Asɛ Korowii ŋɔ n be ŋɔ, ń kpɔ kala tɛ nomonome baa cheɡɛ koranar baa lɔ Edom ne Moab harɛre ta, ne bwɛjena Amɔn ne Taaya dɛ Sidon naa ta, dɛ ba Kooro Sedekia be Jerusalam la.
Koranar Bwa Kooro, Israel tena aa dɛ tomɔ bol Moab harɛ wa men Jeremia be ŋɔ, “Nɛbo tena, hé bwɛɛlɛ, dɛkalkɛ he bwɛɛ la dɛ ba chɔɡa. Dɔma yo Kiriataim tena dɛ pɔ ba nɛ, o danjwɛkpeɡ baa maa baro kuuɡo, asɛ sihiih kpo ba.
Gɛ Korowii aa bol Amɔn tena waa laanee nɔ. “Baala toole Israel harɛ ta kpa, dɛ́ kpɔ harɛ la ɛ ba kapɛrɛ kon kɛɛ? Ɛrɛɛ nɛra baa dɛ tomɛ voɡ Molɛk berɛ ba lɛ Gad dea harɛ dɛ so o ta nɔɔ?
Gɛ Koranar Bwa Kooro aa dɛ bol Edom tena wa laanee nɔ. “Wejerema toole Teman waa lɔ Edom harɛ ta kpa aa? Nɛra toole dɛ́ won ja nɛra kpa kɛɛ? Ba wejema bwa ɛ pɛɛpɛɛ aa?
Banee Ijipt ne Juda ne Edom ne Amɔn ne Moab tena, dɛ nɛra baa lɔ pua hɛŋle ɡbo harɛ ta, dɛ do bojaŋ harɛre ta la. Dɛkalkɛ a ɡɛ harɛre nɔ nɛra ne Israel tena ta n waa kpɔe do ba bambile bini.”
Edom tena ne ba koranar ne ba nomonjena bwa chɔ bela. Dɛ ba laa tena fa kpeɡri taeh, kɛ ane a bwa, ba ɡarɔ kpoo ba laa ta. Ba chɔ nɛra ba fa aa wola men Korowii tomɛ la baah ta lalabwɛ.
Korowii ŋɔ, “Edom tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba kpɔ keri kpoo ba lolanar Israel tena, ba ta tedoma dɔe tɛɛ ba, ba bandia ta jaɡa dɔe, waa sɔɔh bwa.
Korowii ŋɔ, “Amɔn tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba yo laa dɛɛ nyin ba harɛ do kan, anomanta, ba kpoo Gelead tekpoŋra, dɛ ya ba teene.
