Jeremia 23:36 - mzwDBL

³⁶ Anomanta, ba bɛ waa aa ɡwaala Korowii kpɔ dawɛ ba nɛɛ la waa bol kpa, dɛkalkɛ dɛ bɛlbwa ɛ ɡɛ naa, mɛɛ ɡeloo n waa la do kɛŋɔ bontɔɡa ɡbaɡba dawɛ o nɛ. Ba berɛ Korowii baa dɛ tomɔ waa la sie, Korowii waa lole saŋ bɛlbwa dɛ ɛ Koranar Bwa Kooro la.

Jeremia 23:36 ပူးပေါင်းရင်းမြစ်များ

2 Koranar 19:4

Asiiria koojen tomɛ o laa sitɔɔla nomoa, ó ba chɛɡre Korowii waa lole saŋ bɛlbwa la. N dɛ soŋe Korowii haa dɛ tomɔ kɛ, ó tɛr a ɡɛ nɛra la deŋne a wa, anomanta, soŋe Korowii tɛ ya nɛra ya taa kaa nɔ.”

Yela 12:3

N Naa Korowii, ɡel nyokpɛl ne nyoo baa kpɔa dɛɛ bol wejena ba a jaɡa.

Yela 120:3

He nɛra haa ɛ nyosonteŋna, ɛrɛɛ Korowii ɛɛ ba heyaa ɛɛ yɔ? Ɛrɛɛ wɛɛ ba he deŋnetɛra ɔ?

Yela 149:9

Bá tɛr harɛre nɛra la deŋne, ɡɛ Korowii aa bola la. Korowii nɛra ba wa aa toɡra bwa jirimaa la. Hé kpɛɛ Korowii!

Yela 64:8

Wɛɛ ɡeloo ba vɔrɔwa la bwa ɡure ba nyu ta, ásɛ nɛra na ba dɛɛ viiɡi ba nyuune, dɛɛ mam ba.

Sɛɡla 17:20

Nɛnchɔɡe waa kpɔ waa dɛɛ perɛ, aa andɛɛɡa dɔ, ɡɛɛ nɛn o nyondoŋe aa bar o nyu la ɛɛ na wa.

Aesaya 28:22

He bɛ jae maa dɛ ja heyaa nɔ mamɛ, ásɛ he wahala haa dɛ́ ba nae la bɛ he nɛɛ ba ɡwaa kohona. Korowii, Koranar Bwa Kooro bol n be, maɡla waa maɡla bil kɛŋɔ wɛɛ chɔɡ harɛ bwaa la.

Aesaya 3:8

Jerusalam paɡrɔ, Juda harɛ ɡe chɔɡ. Nɛra baa lɔ bela nyoa wobol ne ba we-ɛɛla dɛ jo Korowii nɛ. Ba pili nyoa dɛɛ chɛɡɛ Korowii waa ɛ jirima te la.

Jeremia 10:10

Kɛ hen N Naa Korowii, he waa dɔ kasinteŋ, henee kooro haa lole saŋ bɛlbwa. He baah diu waa, harɛ bwa dɛ chel, harɛre nɛra aa won che he bandia nyoa.

Jeremia 23:37

Jeremia, bɔɔ n keamere la ŋɔ, ‘Ɛrɛɛ Korowii chaŋe heya ɔ? Bɔkwa waa o bol ɔ?’

Wiile 2:14

Wepila he keamere aa naa dɛɛ baɡle la ɛ nyosone, ba webaɡla la neɡre, ba ta ɡelɛ he jemɛ he wechɔɡa, ásɛ he charɛ he we-ɛɛla, ba bɛ hen lawɛ kaa harɛfala ta.

Matiu 12:36

N dɛ ŋɔ he be ŋɔ, wesale bɛlbwa nomɛlbwa aa bola la, wɛɛ baɡle a munii awola Korowii aa ba dɛ́ ba bol nɛra bwa waa dɛ́ pa bole la.

Amanesoma Luk Aa Chwera Tɔn 19:22

Anee nomoa la ŋɔ o be ŋɔ, ‘Bonɔnchɔɡe kohona! He ɡbaɡba nyoa wobol taa mɛɛ ba cheɡa dɛ́ pae bolchɔɡe. He jemɔ kɛ n ɛ bambikpeɡ te, dɛɛ kpɔ kwaa aa wola n kwaa ɛɛ, dɛɛ komɛ kwaa maa wola due kenɛ?

We-ɛɛla 14:15

“Bwɛɛla, ɛrɛɛ hɛɛ ɛ ken nɔɔ? Nɛraa yan kɛ heyaa ken. Amanesoma nee ya ba he be, ásɛ he no dɛ́ ɡel konsale nɔ ne komɛlbwa toma, dɛ́ɛ tomɛ Korowii waa lole saŋ bɛlbwa, dɛ ta nyundua ne harɛ ne mpo, dɛ kwaa aa lɔ a ta bwa la.

Galaasia 6:5

dɛkalkɛŋɔ nomɛlbwa ne o bonee wɛɛ ba cheɡa.

Mmarare 5:26

Nɛwɛnyini besoo no Korowii waa lole saŋ bɛlbwa wobol le nii ta kɛ yan, dɛ ta dɔ o nyu dɛ so le nɔ?

1 Tesalonika 1:9

Ba ɡbabir dɛ bol he wa, ɡɛ haa kpoŋe yaa dɛ no ya be, dɛ charɛ he liire le voɡa aa wola mkpa dɔe la ta dɛɛ tomɛ Korowii waa lole saŋ bɛlbwa dɛ dɔ mkpa la,

2 Pita 3:16

Pɔɔl dɛ bol a ɡɛ waa nɔ o tɔne bwa bini. Ane ta Pɔɔl tɔne waane mun noe kpeɡri taeh. Anomanta, nɛra baa wola wobɛlbwa jemɛ baa wola cheɡɛ kiŋkiŋ la, ba dɛ berɛ waa la sie. Gɛɛ a ɡɛ nɛra nɔ ɛɛ baɡle Korowii Tɔn bini waa la ane ɡe. Kɛ ba ɡbaɡba nyu taa ba ɛ dɛɛ dawɛ.

1 Samoɛl 17:26

Anee Devid bɔɔ nɛra baa cheɡɛ o jwɛɛh la ŋɔ, “Dɛ nomɛl wono kpo Filisti baa nɔ dɛ le Israel tena sihiih nɔ ta naa, bɔkwaa wɛɛ ba dɔe yɔ? Umee Filisti te nɔ waa wola Korowii tomɛ, dɛ ɡe won dɛɛ muɡli Korowii waa lole saŋ bɛlbwa laa tena baah nɔɔ?”

1 Samoɛl 17:36

Gɛ Korowii aa ɡela he bonɔɔ won kpo nyujente ne sisire kwaraa la, ɡɛɛ mɛɛ ba Filisti te waa wola Korowii tomɛ nɔ ɡe ɛɛ, dɛkalkɛŋɔ o ɛ Korowii waa lole saŋ bɛlbwa la sisawa.