Na, baa bɛl waa cheɡɛ kon waa do kɛ torɔɡo bini ne jaɡre dɛ ba. Asɛ nɛn waa dɛ daah la ŋɔ, “Bwɛjen Babelɔn paɡrɔ! O paɡrɔ! Voɡare aa lɔ o ta bwa, ba paɡre a bwa burbur ken bil harɛ.”
“Baa paa kaa Babelɔn harɛ ta, a do bela ka tel kɛŋɔ n liire aa berɛ ba a ta. Ásɛ n berɛ ɡel bá berɛ ba a ne, ásɛ n berɛ lɛa cheɡ bonɔ. Men Korowiirii bola.”
Korowii bol waa men Jeremia be, ɡɛ saŋ Babelɔn Kooro Nebukadnesa ne o laa tena, ne harɛre nɛra, dɛ wobol bwa soo siwi nɛra baa lɔ o lɔɡa, aa pɛa dɛɛ yo Jerusalam ne bwɛɛre aa baro cheme.
Waa Korowii aa bera dɛɛ bol laanee kɛŋɔ, “N dɛ ba Ijipt Kooro Hofra lawa tɛ o dɔma baa dɛ nyinu dɛ kpo la, ɡɛ maa kpɔ Juda Kooro Sedekia do Babelɔn Kooro Nebukadnesa waa ɛ o dɔm dɛɛ nyinu dɛ́ kpo nɔn ta la.”
Baa lawɛ Juda Kooro Jehoiachin laa ta kaa Babelɔn harɛ bene fifraatoro dɛ anuanɛ la, ɡɛ saŋee Babelɔn Kooro Evil Mɛrɔdak di kora. O tɛ ŋwɛnɛ dɛ ɡel ba le Kooro Jehoiachin dea korobie fi dɛ anɛ, tɔpera fifraanɛ dɛ anue ta.
Mɛɛ ɡeloo Babelɔn kooro do kpeɡri, dɛ́ kpɔ n kere do o nɔn ta. Kɛ Ijipt kooro te, mɛɛ kuuɡi o nɔɔraa, ásɛ o bwara nyɛɡo wɛɛ pɛmɛ Babelɔn kooro sie, dɛ́ sewɛ.
He pa harɛre nɛra kondɔɔh bwa, ɡɛɛ nɛra baa kaa la ɡe ɛɛ ba hé kondɔɔh pae. Nɛra haa kpoora dɛ fuɡe ba chale ta kohona, ne chɔɡa haa chɔɡ harɛre ne bwɛɛre ne nɛra baa soɡe a ta la nomanta, ɡɛɛ baa ba he ɡe ɛɛ.
Nyundua torome nɛɛte ɡe iro teŋɛ onɔ la nɛɛ dɛ ŋɔ, “O paɡrɔ! O paɡrɔ! Babelɔn bwɛjen la waa ɡela pɛlchɔɡa ne wedoŋa dɛɛ harɛ nɔ ta bwa nɛra kɛŋɔ sen asɛ ba waa fuh Korowii baah la paɡrɔ.”
Bwɛjen la peɡri atoro, asɛ harɛ nɔ ta bwɛɛre bwa paɡre. Korowii lii Babelɔnjen tena wechɔɡa la wa, dɛ ɡel ba nyɔ o danana nee a nyoa aa kpeɡa kohona kɛŋɔ seŋkpeɡa la.