Jeremia 29:17 - mzwDBL

¹⁷ kasinteŋ waa Koranar Bwa Kooro aa dɛ bol laanee kɛŋɔ, ‘Mɛɛ ɡeloo bá kpoo ba laa ta, ásɛ lɔr ne weechɔɡa ɡel ba serewe, dɛ́ ɡel bá ɛ kɛŋɔ fiɡ daa nɔna aa pɔah baa wola won dia la ken.

Jeremia 29:17 ပူးပေါင်းရင်းမြစ်များ

Jeremia 27:8

Kɛ dɛ harɛ bɛlbwa nɛra ta sɛɛh dɛ kpɔ ba te do o lɔɡa aa, mɛɛ ɡeloo bá kpoo ba laa ta, kɛɛ dɛ́ kpɔ lɔr ne weechɔɡa ba ta ba nɛ, á ɛ ba deŋnetɛra ka tel kɛŋɔ maa ɡela Kooro Nebukadnesa aa chɔɡ ba kwaraa.

Jeremia 29:18

Mɛɛ kpɔ laa ne lɔr dɛ weechɔɡaa ba ta ba nɛ, ásɛ harɛre nɛra bwa hah ba. Bobɛlbwa maa lɔ ba peɡre kaa la, nɛra ɛɛ na baa ba bambile teŋe ba nyoa kpo waa aa puu ba la wa. Nɛra ɛɛ dɛɛ mam baa, ba berɛ kon nɛra aa na dɛɛ taahno.

Jeremia 32:24

Babelɔn tena ma kwaa baa che a ta dɛ́ jo bwɛjen la bini bar o bwa, dɛ́ yoo ba dɛ́ pɔ ba nɛ. Hale ba pa mun kwara. Laa ne lɔr dɛ weela ɛɛ ɡeloo bá pɔ ba nɛɛ warane. He ɡbabir nao kɛŋɔ waa haa bola la ɛ ɡɛ.

Jeremia 43:11

Wɛɛ ba yo Ijipt tenaa dɛ́ pɔ ba nɛ, ásɛ banɔ la weechɔɡa aa kpoo ba la serewe, banɔ la baa laɡ ba la, bá laɡ ba kaa, ásɛ banɔ la ɡe baa kpoo ba laa ta la, bá kpoo ba.

Jeremia 52:6

A ɡɛ benanyoa la korobinaarɛ tɔpenuanaarɛ ta, dɛ lɔr o nyoa aa do kpeɡri kohona chole bwɛjen Jerusalam, kondikwaa toole nɛra di.

Amanesoma Luk Aa Chwera Tɔn 21:11

Harɛ ɛɛ jiɡri bobɛlbwaa taeh, ásɛ lɔr ne weela bwa soo siwi ba. Hɛɛ na ɔmewaa aa wola balɛ bwa nyunduaa.

Amanesoma Luk Aa Chwera Tɔn 21:23

Ei! Aa do kpeɡrii tɛ tekpoŋra ne haahna baa kpoŋe bechasɔɔhne a ɡɛ saŋ nɔ noo! Dɛkalkɛŋɔ nɛra ɛɛ na wahala harɛ nɔ ta kohonaa, asɛ Korowii baah di ba nɛɛ o tɛr ba deŋne.

Wepila 6:8

Asɛ n nyiŋi dɛ jaaɡɔkɔl bɛl leɔ, asɛ nɛn so o ta baa yerɔ Seo. Bɛl ɡe le teŋɛ o nɛ, o ɡe sɔne Lalabwɛ. Ba tɛɛ ba kpeɡri bá kpɔ laa ne lɔr ne weechɔɡa ne kpɔɡ bini ola kpoo harɛ nɔ ta nɛra. He bɔne harɛ nɔ ta nɛra bwa bini bɔre anaarɛ naa, banɔ la baa tɛɛ ba kpeɡri bá kpo la ɛɛ tel bɔre anaarɛ la bini beŋkpoŋ nɛraa.