Jeremia 26:18 - mzwDBL

¹⁸ “Gɛ saŋ Juda Kooro Hɛsɛkea aa di kora la, Korowii keame Maeka waa le Mɔresɛt bol Koranar Bwa Kooro waa baɡle Juda tena bwa ŋɔ, ‘Saayɔn ɛɛ doo kɛŋɔ koo baa parɔ dɛ du kwaa o ta ken, Jerusalam bwa ɛɛ kuuɡuu dɛ́ chɔ pɛɛ, ásɛ Korowii Bwejen Dea aa chɔŋɛ o ta la berɛ kɔr.’

Jeremia 26:18 ပူးပေါင်းရင်းမြစ်များ

2 Koranar 19:25

He ta noɛ kɛ saŋ la bwaa n le vɔrɔwa bil kɛɛ? N tɛɛ kpeɡri he ɡel bwɛɛre danjwɛkpeɡa aa bara kuuɡi, dɛ berɛ dimɡbeeni.

2 Webena 32:26

Ate, Kooro Hɛsɛkea ne Jerusalam tena charɛ ba liire le mbarafo we-ɛɛla la ta, anomanta, Korowii bandia ta ba nɛɛ balɛ Kooro Hɛsɛkea bere saŋ waa di kora.

Nehemia 4:2

O cheɡɛ o bala ne Samaria laa tena sie dɛ ŋɔ, “Bɔkwaa Juu tena baa wola wobɛlbwa jemɛ nɔ ɛɛ ɛ nɔɔ? Baa won berɛ kwaa ma ba danjwɛɛ nɔ cheɡ aa? Baa won ɛ sarahare aa? Baa won ɛ sarahare ásɛ dɛ won tonɔ tɔpebeŋkpoŋ ɡbo aa? Baa won berɛ dɔ bwea le anɔ la baa fuah a daŋɛ chɔ nɔ ta naa?”

Yela 79:1

N Naa Korowii, nɛŋhɔɔhra baa wola hen tomɛ, baa lɛ he harɛ la dɔɔh. Ba kpɔ doŋa kah he Dea waa do ɡoroŋ la, dɛ ɡel Jerusalam berɛ dimɡbia.

Jeremia 17:3

dɛ bwejena bwa dor. Mɛɛ ɡeloo he dɔma ba kpɔ he kondɔɔh, ne laala a yoɡ aa kpeɡa bwa, dɛ bwejena dor haa dɛ tomɛ voɡare la do ba nɔn ta, he wechɔɡa bwa haa ɛa harɛ la ta wa.

Jeremia 51:37

Babelɔn dɛ ba paɡra dɛ́ berɛ dimɡbia ne kalampoŋare sobɔr, dɛ́ berɛ kon nɛra aa na ba bambile teŋe baa mamɔ, nomɛlbwa aa won so bela.

Jeremia 9:11

Korowii ŋɔ, “Mɛɛ paɡre Jerusalamee o berɛ dimɡbia, ásɛ kalampoŋare kpɔ bela berɛ a sobɔr, dɛ́ chɔɡ Juda harɛ bwɛɛre, nomɛlbwa aa wola won so a ta.”

Maeka 1:1

Baa bɛl sɔne Maeka dɛ le Mɔresɛt. Korowii pili waane aa dɛ ba bwɛjena Samaria ne Jerusalam chiɡa baɡlo. Dɛ ɡɛ saŋee Juda koranar bane baa dɛ yer ba Jotam ne Ahas dɛ Hɛsɛkea di kora teŋɛ dɔŋa nɛɛ Juda harɛ ta.

Maeka 3:12

He nomanta, Saayɔn ɛɛ doo kɛŋɔ koo baa parɔ dɛ du kwaa o ta ken, Jerusalam bwa ɛɛ kuuɡuu dɛ́ chɔ pɛɛ, ásɛ Korowii Bwejen Dea aa chɔŋɛ o ta la berɛ kɔr.

Maeka 4:1

Tɔpera ane dɛ ba, ásɛ Korowii Bwejen Dea aa chɔŋɛ o ta la do jaŋne ɡwaa bwejena bwa. Wɛɛ kpeɡuu ɡwaa deŋɡarere bwa, ásɛ nɛra warɛ le harɛre ta dɛɛ ba o ta.

Sekaria 8:3

Mɛɛ berɔɔ ba Jerusalam, bela n Saayɔn Bwejen aa lole dɛ́ ba so. Baa yerɛ Jerusalamee Kasinteŋ Bwɛjen, ásɛ dɛɛ yerɛ men Koranar Bwa Kooro Bwejen la Bwejen Waa Do Goroŋ.”