Jeremia 24:7 - mzwDBL

⁷ Mɛɛ ɡeloo ba dɔ nyina bambile, á ɡel ba jemɛ kɛŋɔ menee Korowii baa dɛ tom mɛ. Mɛɛ ɛ Korowii baa dɛ tom mɛɛ, ásɛ ba ɡe ɛ n nɛra, dɛkalkɛ baa kpɔ ba bambile bwaa tɛ mɛ, dɛ́ berɛ ba n be.

Jeremia 24:7 ပူးပေါင်းရင်းမြစ်များ

2 Webena 6:38

Dɛ ba berɔ ba he be ba bambile ne ba liire bwa ne, dɛ kpɔ sie chaɡɛ harɛ haa kpɔa tɛ ba naawa bwɛjen haa lea cheɡ, asɛ n do he Dea tɛɛ he sɔn ta nɔ naa,

Yela 119:2

Nɛra baa dɛ nyin o waa dɛɛ teŋɛ a ta bambile bwa ne la, ba na som.

Aesaya 51:16

Menee kpɔ n waa tɛ heya, dɛ kpɔ n nɔn tɔ he nɛ. Menee paɡri nyundua kɛŋɔ yal, dɛ pa harɛ mun. Menee ŋɔ Jerusalam tena be ŋɔ, ‘N nɛraa heya.’ ”

Jeremia 11:4

A ɛ waa maa do ba naawa ɡɛ saŋ maa laɡ ba le Ijipt harɛ waa do wɔrɔbe ba nɛɛ kɛŋɔ nii aa won buni mwɛɛla la. N ŋɔ ba be ŋɔ, baa duu mɛ dɛɛ teŋɛ wobɛlbwa maa do ba a ta la ta, ásɛ ba ɛ n nɛra, n ɡe ɛ Korowii baa dɛɛ tom mɛ.

Jeremia 29:10

Waa Korowii aa dɛ bol laanee nɔ, “Bene fifraanuanɛ la ba a jaɡa Babelɔn aa, mɛɛ berɔ ba he be, dɛ́ che suna maa sune he nɛɛ dɛ baɡɛ nyoa ŋɔ, mɛɛ berɔ ba he ne Jerusalam bonɔ la ta.

Jeremia 3:10

Anɔ bwa habɔɔ, Juda waa ɛ Israel dɔŋ, o wa aa wola kasinteŋ dɔe la, ta berɛ ba n be o bambile bwa ne, dɛ ta ɛɛ kpɔ a liire. Men Korowiirii bola.”

Jeremia 30:22

Gɛɛ hɛɛ ba n nɛra ɛɛ, ásɛ n ɡe ɛ Korowii haa dɛɛ tom mɛ.”

Jeremia 7:23

N do ba ŋɔ baa no n wa, ásɛ n ɛ Korowii baa dɛ tom mɛ, ásɛ ba ɡe ɛ n nɛra. N berɔ ŋɔ ba be ŋɔ a chɛ kɛ baa ɛ ɡɛ maa do ba la, ásɛ wobɛlbwa do wer tɛɛ ba.

Ɛsekeɛl 11:17

Berɛ ŋɔ ba be ŋɔ, ‘Men Nemenɛ Korowii ɛɛ boa ba nyoa le harɛre maa lɔ ba peɡre a ta la taa, dɛ́ berɛ kpɔ Israel harɛ la tɛɛ ba ja.’

Ɛsekeɛl 14:11

Anee dɛ́ ɡel Israel tena berɛ ba n be, dɛ́ ɡel wechɔɡa ta teŋa, dɛ bɛ doŋa kpɔ kah ba te. Baa ɛɛ n nɛraa, ásɛ n ɛ Korowii baa dɛɛ tom mɛ. Men Nemenɛ Korowiirii bola.’ ”

Ɛsekeɛl 16:62

Gɛ taa aa ba cheɡa n ɡel n ne he fɔo la che, ásɛ he jemɛ kɛŋɔ menee Korowii.

Ɛsekeɛl 37:23

Baa voɡaa tomɛ, dɛɛ ɛ waa maa kia dɛ kah doŋa, kɛɛ dɛ ɛ wechɔɡa bɛlbwa kpa, dɛkalkɛ mɛɛ lɛɛ baa le wechɔɡa bwa aa ɡela ba le habɔɔ la taa, dɛ́ laa doŋa bɛlbwa kpɔ ba nɛ. Mɛɛ kpɔ baa ɛ n nɛra, n ɡe ɛ Korowii baa dɛɛ tom mɛ.

Ɛsekeɛl 37:27

Ba baahnee mɛɛ ba soɡa, dɛ́ ɛ Korowii baa dɛ tom mɛ, ásɛ ba ɡe ɛ n nɛra.

Ɛsekeɛl 39:22

Le awola dɛɛ kaa la, mɛɛ ɡeloo Israel tena jemɛ kɛŋɔ menee Korowii baa dɛ tom mɛ la.

Hosia 2:22

ásɛ mea ne ɡrepo ne ɔleve do wer Jesreel Fɛlembɔjen bini.

Sekaria 13:9

Bɔrbeŋkpoŋ nɛra nɔɔ mɛɛ ba kpɔe kpɔ nii ta kɛŋɔ baa kpɔ suuɡapoŋ ne suuɡaswɛm do nii ta dɛ laa a doŋa dɛɛ kpɔ a ta la. Baa yerɛ n sɔnee, ásɛ n ɡe sɛh ba be. Mɛɛ ŋɔɔ, ‘N nɛraa ban,’ ásɛ ba ŋɔ, ‘Korowii yaa dɛ tomɔɔ laanee la.’ ”

Sekaria 8:8

Mɛɛ berɔ ba bane ba so Jerusalam, ásɛ ba ɛ n nɛra, n ɡe ɛ Korowii baa dɛ tom mɛ, ásɛ n nyiŋi ba nɛɛ kasinteŋ ne waa aa toɡra ne.

Tɔn Pɔɔl Aa Chwerɛ Rom Tena 6:17

Korowii jam! Wechɔɡa fa aa yawɛ heyaa yom, asɛ taraken nɔ he no o waa baa chaɡle heyaa dɛ kpɔ he te tɛo he bambile bwa ne nɔ,

Hibru 11:16

Kɛ ɡɛ laa a do. Harɛdɛɛɡe waa wera ɡwaa bela baa lea la waa baa lii. Harɛ waa lɔ nyundua waa baa lii. Anomanta, a ta Korowii sihiih ɛɛ kɛŋɔ baa dɛ yerɔ ba Korowii, dɛkalkɛŋɔ o kwaa bwɛɛ bɛl cheɡ ba.

Hibru 8:10

Fɔo n ne Israel tena aa dɛ ba fɔwa kerekeree la. Mɛɛ kpɔ me Mmaraa do ba nyu bini, dɛ́ chwerɔ do ba bambile bini, ásɛ dɛ ɛ Korowii baa dɛɛ tom mɛ, ásɛ ba ɡe ɛ n nɛra.

1 Samoɛl 7:3

Asɛ Samoɛl ŋɔ Israel tena be ŋɔ, “Dɛ hɛɛ berɔɔ ba Korowii be dɛɛ nyinu he bambile bwa ne, dɛ́ laa he te kpɔ voɡa toma ne voɡhaahna Astɔrɛt nɛ, dɛ́ kpɔ he te tɛo dɛɛ tomɛ o ɡbo aa, wɛɛ lɛ heyaa le Filisti tena kpeɡri baa dɛ di he nɛɛ la taa.”