Jeremia 25:29 - mzwDBL

²⁹ Mɛɛ kpɔ wenaalee ba ta bwɛjen n ɡbabir sɔn aa dawɛ o ta. Ba dɛ lii kɛŋɔ ba tenee wola deŋnetɛraa dɔ aa? Akai, baa won le a nyoa, dɛkalkɛ n dɛ ba laa ne ba ta harɛ nɔ nɛra bwa nɛ. Men Koranar Bwa Kooroo bola.

Jeremia 25:29 ပူးပေါင်းရင်းမြစ်များ

1 Pita 4:17

Tɔpere telo kɛŋɔ Korowii bol nɛwɛnyina waa dɛ́ pa bole. Korowii nɛra nɛɛ wɛɛ ba mun pae. Waa dɛ ba ya kwaraa kpɔe pa mun nɔ, dɛ ɛrɛɛ nɛra baa wola Amanesoma la yaradae waa ɛɛ ba doe yɔ?

Ɛsekeɛl 38:21

Wenaale bɛlbwa soo siwii mɛɛ ba kpɔe ba ta nomonjen Gɔɡ nɛ. Ba bini bɛlbwa ɛɛ berɛ o keree ba o dɔŋ nɛɛ dɛ́ kpoo. Men Nemenɛ Korowiirii bola.

Sɛɡla 11:31

Nɛndɛɛɡa dɛ dɔ ba wedɛɛɡa kembɔr harɛ nɔ ta naa, ɡɛɛ wechɔɡ-ɛɛra baa wola Korowii ɔmɛ la, ɛɛ ba ba wechɔɡa kembɔr dɔe.

1 Koranar 8:43

noa nyundua bela haa soɡa la, ásɛ dɛ ɛ wobɛlbwa baa bɔɔra dɛɛ le he be la, ásɛ harɛ nɔ ta nɛra jemɛ dɛ́ kpɔ duure dɛɛ tɛɛ, ɡɛ Israel tena yaa ɛ he nɛra aa dɛ ɛ la. Ásɛ ba jemɛ kɛŋɔ Dea maa doa tɛɛ nɔ ɛ bela nɛra aa dɛɛ tomɛ.”

Obadia 1:16

N ɡelɔ n nɛra nyɔ n danana nee Saayɔn Bwejen waa do ɡoroŋ ta. Kɛ harɛre aa bara cheme nɔ nɛra ɡe ɛɛ nyɔ danana nee á ɡwaa a nɔ ka tel saŋ baa serewe.

Ɛsekeɛl 9:6

Hé kpoo banjeni, bonɔɔna ne toli, haahna ne bechale. Kɛ he bɛ banɔ la baa do ba nso la te kpoo. Hé pa mun le n Dea bonɔ.” Anomanta, ba pa mun le nomonome baa lɔ Korowii Dea la sie nɛ.

Jeremia 49:12

Waa Korowii aa dɛ bol laanee nɔ. “Dɛ nɛra baa wola chɛɛ kɛŋɔ ń tɛr ba deŋne nyɔ n danana nee aa, ɛrɛɛ maa wola won tɛr he deŋne ɔ? Haa won le deŋnetɛra la nyoa, a chɛ kɛ hé nyɔ n danana ne.

Amanesoma Luk Aa Chwera Tɔn 23:31

Da-lwɛɛ dɛ fuh aa, dahole te ta pɔeh yaa?”

Sekaria 13:7

Koranar Bwa Kooro ŋɔ, “Mɛɛ ir n keree dɛ́ kpo n peteɡre waa dɛ tom mɛ la. Kpo peteɡre la ásɛ peera la lɔ peɡre ń dɔ bɔr kpoo a bii la.”

Ɛsekeɛl 14:21

Nemenɛ Korowii ŋɔ, “Webele anaarɛ aa wola weree mɛɛ ba kpɔe ba tɛr Jerusalam tena deŋne. Laa ne lɔr ne kpɔɡ bini olchɔɡa dɛ weechɔɡaa mɛɛ ba kpɔe ba kpoo nɛra ne kondɛɛra bwa.

Ɛsekeɛl 14:17

Kɛɛ dɛ n kpɔ laa tena ba harɛ la ta tena nɛ, ba kpɔ dɔmkwaa ba kpoo nɛra ne kondɛɛra bwa le o ta,

Jeremia 46:28

N nɛra Israel tena, mɛɛ ja he nɛɛ dɛ́ lɛ heya, mɛɛ chɔɡ harɛre nɛra maa lɔ heyaa peɡre ba bini bwaa, kɛ he te, maa den chɔɡ heyaa kwaraa. Mɛɛ tɛr he deŋnee, kɛ aŋwɛnɛ taa mɛɛ ba he deŋne tɛra. Men Korowiirii bola.”

Jeremia 30:11

Mɛɛ ja he nɛɛ, ásɛ dɛ lɛ heya. Mɛɛ chɔɡ harɛre nɛra maa lɔ heyaa peɡre ba bini bwaa, kɛ he te, maa den chɔɡ heyaa kwaraa. Mɛɛ tɛr he deŋnee, kɛ mɛɛ sune he nɛɛ dɛ́ nyiŋi heya kɛrɛdɛ. Men Korowiirii bola.”

Jeremia 13:13

Ásɛ he berɛ ŋɔ ba be ŋɔ men Korowii dɛ ba ɡela nɛra baa soɡe harɛ la ta dɛɛ, kɛŋɔ baa nyɔ sen ken. Hale koranar baa ɛ Kooro Devid naanar, ne sɔfore ne n keamere, dɛ banɔ la baa soɡe Jerusalam bwa jao.

Aesaya 10:12

Dɛ Korowii baa tonɛ ɡɛ waa ɛ nɛra baa lɔ Saayɔn Bwejen doa ne Jerusalam bwa naa, wɛɛ ŋɔɔ, “Mɛɛ ba tɛr Asiiria koojen deŋnee o mbarafo ne nyiŋa waa nyiŋi nɛn dɛɛ vah la wa.

Sɛɡla 17:5

He dɛ mamɛ nyaaraa, Korowii waa ta baa hɛɛ chɛɡɛ, ɡɛɛ a do dɛ he sie dɛ lɛ he dɔŋ wahala ta naa, hɛɛ ba deŋnetɛra kohona dɔe.

Sɛɡla 11:21

A ɛ kpela kɛŋɔ wechɔɡ-ɛɛra ɛɛ dɔ deŋnetɛraa, kɛ nɛndɛɛɡa te ɛɛ dɔ ba nyuu.

Jeremia 19:3

Korowii ŋɔ n be ŋɔ, ‘Juda koranar ne Jerusalam tena, hé bwa cheɡ deŋne no men Koranar Bwa Kooro, Israel tena aa dɛ tom mɛ aa dɛ bol. N dɛ ba wenaale kpɔe ba ta harɛ nɔ ta, á ɡel nomɛlbwa waa no la, o bwara yɔr kohona.