Jeremia 28:14 - mzwDBL

¹⁴ Waa Koranar Bwa Kooro, Israel tena aa dɛ tomɔ la aa dɛ bol laanee nɔ, dɛ́ wɛɛ kpɔ buni waa do kɛŋɔ daa ba yon kpɔ dawɛ nae nɛɛ aa parɛ laanee dawɛ harɛre nɛra baŋa ta, ásɛ baa tomɛ Babelɔn Kooro Nebukadnesa. Hale dɛ́ ɡel kpɔɡ bini ola ɡba ɛɛ tomɛ Kooro Nebukadnesa.’ ”

Jeremia 28:14 ပူးပေါင်းရင်းမြစ်များ

Jeremia 15:12

Umee dɛ́ won ku buni ɔ? Gɛɛ haa wola won yo he dɔma baa do kɛŋɔ buni ayaawa aa koo o ta o do kpeɡri, ba le weekaŋle nyunduabɔr.

Jeremia 27:4

Koranar Bwa Kooro, Israel tena aa dɛ tomɔ la ŋɔ n be ŋɔ, ń do ba bá ka ŋɔ ba koranar be waa Korowii fa aa bola ŋɔ,

Jeremia 27:8

Kɛ dɛ harɛ bɛlbwa nɛra ta sɛɛh dɛ kpɔ ba te do o lɔɡa aa, mɛɛ ɡeloo bá kpoo ba laa ta, kɛɛ dɛ́ kpɔ lɔr ne weechɔɡa ba ta ba nɛ, á ɛ ba deŋnetɛra ka tel kɛŋɔ maa ɡela Kooro Nebukadnesa aa chɔɡ ba kwaraa.

Jeremia 40:4

Kɛ fini, n laa jɔɡrɔre la dɛɛ foo he nɔɔra. Hɛɛ won teŋɛ n nɛɛ kaa Babelɔn ásɛ n nyiŋi he nɛ, dɛ haa nyin ɡe aa, he ɡel. Harɛɛ chɔa kaa la, hɛɛ won kaa bobɛlbwa haa dɛ nyin ka so.”

Wiile 1:14

O na n wechɔɡa bwa, dɛ boa a nyoa, dɛ vɔwa. O kpɔa vɔwɛ n baŋa a tɔɡre ɡel n ɡwɛɡre. O kpɔ mɛ do n dɔma ba kpeɡri aa ɡwaa mɛ nɔn ta.

Daneɛl 2:38

He nɔn taa o kpɔ nɛra, ne kpɔɡ bini ola, dɛ jumbii aa dɛ ɡah do. Henee dɛɛ nyiŋi a nɛ, bobɛlbwa aa lole. Henee kon la nyu baa kpɔ suuɡaswɛm tenten ɛo la.

Hosia 10:11

Israel tena do kɛŋɔ nalor baa baɡlo mea lɔe, o sie ɛɛ lɛ a ta. Anomanta, mɛɛ kpɔ daa dawɛ o baŋa ta wɛɛ parɛ. Mɛɛ teŋɛ Israel tena nɛɛ ásɛ Juda tena ɛɛ parɛ. Israel tena bwa ɡe ɛɛ buɡli harɛ.

Mmarare 28:48

Korowii ɛɛ ɡeloo he tomɛ he dɔma waa dɛ ba ɡela ba yo heya, ásɛ dɛ lawɛ heyaa yoma hé paŋɛ komɛlbwa. Haa kwaa dɔ di, haa nee ɡee dɔ nyɔ. Hɛɛ so mumɡbalee ba do heya hɛɛ tom ba. Hɛɛ di somanjirii ka tel kɛŋɔ haa serewe.

Mmarare 4:20

He te la, Korowiirii kpɔ heyaa le Ijipt harɛ bela waa do wɔrɔbe he nɛɛ kɛŋɔ bela loɡre aa dɛ do buni wɛɛ be la, dɛ ŋɔ hé ba ɛ o ɡbaɡba nɛra ba le fini la.