Jeremia 27:22 - mzwDBL

²² “Baa paa kaa Babelɔn harɛ ta, a do bela ka tel kɛŋɔ n liire aa berɛ ba a ta. Ásɛ n berɛ ɡel bá berɛ ba a ne, ásɛ n berɛ lɛa cheɡ bonɔ. Men Korowiirii bola.”

Jeremia 27:22 ပူးပေါင်းရင်းမြစ်များ

2 Koranar 25:13

Babelɔn laa tena la kuuɡi ayaawa pilare ne kwaa aa dɔ nakpale baa taɡa a do Korowii Dea, dɛ ayaawa loɡ baa dɛ yerɔ Mpo la, dɛ kpɔ a bwa kaa Babelɔn harɛ ta.

2 Webena 36:21

Anee ɡela waa Korowii aa cheɡɛ o keame Jeremia nɛɛ bol la ɛ kpela. O ŋɔ, “Harɛ la ɛɛ chɔɡoo, dɛ́ chɔ kɛ dimɡbia bene fifraanuanɛ baa wola won parɛ o ta.”

Ɛsra 1:11

Suuɡaswɛm ne suuɡapoŋa koŋkwaa ne anɔ la aa jaa bwa lɔ kaɡboŋa anue lafraanaarɛ. Asɛ Sɛsbasa kpɔ a bwa, ɡɛ saŋ o ne nɛra baa laɡ ba kaa bojaŋ harɛfale ta Babelɔn dɛɛ ba Jerusalam la ba.

Ɛsra 7:19

Kpɔ suuɡapoŋa ne suuɡaswɛm loɡa baa kpɔa do he nɔn ta, ba kpɔ dɛɛ tomɛ Korowii haa dɛ tomɔ Dea la bwa ka tɛo Jerusalam.

Ɛsra 7:9

Korobiloɡle tɔpere waa tɔ sie taa ba pa mun le Babelɔn harɛ ta, asɛ korobie anue tɔpeloɡle ne tela dɛ Korowii chao o ba tel Jerusalam.

Sɛɡla 21:30

Nɛwɛnyini wejema ne waa mun noe, dɛ wejaala ɛ pɛɛpɛɛ, dɛ Korowii ta o nɛɛ jae yaa.

Jeremia 20:5

Mɛɛ berɔ ɡel ba dɔma pa ba kondɔɔh aa lɔ bwɛjen nɔ ta bwa, dɛ́ kpɔ nɔn dawɛ ba komɛlbwa ta, hale Juda koranar kwaa a yoɡ aa kpeɡa bwa, dɛ́ che a bwa kaa Babelɔn harɛ ta kɛŋɔ laa ta kwa.

Jeremia 27:21

Hé no, waa men Koranar Bwa Kooro, Israel tena aa dɛ tomɛ, aa dɛ bol laala a yoɡ aa kpeɡa, dɛ do n Dea ne koodem waa lɔ Jerusalam la wa.

Jeremia 27:7

Harɛre nɛra bwa ɛɛ tomɔɔ, dɛ tomɛ o bibaa ne o naa ka tel kɛŋɔ o harɛ la aa chɔɡ. Ásɛ o harɛ nɛra ɛɛ tomɛ harɛre nɛra baa kpeɡa kohona ne koojena.

Jeremia 29:10

Waa Korowii aa dɛ bol laanee nɔ, “Bene fifraanuanɛ la ba a jaɡa Babelɔn aa, mɛɛ berɔ ba he be, dɛ́ che suna maa sune he nɛɛ dɛ baɡɛ nyoa ŋɔ, mɛɛ berɔ ba he ne Jerusalam bonɔ la ta.

Jeremia 32:5

Baa lawɔɔ kaa Babelɔn, o do bela ka tel kɛŋɔ maa nyiŋi o waa bini tonɛ. Hale o yo Babelɔn tena kwaraa naa, aa on kɛrɛdɛɛ chiɡ. Men Korowiirii bola.”

Jeremia 34:2

Korowii Israel tena aa dɛ tomɔ waa waa bol n be laanee kɛŋɔ, ń ir la ka ŋɔ Juda Kooro Sedekia be ŋɔ, o dɛ ba bwɛjen nɔ kpɔe do Babelɔn kooro nɔn ta, ásɛ o fuh o bwa.

Jeremia 34:3

Kooro Sedekia aa bɔree dɔ chwa, baa lawɔɔ dɛ́ kpɔɔ ka do Kooro Nebukadnesa nɔn ta. O ne o sie ɛɛ ɡba dɔŋaa ba bol wa, ásɛ ba lawɔ kaa Babelɔn harɛ ta.

Jeremia 34:5

Deŋnesɔɔhna taa hɛɛ ba sewa. Gɛ nɛra yon dɛɛ fuh daawiile ɡɛ saŋ ba yon dɛɛ huɡe koranar baa ɛ he naawa dɛ tɔ he sie la, ɡɛɛ baa ba daawiile fuih tɛ he ɡe. Baa wiu dɛɛ ŋɔ, “Akwe, ya kooro sewɔ.” ’ ”

Daneɛl 5:23

He ɛ deŋnekpeɡ Korowii waa dɛ di kora nyundua nɛ, dɛ ka kpɔ numoli aa lɔ o Dea he ne he nomonjena, ne he haahna dɛ he sɛnanar kpɔ nyɔ sen. He kpɛɛ voɡa baa kpɔ suuɡapoŋa, ne suuɡaswɛm, ne ayaawa, ne bune, ne daa dɛ bwea ɛa aa wola na, aa wola waa no kɛɛ dɛɛ no waa mun la. Kɛ Korowii he mkpa ne he wobɛlbwa aa lɔ o nɔn ta la te, he ta duure kpɔe tɛo.

Daneɛl 9:2

A bena waa di kora la, men Daneɛl nyiŋi tɔne bini, dɛ na waa Korowii aa cheɡɛ o keame Jeremia nɛɛ bol ŋɔ, Jerusalam ɛɛ berɛ dimɡbia, dɛ́ ka tel bene fifraanuanɛ.