Jeremia 25:35 - mzwDBL

³⁵ Nomonome haa do kɛŋɔ peteɡra la aa bɔree dɔ chwa kaa bobɛlbwa.

Jeremia 25:35 ပူးပေါင်းရင်းမြစ်များ

Job Tɔn 11:20

Kɛ wechɔɡ-ɛɛra ɛɛ nao baa a munii no, baa bɔree dɔ dɛ́ chwa kaa. Ba hwɛɡa bwaa kɛŋɔ ba fee sewɛ.”

Yela 142:4

N keo nyiŋi na naa, nomɛlbwa toole dɛ́ cha mɛ. N ta nɛn maa chwa ka sɔh o be dɔe, nomɛlbwa waane laa n nyu dɔe wa.

Jeremia 11:11

Anomanta, men Korowii ŋɔ mɛɛ kpɔ wekpeɡa baa wola won le a nyoa ba ta ba nɛ. Ba wio dɛɛ yer mɛ kwaraa naa, maa ba bee no.

Jeremia 25:36

Hɛ́ɛ no nomonome baa do kɛ peteɡra la lɔŋɔre ne wii baa dɛ wi, dɛkalkɛ Korowii chɔɡ ba peera dibɔra.

Jeremia 32:4

Kooro Sedekia aa won chwa. Baa lawɔɔ ka tɛ Babelɔn kooro, ásɛ o ne o sie ɡba dɔŋa ba bol wa.

Jeremia 34:3

Kooro Sedekia aa bɔree dɔ chwa, baa lawɔɔ dɛ́ kpɔɔ ka do Kooro Nebukadnesa nɔn ta. O ne o sie ɛɛ ɡba dɔŋaa ba bol wa, ásɛ ba lawɔ kaa Babelɔn harɛ ta.

Jeremia 37:17

A habɔɔ la, Kooro Sedekia tomɔ ba ba yer mɛ ba o be koodem. Asɛ o bɔɔ mɛ bokɛre ŋɔ, “Waane lole dɛ le Korowii be tɛ yaa kɛɛ?” Anee n chaŋe ŋɔ, “Waane lole, baa lawɛɛ tɛ Babelɔn kooro.”

Jeremia 38:18

Kɛ dɛ he ta he te kpɔe ka do Babelɔn kooro nomonome lɔɡa aa, bwɛjen nɔ ɛɛ ka do Babelɔn tena nɔn taa ásɛ ba fuuh, he ɡbabir kwara aa he nyuu dɔ.’ ”

Jeremia 38:23

Asɛ men Jeremia berɛ ŋɔ, “Baa lawɛ haahna ne ba bii bwaa ka tɛ Babelɔn tena. He ɡbabir ɡe aa a nyoa lee ba. Babelɔn kooro ɛɛ lawɛ hen kooro laa taa kaa bojaŋ harɛfale ta, ásɛ ba fuh bwɛjen nɔ bwa dɛɛboo ken.”

Jeremia 48:44

Nomɛlbwa koh ɔmee kohona la waa chwa dɛɛ kaa laa, wɛɛ le bɔɔ binii. Bɛlbwa ɡe waa ŋɔ wɛɛ leo la, belii dɛɛ ba o lawa, dɛkalkɛ Moab tena deŋnetɛra saŋ telo ń kpɔ ba ta ba nɛ. Men Korowiirii bola.

Ɛsekeɛl 17:15

Kɛ Juda kooro la ɛ deŋnekpeɡ dɛ ŋɔ waa won do Babelɔn kooro lɔɡa, asɛ o tomɛ toroma Ijipt harɛ ba ka kpɔ jaɡre ne laa tena baa wara ba. Aa won maɡre tɛo waa? Wɛɛ won le a nyoa aa? Wɛɛ won chɔɡ o ne o baah fɔo la waa wola deŋnetɛraa dɔ aa?

Ɛsekeɛl 17:18

Kooro la ŋwɛɛra waa ŋwɛɛra ne fɔo o ne Babelɔn kooro aa fɔwa la, o ta a ta teŋɛ. Anɔ waa ɛa nɔ bwa ɡelɔ waa won le a nyoa.”

Daneɛl 5:30

Awola jwaana la tentenee ba kpo Babelɔn Kooro Bɛlsasa,

Emɔs 2:14

Nɛra baa won chwae la aa won le a nyoa, bokpeɡa tena ɛɛ ɛo kahonɛ, banyoo bɛlbwa ɡe aa won lɛ o nyu.