Jeremia 29:14 - mzwDBL

¹⁴ Kasinteŋ, hɛɛ na mɛɛ, ásɛ n lawɛ heyaa le Babelɔn harɛ haa kaa so o ta la ta, dɛ́ berɛ ba he ne he buɡ ta Jerusalam. Mɛɛ boa he nyoa le harɛre maa lɔ heyaa peɡre a ta la ta, dɛ́ berɛ ba he ne harɛ maa le he ne o ta kaa harɛfala ta la ta. Men Korowiirii bola.”

Jeremia 29:14 ပူးပေါင်းရင်းမြစ်များ

1 Webena 28:9

Kooro Devid berɔ ŋɔ, “N bie Solomɔn, kpɔ he te do Korowii he naawa aa dɛ tomɔ la lɔɡa, dɛ́ tomɔ he bambile ne liire bwa ne. Korowii dɛ nyiŋi bambile bini dɛ jemɛ liire bɛlbwa. He kpɔ he te tɛo waa, hɛɛ nao, kɛ dɛ he berɛ habɔɔ kpoo tenaa, o ɡe ɛɛ vɛɛh saŋ bɛlbwa dɛɛ la.

Yela 126:1

Korowii aa bera lawɛ yaa ba Jerusalam la, dɛ a do kɛŋɔ deera ken ya be.

Yela 126:4

N Naa Korowii, ɡel ya wobɛlbwa berɛ do wer tɛ yaa kɛŋɔ, bwaala yon nɛ do nenabɔɔne aa hola ta á suuɡi la ken.

Yela 32:6

Anomanta, ɡel nɛra baa dɛ tomɛ ɛɛ soŋe ba wahala nae saŋ, ásɛ dɛ wenaale do kɛŋɔ nee waa sua dɛɛ ba naa, o bɛ won tel ba be.

Yela 46:1

Korowiirii ya chwa kaa marɛ wɛɛ tɛ yaa bokpeɡa ya wenaale bwa ta, o ja ya nɛ.

Aesaya 14:1

Korowii ɛɛ dɔ tedomaa tɛ Israel tena, wɛɛ berɔ lee ba tɛ o te ja, dɛ́ kpɔ ba ba so ba ɡbaɡba harɛ ta. Hɔɔhra ɛɛ ba ja ba nɛɛ ba ne ba pɛ so.

Aesaya 43:5

He bɛ ɔmɛ, n ja he nɛ. Mɛɛ kpɔ he nɛra baa lɔ wee leebɔree ba, dɛ́ berɛ kpɔ banɔ la baa lɔ wee cholibɔr la ɡe ba ja he nɛ.

Aesaya 43:6

Mɛɛ ŋɔ weekaŋle nyunduabɔr, ne weekaŋle harɛbɔr tena bee ŋɔ bá tɛɛ ba ŋwɛnɛ bá kaa! Hé kpɔ n bibaala le bojaŋ ba, dɛ́ kpɔ n bitoli baa lɔ harɛ jaɡa ɡe ba,

Aesaya 45:19

N ta wobɛlbwa bolɛ sɔh, kɛɛ dɛ che biro ta bol waa harɛ nɔ ta bobɛlbwa. N ta Israel tena be ŋɔe ŋɔ, ‘Hé nyin n bɔr pɛɛpɛɛ.’ Menee Korowii, Kasinteŋ ɡboo n bwa, waa aa wera dɛ toɡre ɡboo mɛɛ bol.”

Aesaya 55:6

Hé nyin Korowii bɔr saŋ haa nao nɔ ta, hé yerɔ, taraken waa bɛne heyaa nɔ.

Jeremia 12:15

A habɔɔ, mɛɛ berɔ dɔ tedoma tɛ ɡɛ nɛra nɔ bwa, dɛ́ berɛ ba ba ne ba buɡ ta. Ásɛ bɛlbwa kaa o nɛra bini, ne harɛ waa le o ta.

Jeremia 3:14

Hé berɛ ba, nɛra he waa aa wola kasinteŋ dɔe, dɛkalkɛ he dɔɔree men. Mɛɛ le nɛmbeŋkpoŋii le bwɛɛ bɛlbwa ta, dɛ́ le nɛra banɛ le dea bɛlbwa ta, dɛ́ berɛ ba he ne Saayɔn Bwejen ta.

Jeremia 30:10

Anomanta, n nɛra, he bɛ ɔmɛ, Israel tena, he bɛ ɡel he bambile chɔɡ. Mɛɛ lɛ heyaa le bojaŋ harɛre taa ba, he naanar baa laɡ ba kaa bojaŋ harɛfale ta la. Ásɛ he berɛ dɔ deŋnesɔɔhna ne bosɔɔhna, nomɛlbwa aa heyaa aah kpa.

Jeremia 30:18

Korowii ŋɔ, “Mɛɛ berɔ lawɛ n nɛra ba ba harɛ ta, dɛ́ dɔ tedoma tɛ bɛlbwa ne o lolanar. Baa berɔ kwaa ma Jerusalam, dɛ́ kwaa o koodem la cheɡ o buɡ ta.

Jeremia 30:3

Tɔpera ane dɛ ba, ásɛ n lawɛ n nɛra Israel ne Juda tena le harɛfala ta, dɛ́ berɛ kpɔ ba ba harɛ maa kpɔa tɛ ba naawa ŋɔ ba konee la ta. Men Korowiirii bola.”

Jeremia 31:16

Kenii Korowii ɛɛ bol, “Hé ɡel wii haa dɛ wi la, dɛ́ fee he siniire. Anɔ la haa ɛa tɛ he bii aa pɛɛ ɛɛ ba, hɛɛ dɔ a kembɔree, ba bwa ɛɛ berɔɔ le ba dɔma harɛ taa ba.

Jeremia 31:17

Hwɛɡa lole tɛ heya kerekere, ásɛ he bii bwa berɛ ba ba harɛ la ta. Men Korowiirii bola.

Jeremia 31:23

Koranar Bwa Kooro, Israel tena aa dɛ tomɔ la ŋɔ, “N berɔ lawɛ Juda tena ɡe ba ba harɛ ta naa, baa dɛɛ bol Juda harɛ ne o bwɛɛre taa ŋɔ, ‘Korowii swee Saayɔn Bwejen waa lɔ Jerusalam boɡoroŋ bela o Dea aa lole la andɛɛɡa.’

Jeremia 51:10

Korowii bol o nɛra be ŋɔ bá do lɔŋɔre ŋɔ, “Korowii ta yaa tɔɔ, Hé ba, ya la Jerusalam ka bol waa Korowii yaa dɛ tomɔ aa ɛa.”

Jeremia 8:3

Ásɛ nyubinikpeɡ tena baa ka dɛ́ so harɛ la ta la, banɔ la men Korowii aa lɔ ba peɡre ba so bobɛla ɛɛ dɛɛ nyinu kɛŋɔ, ba fe serewe ɡwaa kɛ ba taa soɡe le. Men Nemenɛ Korowiirii bola.”

Ɛsekeɛl 37:21

dɛ́ ŋɔ men Nemenɛ Korowii ŋɔ, ‘Mɛɛ lawɛ n nɛra Israel tenaa le harɛre baa chwaa ka so a ta laanee. Mɛɛ boa ba nyoa le bela bwa baa lole, dɛ́ berɛ ba ba ne ba ɡbabir harɛ ta.

Ɛsekeɛl 39:25

Anomanta, Nemenɛ Korowii ŋɔ, “Mɛɛ berɔɔ lawɛ Jekɔb naanar baa ɛ Israel tena laanee le bojaŋ harɛfale la ta, dɛ́ sune ba nɛ, ásɛ n sɔn waa do ɡoroŋ la bɛ chɔɡ.

Emɔs 9:14

Mɛɛ berɔ ba n nɛra Israel tena baa laɡ ba laa ta kaa bojaŋ harɛfale ta la nee, bá ba kwaa vɔrɔwe dimɡbeeni dɛ́ so a bini. Baa parɛ daa koonii, dɛ́ nyɔ a sen, dɛ́ parɛ bodɛɛɡa, dɛ́ di kondikwa baa parɛ la.

Maeka 4:12

Kɛ baa Korowii liire jemɛ, baa jemɛ kɛŋɔ o boa ba nyoa dɛ́ tɛr ba deŋne, kɛŋɔ ba yon boa mea nyoa dɛɛ ba a lɔe la.

Sefania 3:20

Saŋ bɛl dɛ ba ásɛ n boa he nɛra baa peɡra nyoa, dɛ́ ba ba ne dem. Mɛɛ ɛ heyaa nɛnjenaa, ásɛ harɛ nɔ ta nɛra bwa kpɛɛ heya, dɛ́ ɡel he berɛ dɔ kondɔɔh ja. Men Korowiirii bola.”

Tɔn Pɔɔl Aa Chwerɛ Rom Tena 10:20

Korowii keame Aesaya te kwaraa chwerɛ Korowii wobol ane a ɡwaa ɡɛ. O chwerɔ ŋɔ, “Nɛra ba fa aa wola n bɔr ɡaaɡe la, ban na mɛ, banɔ la ba fa aa wola n waa bɔɔ la, banee n kpɔ n te chaɡle.”

Mmarare 30:1

Mosis ŋɔ Israel tena be ja ŋɔ, “N tɛ heyaa webele anɛ, ɡɛ haa ɛ dɛ́ na som, ne waa aa ba taahna ne he nɛ. Dɛ anɔ bwa baa chiɡ asɛ Korowii lɔ heyaa peɡre harɛre ta naa, belaa hɛɛ ba webele anɛ maa kpɔa tɛ heyaa la liira.

Mmarare 30:3

ate Korowii haa dɛ tomɔ la ɛɛ dɔ tedomaa tɛ heya, dɛ le he ne harɛre waa lɔ heyaa peɡre a ta la ta, ásɛ he ba pɛ, dɛ́ berɛ ɡel he do wer.

Mmarare 30:5

Ásɛ he berɛ ba kpɔ harɛ he naawa fa aa soɡe o ta wubwa la so ó ɛ he kon. Wɛɛ berɔɔ ɡel he do wer dɛ́ warɛ ɡwaa ɡɛ he naawa fa aa doa la.

Mmarare 4:7

Harɛ besoo nɛraa lole dɛ dɔ sɔn kohona, dɛ dɔ voɡ o bɛn ba dɛɛ no ba be ɡɛ Korowii yaa dɛ tomɔ aa bɛne yaa dɛɛ no ya wesoŋa nɔɔ?