Awola tɔpere la, Korowii ɛɛ berɔ che o kpeɡri ta lɛ o nɛra baa kaa dɛ le Asiiria ne Ijipt ne Patrus, ne Itiopia ne Elam ne Babelɔn, dɛ Hamat harɛre bwa, dɛ banɔ la bwa baa lɔ bojaŋa harɛre ta.
N na waane kɛŋɔ chaahna ken a ɛ lokua kohona. Bane le dɔŋa dɛɛ tɛ, bane ɡee chɔɡ kwaa kohona. Elam tena, hé ka lɔ tɔ ba nɛɛ dɛ́ yoo ba! Midia tena, hé bar ba bwɛjena cheme, dɛ́ tɔ ba do! Korowii ɛɛ ɡeloo wahala Babelɔn aa ba a ne la teŋe.
Elam laa tena kpoŋe hɛma ne a tori dɛ che kwaa aa do kɛ torɔɡore bini, bane ɡe so jaɡre ta. Kir laa tena ɡe kpɔ kwaa baa kpɔa dɛɛ tɔ ba te ɡbemɡbe laa ta le.
Laa sitɔɔla ŋɔ, “Hé sar hɛma nyoo, dɛ́ kpɔ kwaa haa kpɔ tɔ he te ɡbemɡbe laa ta! Korowii di Midia koranar liire, dɛkalkɛ o dɛ nyin ó chɔɡ Babelɔn harɛ. Korowii koh o Dea la wa dɛɛ nyin ó bɔ ba ba wechɔɡa kem.
Elam harɛ ta nɛra chɔ bela, o laa tena baa kpoo ba laa ta la ŋwama chɔ baro. Banɔ la ba fa aa kpɔ ɔmee kohona ta harɛre nɛra nɛɛ ba ta men Korowii tomɛ dɛ sewɛ kaa lalabwɛɛ la. Ba ne banɔ la baa chɔ harɛ bini la di sihiih.
