Jeremia 28:1 - mzwDBL

¹ A ɡɛ waa aa teŋa nɔ chiɡo ɡɛ saŋ Juda Kooro Sedekia aa di kora bene anaarɛ korobinue te la ta. Belaa Korowii keame bɛl baa dɛ yerɔ Hanania, o mɛɛ sɔne Asuur o le Gebeɔn, o bol waa men Jeremia be Korowii Dea, nɛra la ne sɔfore bwa sie dɛ ŋɔ,

Jeremia 28:1 ပူးပေါင်းရင်းမြစ်များ

1 Koranar 3:4

Kooro Solomɔn la bwɛjen Gebeɔn ta, dɛ belaa kon baa dɛ ɛ saraha o ta do, nɛra bwa ɛɛ la o ta. O kaa ɛ sarahare bele kaɡboŋ o ta dɛ fuah.

2 Koranar 24:18

Kooro Sedekia di bene fifraanɛ dɛ beŋkpoŋ dɛ di kora. O soɡe Jerusalam di kora bene fi dɛ beŋkpoŋ. O nya sɔne Hamutal, Jeremia bihaahnee o le Lebna.

2 Webena 36:11

Kooro Sedekia di bene fifraanɛ dɛ beŋkpoŋ dɛ di kora. O soɡe Jerusalam di kora bene fi dɛ beŋkpoŋ.

Aesaya 9:15

Nomonome ne nɛra baa dɔ jirima laanee daa la nyu, asɛ Korowii keamere baa dɛ teŋe nyosone o waa la ta la, ɡee daa la harɛbɔr.

Jeremia 23:28

Keame bɛlbwa na waane chaahna ta naa, o yon ŋɔ deeraa o dee, kɛ n keame bɛlbwa waa dɛ bol waa aa le n be la te, wɛ́ɛ bola kasinteŋ ta. Haahra ta korɛ, asɛ mea ɡe koraa?

Jeremia 27:1

Kooro Josia bibaa Sedekia aa baa di kora Juda harɛ ta la, Korowii bol waa men Jeremia be ŋɔ

Jeremia 27:12

Men Jeremia fa tɔ sie bol ɡɛ waa nɔ tenten baɡle Juda Kooro Sedekia ŋɔ, “Kpɔ he te do Babelɔn kooro lɔɡa. He ne he nɛra tomɔ ásɛ dɛ dɔ he nyu.

Jeremia 27:3

Asɛ Korowii ŋɔ n be ŋɔ, ń kpɔ kala tɛ nomonome baa cheɡɛ koranar baa lɔ Edom ne Moab harɛre ta, ne bwɛjena Amɔn ne Taaya dɛ Sidon naa ta, dɛ ba Kooro Sedekia be Jerusalam la.

Jeremia 28:11

asɛ dɛ che nɛra la bwa sie dɛ ŋɔ, “Korowii bolɔ ŋɔ, ɡɛɛ wɛɛ ba o kuuɡi Babelɔn kooro kpeɡri waa do kɛŋɔ daa ba yon kpɔ dawɛ nae nɛɛ aa parɛ, Babelɔn kooro kpɔ dawɛ harɛre nɛra baŋa ta la. Bene anɛ ne tela dɛ ɡɛ waa nɔ ɛo.” Ate, Jeremia le bela dɛ kaa.

Jeremia 28:17

Asɛ Hanania sewɛ a ɡɛ bena la korobinuanɛ ta.

Jeremia 28:5

Belaa men Jeremia che sɔfore ne nɛra baa lɔ Korowii Dea la sie dɛ bol Hanania be ŋɔ,

Jeremia 29:15

He ken ɛɛ dɛɛ boloo ŋɔ, “Korowii tɛ yaa o keamere Babelɔn harɛ ta,

Jeremia 36:12

ate o ir la koodem karake la dea bela, dɛ nomonome la bwa soɡo. Banee koodem karake Elisama, ne Sɛmaya bibaa Delaya, ne Akbɔ bibaa Ɛl Netan, ne Safan bibaa Gemaria, ne Hanania bibaa Sedekia, dɛ nomonome baa kaa bwa.

Jeremia 37:13

Kɛ maa tel Bɛnjamen Doonyoa ta la, nomoa waa chɔ nɛra baa dɛ daah bela nyoa baa yerɔ Irija, o mɛɛ Sɛlɛmia, o nabaa ɡe sɔne Hanania, laɡ mɛ dɛ ŋɔ n be ŋɔ, “He chwao dɛɛ kaa Babelɔn tena be.”

Jeremia 37:19

He keamere baa ŋɔa ŋɔ Babelɔn kooro aa he harɛ nɔɔ ba yo la bɔkwa waa puu baɔ?

Jeremia 49:34

Korowii bol Elam harɛ waa men maa ɛ o keame Jeremia be, a ta biɡre Juda Kooro Sedekia di kora.

Jeremia 51:59

Waa men Jeremia aa kpɔa tɛ Nɛrea bibaa Seraya, baa dɛ yerɛ o nabaa Maaseya laanee teŋa nɔ. Dɛ onee dɛɛ cha Juda Kooro Sedekia ɡɛ saŋ waa di kora bene anaarɛ, asɛ o ne o la Babelɔn harɛ ta.

Ɛsekeɛl 13:6

Ba wepila ne ba nyosonwaa baa ŋɔa aa bao kerekere la bwa ɛ nyosone, ba ŋɔ men Korowiirii bola, dɛ n laa tom ba, dɛ ta ɛɛ nyiŋi kɛŋɔ anɔ la baa bola la ɛɛ ɛo.

Hosia 7:3

Ba nyubinikpeɡ we-ɛɛla dɛ lɛ kooro sie, ba nomonome ɡe sie ɛɛ lɛ nyosone baa dɛ teŋe ta.

Josua 10:12

Awola tɔpere Korowii aa kpɔ Amɔre tena do Israel tena nɔn ta la, Josua soŋe Korowii kohona Israel tena la bwa siwi ta ŋɔ, “N Naa Korowii, ɡel wee che bobeŋkpoŋ Gebeɔn harɛ ta, ɡel korobie ɡe che bobeŋkpoŋ Aejalɔn fɛlembɔjen ta kiŋkiŋ ken!”

Josua 9:3

Gebeɔn tena aa no ɡɛ Josua ne Israel tena aa ɛ bwɛjena Jeriko ne Ai la,