ate, Bɛltesasa chaŋe ŋɔ, “N naa kooro, n dɛ nyin kɛ deera nɔ ne a mun fe bɛ he waa ɛ, dɛ fee ɛ he dɔma wa.

Daneɛl 4:27

Anomanta, n naa kooro, no waa maa dɛ jae a ta nɔ. Gel wechɔɡa ɛɛ, dɛɛ ɛ anɔ la aa toɡra, dɛ́ ɡel he nyubinikpeɡ la, dɛɛ na nɛra baa dɛ fiɡ ba sum. He wobɛlbwa ɛɛ do werii dɛɛ la.”

Tɔn Pɔɔl Aa Chwerɛ Rom Tena 13:1

A chɛ kɛ nomɛlbwa siwi su o harɛ nomonome dɛɛ teŋɛ ba mmara ɡe ta, dɛkalkɛŋɔ Korowii ta ŋwɛnɛ tɛɛ yaa, nomonome aa lee do. Korowiirii cheɡ ba.

Tɔn Pɔɔl Aa Chwerɛ Rom Tena 13:5

Anomanta, hé ɡel he siwi ɛɛ su he nomonome. Korowii bala waa dɛ ba bala dɛ́ ba tɛr he deŋne la ɡbo waa laa a chɛ kɛ he siwi ɛɛ su ba. Dɛ he siwi aa ban su aa, dɛ he ɡbabir liire aa ɡel he bambile sɔɔhne.