Jeremia 25:11 - mzwDBL

¹¹ He harɛ nɔ bwa ɛɛ berɛ dimɡbiaa, nɛra na ba nyoa kpo, ásɛ harɛre aa baro cheme la nɛra do Babelɔn kooro lɔɡa, dɛɛ tomɔ bene fifraanuanɛ.

Jeremia 25:11 ပူးပေါင်းရင်းမြစ်များ

2 Webena 36:20

Nɛra baa kaa waa wola ban kpoorɛ la, o laɡ ba kaa bojaŋ harɛ Babelɔn, ba kaa tomɛ o ne o bii dɛ ka tel kɛŋɔ harɛ bɛl baa dɛ yerɔ Pɛɛsea aa baa ir dɛɛ di kpeɡri.

Aesaya 5:6

Mɛɛ ɡeloo harɛ la chɔ pɛɛ maa wola belaa parɛ kpa, maa daa la kpalaa kɛ, ásɛ sɔɔhne ne jabalnadaŋɛ le bela. Maa ɡel bwaala nɛ harɛ la ta kpa.

Jeremia 25:12

Kɛ bene fifraanuanɛ la baa kaa laa, wɛɛ tɛr Babelɔn kooro ne o harɛ nɛra deŋnee ba wechɔɡa la wa, ásɛ dɛ chɔɡ harɛ la o berɛ dimɡbia saŋ bɛlbwa dɛɛ la.

Jeremia 25:38

Korowii vɛh o nɛra kɛŋɔ nyujente yon chwa le o sɔɔhbɔr la ken. Harɛ la berɛ pua hɛŋle ɡbo harɛ, dɛkalkɛ Korowii cheɡɛ o bandia kohona ta ɡel ba dɔma ba chɔɡ ba harɛ.

Jeremia 27:22

“Baa paa kaa Babelɔn harɛ ta, a do bela ka tel kɛŋɔ n liire aa berɛ ba a ta. Ásɛ n berɛ ɡel bá berɛ ba a ne, ásɛ n berɛ lɛa cheɡ bonɔ. Men Korowiirii bola.”

Jeremia 27:7

Harɛre nɛra bwa ɛɛ tomɔɔ, dɛ tomɛ o bibaa ne o naa ka tel kɛŋɔ o harɛ la aa chɔɡ. Ásɛ o harɛ nɛra ɛɛ tomɛ harɛre nɛra baa kpeɡa kohona ne koojena.

Jeremia 28:14

Waa Koranar Bwa Kooro, Israel tena aa dɛ tomɔ la aa dɛ bol laanee nɔ, dɛ́ wɛɛ kpɔ buni waa do kɛŋɔ daa ba yon kpɔ dawɛ nae nɛɛ aa parɛ laanee dawɛ harɛre nɛra baŋa ta, ásɛ baa tomɛ Babelɔn Kooro Nebukadnesa. Hale dɛ́ ɡel kpɔɡ bini ola ɡba ɛɛ tomɛ Kooro Nebukadnesa.’ ”

Jeremia 29:10

Waa Korowii aa dɛ bol laanee nɔ, “Bene fifraanuanɛ la ba a jaɡa Babelɔn aa, mɛɛ berɔ ba he be, dɛ́ che suna maa sune he nɛɛ dɛ baɡɛ nyoa ŋɔ, mɛɛ berɔ ba he ne Jerusalam bonɔ la ta.

Jeremia 4:26

N nyiŋo, dɛ harɛpare ondɛɛɡe la berɛ pua hɛŋle ɡbo harɛ, o bwɛjena bwa berɛ dimɡbia, Korowii bandia kohona la wa.

Jeremia 4:27

Waa Korowii aa dɛ bol laanee nɔ, “Harɛ la bwa dɛ́ ba dimɡbia bera, kɛ maa den chɔɡ o bwa kwaraa.

Jeremia 43:10

Ásɛ dɛ berɛ ŋɔ ba be ŋɔ men Koranar Bwa Kooro, Israel tena aa dɛ tom mɛ ŋɔ, ‘Mɛɛ kpɔ n bonɔɔ Kooro Nebukadnesa waa ɛ Babelɔn kooroo ba bonɔ, dɛ́ ɡel ó kpɔ o kookara ba cheɡ bwekuŋe haa huɡa nɔ ta. Wɛɛ baŋre o tɛnte deaa ó do kɛŋɔ koodem.

Jeremia 44:22

Korowii aa wola won so nyiŋi he nyubinikpeɡ we-ɛɛla ne waa waa kia hɛɛ ɛ la, anee ɡela he harɛ la berɛ kon baa taahno, dɛ berɛ dimɡbia nomɛlbwa aa wola o ta soɡe hale ba le fini la.

Ɛsekeɛl 12:19

Ŋɔ harɛ la ta nɛra be ŋɔ, ‘Men Nemenɛ Korowii dɛ bol nɛra baa lɔ Jerusalam ne Israel harɛ la ta nɛra be kɛŋɔ, báa di kwaa bochela nee, dɛ́ nyɔ nee ɔmee ne sibeɡra ne. Harɛ la bwa dɛ ba chɔɡa dɛ́ chɔ pɛɛ, deŋnekpeɡ ne naɡrenyin we-ɛɛla aa lɔ bela la wa.

Ɛsekeɛl 29:11

Nɛn kɛɛ ol bɛlbwa aa o taa kpɔ. Bene fifraanaarɛ habɔɔ laa aa, nomɛlbwa kɛɛ komɛlbwa aa won so bela.

Ɛsekeɛl 6:14

Kpelaa, mɛɛ tɛr n nɔnee pa ba nɛ, dɛ́ chɔɡ ba harɛ. Mɛɛ ɡeloo ó chɔ pɛɛ le pua hɛŋle ɡbo harɛ la ta kaa bwɛɛ bɛl baa dɛ yerɔ Dibla, ne bobɛlbwa baa soɡa. Ásɛ ba jemɛ kɛ menee Korowii.”

Daneɛl 9:2

A bena waa di kora la, men Daneɛl nyiŋi tɔne bini, dɛ na waa Korowii aa cheɡɛ o keame Jeremia nɛɛ bol ŋɔ, Jerusalam ɛɛ berɛ dimɡbia, dɛ́ ka tel bene fifraanuanɛ.

Lewi Dea Tena 26:32

Gɛ maa chɔɡ harɛ la ɛɛ ɡeloo he dɔma baa ba so o ta la bambile chɔɡ kohona.

Maeka 7:13

Kɛ harɛ bwa ɛɛ chɔɡoo, o nɛra we-ɛɛla wa, dɛ́ do kɛŋɔ pua hɛŋle ɡbo harɛ ta ken.

Sekaria 1:12

Ate, Korowii nyundua torome la ŋɔ, ‘Koronar Bwa Kooro, bene fifraanuanɛɛ nɔ he baah aa di Jerusalam ne Juda bwɛjena tena nɛ. Saŋ besoo hɛɛ ba ba sum nae yɔ?’

Sekaria 7:5

“Bɔɔ harɛ la ta nɛra bwa ne sɔfore la ŋɔ, ‘Haa vɔwɛ nyoa dɛ wi korobinuete ne korobinuanɛte ta bene fifraanuanɛ aa baa kaa ta la, dɛ n waa he koh vɔwɛ nyoa aa?