Jeremia 27:10 - mzwDBL

¹⁰ Ba dɛ neɡre heya dɛ́ ɡel ba lawɛ heya kaa bojaŋ harɛfale ta. Mɛɛ doŋi heyaa ásɛ he ka serewe.

Jeremia 27:10 ပူးပေါင်းရင်းမြစ်များ

Kaala 22:18

Haah bɛlbwa waa dɛɛ ɛ sɔm we-ɛɛla la chɛ kɛ bá kpoo.

Jeremia 14:14

Belaa Korowii ŋɔ n be ŋɔ, “Keamere la teŋe nyosone dɛɛ bol wa n sɔn ta. N ta ban tomɛ kɛɛ dɛ lee ba, n ta wobɛlbwa ɡe bolɛ ba be. Waa baa dɛ na chaahna ta, ne anɔ la aa chiɡ kerekere, dɛ voɡa toma waa baa dɛ bol la bwa ɛ waa ba ɡbaɡba aa liira.

Jeremia 23:16

Waa Koranar Bwa Kooro aa dɛ bol laanee nɔ. “He bɛ waa keamere la aa dɛ bol he be la no, ba dɛ chɔɡ he liire, hwɛɡa bɛlbwa toole a ta. Anɔ la baa liira ɡboo ba na chaahna ta dɛɛ baɡle, waa men Korowii aa bola laa.

Jeremia 23:25

N no keamere nyosonteŋna maa wola ban tomɛ, asɛ ba che n sɔn ta dɛɛ bol n waa la wa. Ba yon ŋɔ, ba deero dɛ na men Korowii waa chaahna ta.

Jeremia 27:14

He bɛ keamere baa ŋɔa he bɛ he te kpɔ do o lɔɡa la be no. Neɡraa baa neɡre heya.

Jeremia 27:15

Korowii ɡbabir bolɔ ŋɔ o ta bɛlbwa tomɛ, asɛ ba che o sɔn ta dɛɛ teŋe nyosone la. Anomanta, o ŋɔ wɛɛ doŋi he bwaa, ásɛ ba kpoo heya, he ne keamere baa dɛ teŋɛ nyosone la bwa.”

Jeremia 27:16

Belaa n ŋɔ sɔfore la ne nɛra la be waa Korowii fa aa bola ŋɔ, “He bɛ keamere baa dɛ bol ŋɔ aa biɡri bá berɛ kpɔ laala a yoɡ aa kpeɡa dɛ faa do Korowii Dea bonɔ la le Babelɔn ba la be no. Neɡraa baa neɡre heyaa la.

Jeremia 28:11

asɛ dɛ che nɛra la bwa sie dɛ ŋɔ, “Korowii bolɔ ŋɔ, ɡɛɛ wɛɛ ba o kuuɡi Babelɔn kooro kpeɡri waa do kɛŋɔ daa ba yon kpɔ dawɛ nae nɛɛ aa parɛ, Babelɔn kooro kpɔ dawɛ harɛre nɛra baŋa ta la. Bene anɛ ne tela dɛ ɡɛ waa nɔ ɛo.” Ate, Jeremia le bela dɛ kaa.

Jeremia 28:16

Anomanta, Korowii dɛ ba he kpoe le harɛ nɔ ta. Benanyoa ne chema dɛ he sewɔ, dɛkalkɛ he ɡelɔ nɛra nɔ berɛ habɔɔ kpoo. Gɛɛ Korowii ŋɔ.”

Jeremia 32:31

Nɛra baa lɔ bwɛjen nɔ ta ir n bwaawee dɛ ɡel n baah di kohona le awola baa vɔrɔwo. N ɛ n liire kɛ n chɔɡo,

Jeremia 8:19

Hé no n nɛra wii baa dɛ wi bojaŋ harɛ ta dɛɛ ŋɔ, “Korowii toole Saayɔn kpa kɛɛ? Saayɔn Kooro ɡe toole bela kɛɛ?” Asɛ Korowii waa ɛ ba kooro la chaŋe ŋɔ, “Ɛrɛɛ he kpɔ kwaa he ɡbabir aa ɛa dɛɛ muɡli n baah, dɛɛ tomɛ voɡa aa wola tɔnɔ dɔe, dɛ le harɛfala ta nɔɔ?”

Wiile 2:14

Wepila he keamere aa naa dɛɛ baɡle la ɛ nyosone, ba webaɡla la neɡre, ba ta ɡelɛ he jemɛ he wechɔɡa, ásɛ he charɛ he we-ɛɛla, ba bɛ hen lawɛ kaa harɛfala ta.

Daneɛl 4:7

Ate, dobodobo tena, ne nɛra baa dɛ ɛ sɔmwe-ɛɛla, ne wejerema baa jemɛ weweela wa, dɛ voɡra bwa ba, asɛ n bol deera la baɡ ba, kɛ ba ta wone baɡ mɛ a mun.

Sekaria 10:2

Voɡa dɛ teŋe nyosone, voɡra waa baa dɛ na ɛ nyosone, deera mun baa dɛ baɡle la ta kasinteŋ ɛɛ, bolarawa baa kpɔa dɛɛ tɛ nɛra ɛ wesale. Anomanta, ba ɡelɔ nɛra nyoɡre kɛŋɔ peera aa wola teɡre dɔe, asɛ nɛra ɛɛ fiɡ ba.

Malakae 3:5

Men Koranar Bwa Kooro ŋɔ, “Mɛɛ bao warane dɛ́ ba bol he waa dɛ́ pa bole. Mɛɛ ba bol voɡra ne nɛra baa dɛ chɔɡ yal, ne dansewea tena ne nɛra baa dɛ faah ba tom-ɛɛra ba kembɔr ta, ne nɛra baa dɛ fiiɡi luhaahna ne bilalbii, ne nɛra baa wola nɛŋhɔɔhra waa bolɛ dɛɛ tɛɛ ba aŋwɛnɛ ta, baa wola men ɔmɛ bwa waa.”

Mmarare 18:10

He bɛ he bibaala kɛɛ bihaahna kpoo, dɛ́ fuuh ba tɛ voɡa. He bɛ ajɔ kɛɛ sɔm ne voɡra ne bebee wa,