Jeremia 29:2 - mzwDBL

² N chwerɛ tɔn nɔ ɡɛ saŋ baa lawɛ Kooro Jehoiachin ne o nya ne koodem nomonome, ne Juda ne Jerusalam nomonome, ne nɛra baa dɔ kwaa sɛɛh wejema, dɛ banɔ la baa dɔ kwaa bwa soo siwi ɛɛ wejema laa ta kaa harɛfale ta la.

Jeremia 29:2 ပူးပေါင်းရင်းမြစ်များ

2 Koranar 20:18

Baa larawe he ɡbaɡba naanar la banee kaa, dɛ́ ka fɔɡɛ ba lure, bá do Babelɔn koodem dɛɛ tomɛ.”

2 Koranar 9:32

Asɛ Kooro Jehu ha sie dɛ nao tokoro ta dɛ ŋɔ, “Umee ja n nɛɔ?” Asɛ nomonome banɛ kɛɛ batoro baa lɔ koodem bela ba fɔɡɛ ba lure baa daah kooro haahna ba sie ne harɛ dɛɛ nyiŋu.

Jeremia 13:18

Korowii berɔ ŋɔ ń ŋɔ kooro ne o nya be ŋɔ, “Hé le he kookane ta tu ba, dɛkalkɛ he kooɡbɛrɛre aa wera dɛ́ ba he nyuune ta lee.”

Jeremia 24:1

Babelɔn Kooro Nebukadnesa lawɛ Juda Kooro Jehoiakim bibaa Jehoiachin ne o nomonome, ne nɛra baa dɔ kwaa sɛɛh wejema, dɛ nɛra baa dɔ kwaa bwa soo siwi ɛɛ wejema le Jerusalam kaa bojaŋ harɛ Babelɔn. A habɔɔ, Korowii ɡel men Jeremia na waane chaahna ta, dɛ fiɡ daa nɔna wɛɡrɛre anɛ cheɡɛ o Dea doonyoa bela.

Jeremia 27:20

Kooro Nebukadnesa aa wola kpɔe kaa Babelɔn, ɡɛ saŋ waa lawɛ Juda Kooro Jehoiakim bibaa Jehoiachin laa ta le Jerusalam kaa Babelɔn, o ne Juda ne Jerusalam nomonome bwa la.

Jeremia 28:4

Mɛɛ berɔɔ kpɔ Jehoiakim bibaa Kooro Jehoiachin, ne Juda tena bwa baa laɡ ba laa ta kaa bojaŋ harɛfale ta Babelɔn la bwa ba. Kasinteŋ, n dɛ ba n kuuɡi Babelɔn kooro kpeɡri waa do kɛŋɔ ba yon kpɔ daa dawɛ nae nɛɛ aa parɛ la ken. Men Korowiirii bola.’ ”

Jeremia 29:20

Korowii berɔ ŋɔ, “Anomanta, hé cheɡ deŋne dɛ́ɛ no men Korowii wa, he nɛra maa ɡela ba lawɛ heyaa le Jerusalam kaa bojaŋ harɛ Babelɔn la.

Jeremia 38:7

Kɛ Itiopia te Ɛbɛd Mɛlɛk, o ɡe aa ɛ nomoa dɛ do koodem bela noɔ kɛ ba laɡ mɛ ta kɔlɔŋ bini. Gɛ saŋ dɛ kooro soɡe Bɛnjamen Doonyoa la ta,

1 Samoɛl 13:19

Dɛ loɡre bɛlbwa toole Israel harɛ ta, dɛkalkɛ Filisti tena la ta sɛɛh kɛŋɔ Hibru tena la loɡɛ buni kon bɛlbwa. Gɛ laa aa, baa loɡɛ lampeare ne kerii.