Jeremia 23:39 - mzwDBL

³⁹ ‘Kasinteŋ, Korowii ɛɛ soh he waa, dɛ́ kpɔ he ne bwɛɛ waa kpɔa tɛ he ne he naawa la ka ta bojaŋ, ásɛ he le o sie kwaraa.

Jeremia 23:39 ပူးပေါင်းရင်းမြစ်များ

Mumpar 4:16

Belaa Keen le Korowii sie, dɛ ka so harɛ bɛl waa lɔ Eden wee leebɔr bobɛl baa dɛ yerɔ Nɔd.

Mumpar 6:17

N dɛ ba ɡela nee su dɛ́ tɔ harɛ nɔ bobɛlbwa, ásɛ dɛ chɔɡ n kontaala bwa. Komɛlbwa waa lɔ harɛ nɔ ta te bwa dɛ ba sewa.

2 Koranar 23:27

Korowii ŋɔ, “Mɛɛ le Juda harɛ nɛra ɡe nee, ɡɛ maa le Israel harɛ nɛra ne la. Dɛ́ vɛh bwɛjen Jerusalam tena maa lee ba cheɡ tɛ n te, ne Dea nɔ maa ŋɔa baa tom mɛ o bini nɔ ta.”

Yela 51:11

Bɛ men doŋi le he sie, kɛɛ dɛ́ laa he Doma kpɔ n nɛ.

Sɛɡla 13:13

He ɡelɔ wedɛɛɡa kpɔ he deŋna habɔɔ kaa laa, waa he nyin dɛɛ dawɛ he nɛ, kɛ he teŋɛ a ta naa, he bwara dɛ sɔɔhne.

Aesaya 48:15

Menee pili nyoa dɛ yerɔ, menee leo dɛ ɡel o won ɛ o toma bwa ka tonɛ.

Aesaya 51:12

Korowii ŋɔ, “Menee dɛɛ larawe he bwara. Nɛwɛnyina ɡee bɔkwa, hɛɛ ɔm baɔ? Ba dɛ serewe, ba do kɛŋɔ kpɔɡa.

Jeremia 12:7

Korowii berɔ ŋɔ, “Mɛɛ vɛh n nɛra Israel tenaa, nɛra maa lee ba tɛ n te la. Mɛɛ lawɛ nɛra maa dɛ nyin ba waa do ba dɔma nɔn ta.

Jeremia 23:33

Korowii ŋɔ men Jeremia be ŋɔ, “Dɛ n nɛra nɔ bini bɛlbwa kɛɛ n keame, kɛɛ n sɔfo bɔɔre ŋɔ, ‘Bɔkwa waa men Korowii ɛɛ bol ɔ?’ Asɛ he chaŋe ŋɔ, ‘He waa do kɛ bone dɛ dawɛ Korowii nɛ, anomanta, wɛɛ vɛh heyaa.’

Jeremia 23:38

Dɛ ba vɛh waa maa do ba a ta, dɛ ŋɔ waa aa ɡwaalaa n kpɔ ba dawɛ ba nɛ aa, ŋɔ ba be ŋɔ,

Jeremia 35:17

Anomanta, men Korowii Maa Ɛ Koranar Bwa Kooro, men Korowii Israel tena aa dɛ tom mɛ ɛɛ kpɔ wekpeɡa maa ŋɔa mɛɛ kpɔɔ ba ta Juda ne nomɛlbwa waa lɔ Jerusalam nɛɛ laanee ba. Dɛkalkɛ n bol waa he be, he ta noɛ, dɛ yerɛ heya he ta men chaŋɛ.”

Jeremia 36:31

Mɛɛ tɛr he ne he naanar dɛ he nomonome deŋnee, he wechɔɡa haa ɛa dɛ jo n nɛɛ la wa. He ne Jerusalam kɛɛ Juda tena bɛlbwa ta deŋne cheɡɛ dɛ no waa maa dɛ kah heyaa la, anomanta, mɛɛ kpɔ wekpeɡa maa ŋɔa mɛɛ kpɔɔ ba ta he nɛɛ laanee ba.’ ”

Jeremia 52:3

Korowii baah di Jerusalam ne Juda harɛ nɛra nɛɛ kohona, anomanta, o doŋ ba le o sie. Kooro Sedekia baa ɛ Babelɔn kooro deŋnekpeɡ.

Jeremia 7:14

Anomanta, ɡɛ maa ɛ Silo laanee mɛɛ ba n Dea maa lea cheɡ ŋɔ hɛɛ tom mɛ o bini, dɛɛ hwɛɡɛ o ta la ɛɛ. Dea nɔ maa kpɔa tɛ he ne he naawa nɔ ɛɛ doo kɛŋɔ maa ɛ Silo la.

Jeremia 7:15

Mɛɛ doŋi heyaa le n sie ɡɛ maa doŋi Israel tena baa ɛ he lolanar bini bane la. Men Korowiirii bola.”

Wiile 5:20

Ɛrɛɛ he soh ya waa biɡri ɡɛ nɔɔ? He ta ɛɛ ba lii ya waa ja tenaa?

Ɛsekeɛl 34:11

Men Nemenɛ Korowii ɡbaɡba ɛɛ nyin n peera bɔree, ásɛ dɛ nyiŋi a nɛ.

Ɛsekeɛl 34:20

Anomanta, men Nemenɛ Korowii ɡbaɡba ɛɛ bol n peera aa ɡwaŋra ne anɔ la a bwara aa wera la waa.

Ɛsekeɛl 5:8

Anomanta, men Nemenɛ Korowii ne he Jerusalam tena dɔɔ. Mɛɛ pa heyaa bolchɔɡee harɛre nɛra bwa siwi ta.

Ɛsekeɛl 6:3

‘He bwejena ne deŋɡarere, hé no Nemenɛ Korowii wa. O ŋɔ o dɛ ba laa ne dɛ́ ba chɔɡ bwejena ne deŋɡarere, ne bwea ŋwɛnɛre aa chɔ a baahna, ne fɛlembɔjena voɡare aa lɔ a ta nɛra ɛɛ toma la bwa.

Ɛsekeɛl 8:18

Mɛɛ tɛr ba deŋnee bandia ne, maa ba nɛɛ sune, maa ba bwaraa kpɔ kɛ ba. Ba wio noo mɛ kohona noo, maa ba bee no.”

Ɛsekeɛl 9:6

Hé kpoo banjeni, bonɔɔna ne toli, haahna ne bechale. Kɛ he bɛ banɔ la baa do ba nso la te kpoo. Hé pa mun le n Dea bonɔ.” Anomanta, ba pa mun le nomonome baa lɔ Korowii Dea la sie nɛ.

Hosia 4:6

N nɛra aa wola men Korowii jemɛ nomanta, ba dɛ serewe. He sɔfore, haa wola n waa ta teŋɛ nomanta, n ɡe vɛh heya. Haa vɛh men Korowii haa dɛ tom mɛ webaɡla ta teŋa nomanta, n ɡe ɛɛ vɛh he biirii.

Hosia 5:14

Mɛɛ ɛo kɛŋɔ nyujente ken Israel harɛ ne Juda tena bini. Mɛɛ toɡri ba olaa, dɛ́ che ba kaa nomɛlbwa aa wola won lɛɛ ba.

Lewi Dea Tena 26:28

ate mɛɛ kpɔ n bandia kohonaa ba ta he nɛ, dɛ́ tɛr he deŋne bele anuanɛ ɡwa wubwa la.

Matiu 25:41

Ásɛ n berɛ ŋɔ banɔ la baa lɔ n ɡal ta la be ŋɔ, ‘He banɔ Korowii nyotaahna aa lawɛ heyaa la, hé le n sie bonɔ, dɛ́ ka jo nii aa wola dime bwa ba mara tɛ Bɔnsam ne o toroma la ta,

Mmarare 32:39

Dɛ berɛ ŋɔ, ‘Men, n ɡbosoo Korowii, voɡ bɛlbwa toole. Menee dɛɛ chɔɡ, dɛɛ tɛ mkpa, menee dɛɛ do nɛn bol, dɛ berɛ dɛɛ chah naate. Nomɛlbwa toole dɛ́ tɔ mɛ ŋwɛnɛ.

2 Tesalonika 1:9

dɛ́ per ba le o be. Baa o kpeɡri aa ɡela o dɔ jirima laanee na kpa, ásɛ o kpɔ hɔhɔrɔwa aa wola jaɡa dɔe bwa ta ba nɛ.