Jeremia 25:30 - mzwDBL

³⁰ Hen Jeremia, bol n waa la ba be ŋɔ, ‘Korowii dɛ kɔɡre kɛŋɔ nyujente dɛ le nyundua dɛɛ ba. O taa do kɛŋɔ bwaala kɔra, dɛ le o soŋnibɔr waa do ɡoroŋ bela, dɛɛ nyɛɡ o nɛra baa lɔ o harɛ nɔ ta nɛ. Wɛɛ tiɡri ba nɛɛ kɛŋɔ ba yon dɛɛ tiɡri ɡrepo daa nɔna la ken.

Jeremia 25:30 ပူးပေါင်းရင်းမြစ်များ

2 Samoɛl 15:25

Belaa Kooro Devid ŋɔ sɔfo Sadɔk be ŋɔ, “Berɛ kpɔ Korowii Ne Nɛwɛnyina Fɔo Daka la kaa bwɛjen la ta. Dɛ Korowii sie lɛ n nɛ aa, wɛɛ berɔɔ kpɔ mɛ ba, dɛ́ ɡel n nao ne bela waa cheɡa bwa.

1 Koranar 9:3

Korowii ŋɔ o be ŋɔ, “N no he wesoŋa ne waa haa kpɔa bil n sie la. N le Dea haa doa tɛ mɛ cheɡ dɛ ɡel o do ɡoroŋ tɛ mɛ ŋɔ baa tom mɛ o ta saŋ bɛlbwa dɛɛ la. Mɛɛ ɡeloo n sie ne n bambile do bela mɛɛ daahno saŋ bɛlbwa.

2 Webena 30:27

Sɔfore ne Lewi dea tena la iro, dɛ swee andɛɛɡa tɛ nɛra la, asɛ Korowii no ba wesoŋa le nyundua dɛ ɛ tɛɛ ba.

Yela 11:4

N Naa Korowii lɔ o Dea waa lea cheɡ tɛ o te bini nyundua, dɛɛ di kora, dɛɛ nyiŋi nɛwɛnyini bobɛlbwa, dɛ jemɛ ɡɛ baa dɛ ɛ.

Yela 132:14

O ŋɔ, “Bonɔɔ mɛɛ ba soɡa saŋ bɛlbwa dɛɛ la, bonɔɔ mɛɛ nyin ń so dɛ́ di kora.

Yela 46:6

Korowii kpɔ ɔmee ba ta harɛre nɛra nɛ, o kɔrɔ kɛŋɔ bwaala, asɛ harɛ mwɛɛ.

Yela 58:5

Waa tɛɛɡa te waa dɛ ɡo harɛkon yela be no, hale dɛ o jemɛ waa la ɡɛ bɛlbwa kwaraa noo.

Yela 78:65

Belaa Korowii ir, a do kɛ nɛn waa ir dom ta ken, kɛŋɔ nɛn o bwara aa kpeɡa, dɛ nyɔ sen a dɛɛro, o bwara yon ir la.

Aesaya 16:9

N dɛ wi dɛɛ tɛ daa kooni aa lɔ Sibma, ɡɛ baa dɛ wi a waa Jasa la. Hɛsbɔn tena ne Eleale tena, sinii dɛ yɔɔ mɛ he wa. Moola fe dɛ le daa nɔna chaara saŋ nɔ, kɛ nɔna toole a ta, bɔr helɔ.

Aesaya 33:3

He kɔr harɛre nɛra laa ta naa, ba dɛ chwa, he iro che ɡe aa, nɛra dɛ peɡre.

Aesaya 42:13

Korowii ɛɛ leo kɛŋɔ banyoo o siwi aa swɛɛra, o kpɔ takpeɡ kɔɡre dɛɛ yerɛ laa tena, dɛɛ yo o dɔma kpeɡri nɛ.

Jeremia 17:12

Jeremia ŋɔ, “Saŋ la bwaa Korowii Dea yaa dɛ tomɔ o bini do kɛŋɔ kookara Korowii jirima aa lɔ o ta, asɛ o che bwejen doa.

Jeremia 25:38

Korowii vɛh o nɛra kɛŋɔ nyujente yon chwa le o sɔɔhbɔr la ken. Harɛ la berɛ pua hɛŋle ɡbo harɛ, dɛkalkɛ Korowii cheɡɛ o bandia kohona ta ɡel ba dɔma ba chɔɡ ba harɛ.

Jeremia 48:33

Silɛɛ ne hɛɡra bɛlbwa toole Moab harɛpare ondɛɛɡe ne kooni ta kpa. N ɡelɔ sen toole bɔra baa dɛ harama, nɛra toole dɛ́ tiɡri a ta. Baa mooluu, kɛ silɛɛ moola laa.

Hosia 11:10

Dɛ n kɔr n nɛra dɔma nɛɛ kɛŋɔ nyujente aa, baa teŋɛ n nɛɛ. Baa le wee cholibɔree dɛ́ ba n be warane.

Hosia 5:14

Mɛɛ ɛo kɛŋɔ nyujente ken Israel harɛ ne Juda tena bini. Mɛɛ toɡri ba olaa, dɛ́ che ba kaa nomɛlbwa aa wola won lɛɛ ba.

Joel 3:16

Korowii ɛɛ kɔroo le Saayɔn Bwejen ta, o taa do kɛŋɔ bwaala aa dɛ kɔɡre ken, o le Jerusalam dɛɛ ba, nyundua ne harɛ ɛɛ jiɡri. Korowii ɛɛ doo kɛŋɔ danjwɛkpeɡ ken, ásɛ o nɛra chwa kaa marɔ.

Emɔs 1:2

Emɔs ŋɔ, “Korowii baah diu o kɔr le Saayɔn Bwejen ta, o taa kpeɡri kɛŋɔ bwaala aa dɛ kɔɡre ken, o le Jerusalam dɛɛ ba. Kondɛɛra dibɔra bwa holɔ, Kaamɛl Bwejen doa kpɔɡa bwa serewe.”

Emɔs 3:8

Nyujente kɔraa, umee wola ɔmɔɔ? Nemenɛ Korowii bol wa aa, umee wola la ka bol o waa aa dɛ ba bala laɔ?

Sekaria 2:13

Nɛwɛnyina bwa hel Korowii sie, dɛkalkɛ o iro le o boɡoroŋ bela waa lole.

Mmarare 26:15

N Naa Korowii, che he sobɔr waa lɔ nyundua ba sie ne harɛ, dɛ́ swee andɛɛɡa tɛ he nɛra Israel tena, harɛ haa tɛ yaa ɡɛ haa ŋwɛɛ ntam, dɛ baɡɛ ya naawa nyoa harɛpare ondɛɛɡe nɔ.’ ”

Wepila 19:15

Asɛ tokobii waa nyɛɡa ɛɛ le o nyoa, o kpɔ dɛɛ ba harɛ ta nɛra bwa yoi, dɛ́ pɔ ba nɛ. Wɛɛ nyiŋi ba nɛɛ kpeɡri ne aŋwɛnɛ taa, dɛ́ ɛɛ ba kɛŋɔ baa dɛ sa daa nɔna baa kpɔa dɛɛ ɛ sen ta a nee ɛɛ le la. Korowii Waa Ɛ Kpeɡri Bwa Dɔɔ bandiaa a nee la.