Jeremia 25:15 - mzwDBL

¹⁵ Korowii Israel tena aa dɛ tomɔ la ŋɔ, “Jeremia, lɛ numol nɔ, sen aa lɔ o bini do kɛŋɔ n bandia danana ne, mɛɛ ba kpɔe tɛ nɛra bá nyɔ dɛ́ tɛr ba deŋne. Kpɔ kaa harɛre nɛra maa tomɛ ba be la be, dɛ́ ɡel bá nyɔ.

Jeremia 25:15 ပူးပေါင်းရင်းမြစ်များ

Job Tɔn 21:20

Gel wechɔɡ-ɛɛ la ɡbabir na o deŋnetɛra waa dɛ ba dɔe, dɛ́ nyɔ Korowii Waa Ɛ Kpeɡri Bwa Dɔɔ la danana ne.

Yela 11:6

Wɛɛ fuɡe ninhɔla, ne jebɔrɔwe niinii ta ɡɛ nɛra la nɛ, dɛ́ tɛr ba deŋne peuwɔb ne.

Yela 60:3

He ɡelɔ he nɛra na wahala kohona, ya valɛ dɛɛ yɛɛɡe kɛŋɔ yaa nyɔ sen dɛ dɛɛ ken.

Yela 75:8

Korowii kpoŋe numol, o bandia aa do kɛŋɔ danana nee suu. O fuɡa kɛŋɔ seŋkpeɡa tɛ nyubinikpeɡ tena bwa ba nyɔ, ba nyɔ a bwa a tonɛ kwaraa.

Yela 75:9

Kɛ n te, maa Korowii Israel tena aa dɛ tomɔ waa bolaa ɡel saŋ bɛlbwa bwa, mɛɛ ɡo kpɛɛra yelaa tɛo.

Aesaya 14:26

Waa nɔɔ n vɔrɔwe bil dɛɛ ba ɛɛ harɛ ta bobɛlbwa. N ir nɔn dɛ́ tɛr harɛre nɛra deŋne.”

Aesaya 34:2

Korowii baah di harɛre nɛra bwa nɛ. O bwaawee iro kohona ba laa tena nɛ. O lee ba cheɡ dɛ́ kpoo ba kwaraa.

Aesaya 51:17

Jerusalam tena, hé ir nyu ne, hé ir! He nyɔ Korowii danana nee a nyoa aa kpeɡa kɛŋɔ sen la, he nyɔ a bwa kwaraa dɛ dɛɛ, dɛɛ yɛɛɡe.

Aesaya 51:22

Nemenɛ Korowii haa dɛ tomɔ wɛɛ che he habɔɔ la ŋɔ, “Hé na, n lɛ n danana nee numol haa nyɔ o bini sen dɛɛ la le he nɔn ta. Haa anee nyɔ kpa bwa.

Aesaya 51:23

Mɛɛ kpɔɔ do nɛra baa dɛ fiiɡi heyaa la nɔn ta. Banee yon ŋɔ, ‘Hé chɔ harɛ, ásɛ ya valɛ he nyaŋ ta.’ He chɔ harɛ ba kpɔ he nyaŋ berɛ ŋwɛnɛ dɛɛ tiɡri he nɛ.”

Jeremia 1:5

“N tɔ sie lee cheɡ dɛ tɛɛ mkpa, mɔɔ ba lolɛ la, dɛ n lee cheɡ, menee lee ŋɔ hé ɛ n keame harɛre nɛra bwa nɛ.”

Jeremia 36:2

“Ir dɛ kpɔ tɔn chwerɛ Israel ne Juda tena, dɛ harɛre aa jaa waa maa bol he be, dɛ́ le Kooro Josia bere saŋ ba le fini.

Jeremia 43:11

Wɛɛ ba yo Ijipt tenaa dɛ́ pɔ ba nɛ, ásɛ banɔ la weechɔɡa aa kpoo ba la serewe, banɔ la baa laɡ ba la, bá laɡ ba kaa, ásɛ banɔ la ɡe baa kpoo ba laa ta la, bá kpoo ba.

Jeremia 45:5

Ɛrɛɛ hɛɛ nyin kɛŋɔ nɛra nyiŋi he nɛɛ kɛrɛdɛ nɔɔ? Bɛ an dɛɛ nyin, dɛkalkɛ n dɛ ba wenaale kpɔe ba ta harɛ nɔ nɛra bwa nɛ. Bobɛlbwa haa chwa kaa la, mɛɛ ɡeloo he dɔ he nyu. Men Korowiirii bola.”

Jeremia 46:1

Waa Korowii aa bol men Korowii keame Jeremia be dɛɛ baɡle harɛre nɛra bwa waa laanee nɔ.

Jeremia 48:26

Korowii ŋɔ, “Hé tɛ Moab tena sen bá nyɔ dɛɛ kohona, dɛkalkɛ ba ɛ men Korowii deŋnekpeɡ. Hé ɡel ba chɔ dɛɛ ɡbaɡre ba chwɛɛra ta, dɛ́ berɛ akwekwe nɛra.

Jeremia 49:12

Waa Korowii aa dɛ bol laanee nɔ. “Dɛ nɛra baa wola chɛɛ kɛŋɔ ń tɛr ba deŋne nyɔ n danana nee aa, ɛrɛɛ maa wola won tɛr he deŋne ɔ? Haa won le deŋnetɛra la nyoa, a chɛ kɛ hé nyɔ n danana ne.

Jeremia 51:7

Babelɔn fa do kɛŋɔ suuɡaswɛm numol, dɛ do men Korowii nɔn ta, dɛ ɡel harɛre nɛra bwa nyɔ o bini sen, dɛ dɛɛ dɛ bwa ɛɛ we choɡla.

Ɛsekeɛl 23:32

Nemenɛ Korowii ŋɔ, “Gɛ maa tɛr he nahaah deŋne kohona laanee mɛɛ ba he ɛɛ. Nomɛlbwa ɛɛ mamɛɛ dɛ́ muɡli he baah, dɛkalkɛ deŋnetɛra la kan kohona.

Ɛsekeɛl 23:33

Hɛɛ dɛɛroo kohona dɛɛ di suna. Deŋnetɛra waa do ɔma dɛ chɔɡ he nahaah waa cheɡa tɛ Samaria laanee hɛɛ ba dɔe.

Ɛsekeɛl 29:12

Mɛɛ ɡeloo Ijipt harɛ chɔ pɛɛ, dɛ́ ja harɛre aa chɔɡa bwa ta. O bwɛjena bwa dɛ ba pɛɛ chɔe bene fifraanaarɛ. Ásɛ n lɔ Ijipt tena peɡre harɛre bwa ta.”

Ɛsekeɛl 36:5

Men Nemenɛ Korowii cheɡɛ n bandia kohona ta, dɛ bol waa yaɡɛ harɛre kabora la ne Edom harɛ bwa, dɛkalkɛ ba sie lɛo, dɛ che wedoŋa ta kpɔ n harɛ ɛ ba kon, dɛ kpɔ ba kondɛɛra dibɔra kɛŋɔ laa ta kwa.

Obadia 1:16

N ɡelɔ n nɛra nyɔ n danana nee Saayɔn Bwejen waa do ɡoroŋ ta. Kɛ harɛre aa bara cheme nɔ nɛra ɡe ɛɛ nyɔ danana nee á ɡwaa a nɔ ka tel saŋ baa serewe.

Habakuk 2:16

Jirima he fe aa dɔ la ɛɛ berɛ sihiih. He saŋ telo name, hé nyɔ dɛ́ chɔ mumɡbal! Korowii ɛɛ ɡeloo he ɡbaɡba nyɔ o danana nee aa su numol, ásɛ ncho dii tɔ jirima he fe aa dɔ la ta.

Wepila 14:10

onee dɛɛ ba Korowii danana nee a nyoa aa kpeɡa kohona kɛŋɔ sen baa wola komɛlbwa a ta pule la nyɔe. Wɛɛ na hɔhɔrɔwa kɛrɛdɛɛ jebɔrɔwe ninlao ta, nyundua toroma ne Pebie la sie,

Wepila 14:19

Asɛ o ta o kerenyɛɡ la harɛ ta dɛ chaa a nɔna, dɛ pa do kon ba yon pa nɔna la do dɛɛ sa a ta a nee le dɛɛ do o bini la. A ɡɛ kon la cheɡɔ tɛ Korowii bandia.