Jeremia 26:15 - mzwDBL

¹⁵ Kɛ he jemɛ kɛŋɔ dɛ he kpo mɛ naa, he ne nɛra baa lɔ bwɛjen nɔ ta ɛɛ di bolchɔɡee, kɛŋɔ haa kpo nɛn waa wola wechɔɡa bɛlbwa ɛɛ. Kasinteŋ, Korowiirii tom mɛ ŋɔ ń ba kah heya.”

Jeremia 26:15 ပူးပေါင်းရင်းမြစ်များ

Mumpar 4:10

Asɛ Korowii berɛ ŋɔ, “Ɛrɛɛ he ɛ waa aa do ken nɔɔ? He nime chal aa le harɛ la ta la dɛ baɡle kɛŋɔ he ɛ wechɔɡa a chɛ kɛŋɔ ń bɔe a kem.

Mumpar 42:22

Belaa Rubin ŋɔ, “N te ŋɔ he be ŋɔ he bɛ bie la wobɛlbwa ɛ, kɛ he ta noɛ. Taraken, kpoe yaa kpoo laanee ɡure ya nyu ta la.”

2 Koranar 24:4

ne nɛra baa wola wobɛlbwa ɛɛ o kpoo ba warɛ Jerusalam la wa. Dɛ Korowii aa nyin kɛ ó kpɔ kɛo.

2 Webena 24:22

Kooro Joas soh ɡɛ Sekaria mɛɛ sɔfo Jehoiada aa chao la, dɛ ɡarɛ kpo Sekaria. Waa chɔa dɛɛ sewɛ la o ŋɔ, “N dɛ soŋe kɛ Korowii na waa haa ɛa nɔ, dɛ́ bɔe a kem!”

Sɛɡla 6:16

Webele anumɛl kɛɛ anuanɛ ane lole Korowii haah kɔkɔkɔkɔ, anee,

Sɛɡla 6:17

nɛn waa nyiŋi nɛn dɛɛ vah, ne nyosonteŋni, ne nɛŋkpoa,

Jeremia 2:30

Pɛɛpɛɛ n tɛr he deŋne, haa nyin kɛ he charɛ he liire le waa haa dɛ ɛ ta. He kpoo keamere maa tom ba he be kɛŋɔ nyujente lɔr aa dɛ kpoo ken.

Jeremia 2:34

Nyaara baa wola wechɔɡa bɛlbwa ɛɛ he kpoo ba la chal ka he laala ta nɛra ɛɛ naa, a lole kɛŋɔ he ta ban lawɛ kɛŋɔ ŋwɛɛra ba jo he be. Kɛ ane a bwa,

Jeremia 22:17

Kɛ he sie beɡre anɔ la he ɡbo aa dɔ ta, dɛɛ kpoo nɛra baa wola wechɔɡa bɛlbwa ɛɛ, dɛɛ fiɡ ba, dɛ ɛɡ ba dɛɛ lɛ ba kwa. Men Korowiirii bola.”

Jeremia 22:3

Hɛ́ɛ ɛ waa aa wera dɛ toɡre. Hé lɛ nɛn baa dɛ fiiɡu, dɛ́ lɛ o laala le o nomoa nɔn ta. He bɛ naɡra kɛɛ wechɔɡa kpɔ ba nɛŋhɔɔhra ne bilalbii, kɛɛ luhaahna nɛ, he bɛ nɛn waa wola wechɔɡa ɛɛ kpo harɛ nɔ ta.

Jeremia 26:12

Ate, n ŋɔ nomonome la bwa ne nɛra la be ŋɔ, “Korowiirii tom mɛ ŋɔ ń ba bol waa aa dɛ ba Dea nɔ ne bwɛjen nɔ ta baɡle heya.

Jeremia 30:1

Waa Korowii Israel tena aa dɛ tomɔ,

Jeremia 7:6

Hé ɡel hɔɔhra ne bilalbii dɛ luhaahna fiiɡa. Hé ɡel nɛra baa wola wechɔɡa bɛlbwa ɛɛ dɛ so he bini la kpoora, dɛ́ ɡel voɡare ɡe toma, a ɡɛ ɛɛ won chɔɡ heya.

Nɛra Kura 35:33

Bobɛlbwa haa lole, he bɛ ɡɛ ɛ dɛ́ chɔɡ harɛ la. Nɛŋkpoa dɛ chɔɡ harɛ haa soɡe o ta la. Haa won kpɔ komɛlbwa kwaa harɛ la, nemenɛ naate waa kpo nɛn la ɡbaɡba chal.

Matiu 26:25

Anee Judas waa dɛ ba o lee tɛ la ɡe pɛɛro ŋɔ, “N Dɔɔ, menee kɛɛ?” Anee Yeesu ŋɔ, “Anee he bol la.”

Matiu 26:4

dɛ ka so dɛɛ nyin ŋwɛnɛ baa che o ta dɛ́ lawɛ Yeesu dɛ́ kpoo nomɛlbwa aa wola jemɛ.

We-ɛɛla 7:60

Belaa o ɡuŋi harɛ dɛ bol waa takpeɡ ne ŋɔ, “N Dɔɔ, bɛ ɡel a ɡɛ wechɔɡa nɔ ɡure ba nɛ.” Waa ŋɔ ɡɛ tonɛ, o den sewɛ.

Mmarare 19:10

He ɛ ɡɛ, ásɛ dɛ bɛ nɛra baa wola wechɔɡa bɛlbwa ɛɛ chale ba fuɡe ta harɛ Korowii haa dɛ tomɔ la aa kpɔa dɛɛ ba heyaa tɛɛ kɛŋɔ kapɛrɛ kon la ta, ásɛ dɛ bɛ nɛŋkpoa bolchɔɡe ba di.

Wepila 16:6

dɛkalkɛŋɔ ba fa ɡelɔ he nɛra ne he keamere chal fuɡe. Anomanta, he tɛɛ ba chal ba nyɔ. Gɛɛ ba chɛ.”