Jeremia 25:6 - mzwDBL

⁶ He bɛ voɡare nɛɛ dɛɛ teŋɛ, ásɛ dɛɛ toma. He bɛ kwaa he ɡbabir aa kpɔ nɔɔra kwaara kpɔ ir Korowii bwaawee. He ɛ ɡɛ tenaa, waa heyaa chɔɡ.’

Jeremia 25:6 ပူးပေါင်းရင်းမြစ်များ

1 Koranar 14:22

Juda harɛ ta nɛra ɛ wechɔɡa dɛ jo Korowii nɛ, a che a ta Korowii bandia ir ba nɛ. Dɛ ba kwaa la ɡwaa anɔ la ba naawa aa ɛa la kwara.

2 Koranar 17:35

Korowii ne Israel tena aa fɔwɛ fɔo la, o do ba ŋɔ, “He bɛ voɡ bɛlbwa tomɛ, he bɛ an ɡuŋi kɛɛ dɛ́ kpo kwaa ɛ sarahare tɛa.

Kaala 20:23

He bɛ suuɡapoŋa kɛɛ suuɡaswɛm bɛlbwa kpɔ ɛ voɡa dɛɛ toma ka ja n nɛ.

Kaala 20:3

He bɛ voɡ bɛlbwa tomɛ ka ja n nɛ.

Jeremia 32:30

Israel ne Juda tena ta wobɛlbwa ɛɛ ka ja wechɔɡa baa ɛa dɛ le ba bechale saŋ n sie. Kasinteŋ, kwaa ba ɡbaɡba aa ɛa nɔɔra nee ba kpɔ muɡli n baah.

Jeremia 35:15

N teŋɔ tomɛ n bonɔɔna baa ɛ n keamere bwa he be. Ba bol he be ŋɔ bɛlbwa charɛ o liire le wechɔɡa ta dɛ́ ɡel he we-ɛɛla do wer. Dɛ he bɛ voɡare ane nɛɛ teŋɛ dɛɛ toma. Ásɛ he won so harɛ maa kpɔa tɛ he ne he naawa la ta. Kɛ ane a bwa, he ta deŋne cheɡɛ dɛ no n be.

Jeremia 44:7

Anomanta, men Korowii Maa Ɛ Koranar Bwa Kooro, Israel tena aa dɛ tom mɛ la dɛ bɔɔ heyaa ɡɛ aa ɛa hɛɛ ɛ ɡɛ wechɔɡa nɔ aa ɡure he nɛɛ nɔ. He dɛ nyin he ba chɔɡ baala ne haahna, bechale ne bechasɔɔhne ásɛ nomɛlbwa aa ka kpa kɛɛ?

Jeremia 44:8

Ɛrɛɛ hɛɛ do mɛ bandia, dɛɛ tomɛ voɡare dɛ ɛ sarahare dɛɛ tɛ voɡare aa lɔ Ijipt harɛ ta bonɔ haa baa so nɔɔ? He dɛ ɛ ɡɛ dɛ́ chɔɡ he te, ásɛ harɛre nɛra bwa ɛɛ nyiŋi he nyubaah, dɛ́ɛ taah heya kɛɛ?

Jeremia 7:6

Hé ɡel hɔɔhra ne bilalbii dɛ luhaahna fiiɡa. Hé ɡel nɛra baa wola wechɔɡa bɛlbwa ɛɛ dɛ so he bini la kpoora, dɛ́ ɡel voɡare ɡe toma, a ɡɛ ɛɛ won chɔɡ heya.

Jeremia 7:9

He dɛ ŋwɛ, dɛɛ kpoo nɛra, dɛɛ bɔ jwamane dɛɛ di dansewea, dɛɛ kpoo kwaa dɛɛ ɛ sarahare voɡ Baal ta, dɛɛ tomɛ voɡare haa wola an jemɛ wubwa.

Hosia 1:7

Kɛ Juda harɛ ta tena te, mɛɛ nyin baa, mɛɛ lɛɛ baa. Dɔmkwaa aa do kɛ to ne hɛma, ne tokobie dɛ jaɡre nɛra aa kpɔa dɛɛ la laa ne laa mɛɛ ba kpɔe lɛɛ ba. Men Korowii baa dɛ tom mɛ la kpeɡri nee mɛɛ ba ba lɛɛ.”

Mmarare 13:2

asɛ waa waa bola la ɛ kpela, asɛ o ŋɔ he be ŋɔ, ‘Hé ɡel ya tomɛ voɡfala’ aa,

Mmarare 28:14

He bɛ he te laa kpɔ le waa maa dɛ do heyaa a ta fini nɔ bɛlbwa ta. He bɛ a ta le dɛ́ ka teŋɛ voɡa nɛɛ dɛɛ toma.

Mmarare 6:14

He bɛ komɛlbwa nɛɛ teŋɛ dɛ tomɔ, he bɛ harɛre aa bar heyaa nɔ voɡare tomɛ.

Mmarare 8:19

Hɛ́ɛ berɛ Korowii haa dɛ tomɔ la waa soeh, dɛ́ berɛ kaa tomɛ voɡare ane dɛɛ ɡuŋa. N dɛ ŋɔ he be fini kɛŋɔ, ate o fe ɛɛ kpoo heyaa,

Josua 24:20

He bɛ Korowii toma ɡel, dɛ́ kaa tomɛ harɛre ane voɡa. A lole kɛŋɔ o fa ɛ wedɛɛɡa tɛ heya te, o bandia ɛɛ ir he nɛɛ ó tɛr he deŋne ka tel kɛŋɔ waa chɔɡ heyaa kwaraa.”