Jeremia 27:12 - mzwDBL

¹² Men Jeremia fa tɔ sie bol ɡɛ waa nɔ tenten baɡle Juda Kooro Sedekia ŋɔ, “Kpɔ he te do Babelɔn kooro lɔɡa. He ne he nɛra tomɔ ásɛ dɛ dɔ he nyu.

Jeremia 27:12 ပူးပေါင်းရင်းမြစ်များ

Sɛɡla 1:33

Kɛ nomɛlbwa waa dɛ no n waa la te ɛɛ so lee jeiih ken, o bwara sɔɔhno, ɔmee liire bɛlbwa aa wola on pu.”

Jeremia 17:4

Hɛɛ paŋɛ harɛ maa kwaara cheɡ heya o ɛ he kapɛrɛ kon laanee. Mɛɛ kpɔ heyaa do he dɔma lɔɡa hɛɛ tom ba, harɛ haa wola o ta jemɛ bwa ta, dɛkalkɛ he ɡelɔ n baah di, waa wola sɔɔh bwa.”

Jeremia 21:9

Nomɛlbwa soɡe bwɛjen nɔ ta naa, baa kpoo laa taa, kɛɛ weechɔɡa ne lɔr ɡel o sewɛ. Kɛ bɛlbwa waa kpɔ o te ka do Babelɔn tena baa chɔa bar heyaa nɔ lɔɡa te ɛɛ dɔ o nyuu.

Jeremia 27:8

Kɛ dɛ harɛ bɛlbwa nɛra ta sɛɛh dɛ kpɔ ba te do o lɔɡa aa, mɛɛ ɡeloo bá kpoo ba laa ta, kɛɛ dɛ́ kpɔ lɔr ne weechɔɡa ba ta ba nɛ, á ɛ ba deŋnetɛra ka tel kɛŋɔ maa ɡela Kooro Nebukadnesa aa chɔɡ ba kwaraa.

Jeremia 28:1

A ɡɛ waa aa teŋa nɔ chiɡo ɡɛ saŋ Juda Kooro Sedekia aa di kora bene anaarɛ korobinue te la ta. Belaa Korowii keame bɛl baa dɛ yerɔ Hanania, o mɛɛ sɔne Asuur o le Gebeɔn, o bol waa men Jeremia be Korowii Dea, nɛra la ne sɔfore bwa sie dɛ ŋɔ,

Jeremia 28:2

“Waa Koranar Bwa Kooro, Israel tena aa dɛ tomɔ la aa dɛ bol laanee nɔ, ‘Mɛɛ kuuɡi Babelɔn kooro kpeɡri, waa do kɛŋɔ ba yon kpɔ daa dawɛ nae nɛɛ aa parɛ laanee.

Jeremia 38:17

Belaa n ŋɔ Kooro Sedekia be ŋɔ, “Korowii Waa Ɛ Koranar Bwa Kooro, Israel tena aa dɛ tomɔ la ŋɔ, ‘Dɛ he kpɔ he te do Babelɔn kooro nomonome lɔɡa aa, baa hen kpo, ásɛ dɛ ɡel bwɛjen nɔ ɡe fuih, he ne he lolanar bwa ɡe dɔ he nyu.

Jeremia 42:11

He bɛ Babelɔn kooro haa dɛ ɔmɔ taraken nɔ ɔmɛ. Men Korowii ŋɔ he bɛ on ɔmɛ, dɛkalkɛ n ja he nɛɛ dɛ́ won lɛ heyaa le o nɔn ta.