Jeremia 23:32 - mzwDBL

³² Anomanta, n ne nɛra baa cheɡɛ chaahna ta, dɛ teŋe nyosone dɛɛ maŋkura ba te la dɔɔ. Ba bola dɛ ɡel n nɛra ɛɛ nyoɡre, dɛ n ɡe laa tom ba. Ba waa la aa nɛra nɔ cha tama bɛlbwa. Men Korowiirii bola.”

Jeremia 23:32 ပူးပေါင်းရင်းမြစ်များ

Job Tɔn 13:4

Hé kpɔ nyosone tɔ kasinteŋ ta, hé do kɛŋɔ tɛɛɡa te waa wola won chah weela!

Aesaya 3:12

Toli ne bonɔɔna dɛ fiiɡi n nɛra. Haahnaa dɛɛ nyiŋi ba nɛ dɛɛ do ba. N nɛra, he sitɔɔla ɡelɔ he nyoɡre. Ba ɡelɔ he nyoɡre ŋwɛnɛ.

Aesaya 9:15

Nomonome ne nɛra baa dɔ jirima laanee daa la nyu, asɛ Korowii keamere baa dɛ teŋe nyosone o waa la ta la, ɡee daa la harɛbɔr.

Jeremia 23:13

N na waane maa kia keamere baa lɔ Samaria nɛ. Ba dɛ bol waa voɡ Baal sɔn ta, a ɡel n nɛra Israel tena nyoɡre ŋwɛnɛ.

Jeremia 23:16

Waa Koranar Bwa Kooro aa dɛ bol laanee nɔ. “He bɛ waa keamere la aa dɛ bol he be la no, ba dɛ chɔɡ he liire, hwɛɡa bɛlbwa toole a ta. Anɔ la baa liira ɡboo ba na chaahna ta dɛɛ baɡle, waa men Korowii aa bola laa.

Jeremia 23:25

N no keamere nyosonteŋna maa wola ban tomɛ, asɛ ba che n sɔn ta dɛɛ bol n waa la wa. Ba yon ŋɔ, ba deero dɛ na men Korowii waa chaahna ta.

Jeremia 23:31

Kasinteŋ, n hah keamere ba ɡbabir aa dɛ bol ba wa, dɛ yon ŋɔ a ɛ men Korowii waa la.

Jeremia 29:31

“Kpɔ kala nɔ ka tɛ nɛra baa laɡ ba laa ta kaa harɛfale ta bojaŋ la. Ŋɔ Sɛmaya waa ɛ Nehelam te dɛ ba bol Korowii waa la baɡle la, n laa tomɔ, asɛ o neɡre dɛ ɡel he yarada waa aa ɛ nyosone.

Jeremia 7:8

Hé no, waa aa ɛ nyosone taa he yarada do.

Wiile 2:14

Wepila he keamere aa naa dɛɛ baɡle la ɛ nyosone, ba webaɡla la neɡre, ba ta ɡelɛ he jemɛ he wechɔɡa, ásɛ he charɛ he we-ɛɛla, ba bɛ hen lawɛ kaa harɛfala ta.

Wiile 3:37

Umee dɛ́ bol waa aa won chiɡ, dɛ Korowii laa sɛah kɛ a chiɡo?

Sefania 3:4

O keamere waa ta kasinteŋ dɔe, ba dɔ mbarafo. O sɔfore kpɔ doŋa dɛɛ kah kwaa aa do ɡoroŋ, dɛɛ ɡole Korowii Mmara ɡɛ baa dɛ nyin.

Sekaria 10:2

Voɡa dɛ teŋe nyosone, voɡra waa baa dɛ na ɛ nyosone, deera mun baa dɛ baɡle la ta kasinteŋ ɛɛ, bolarawa baa kpɔa dɛɛ tɛ nɛra ɛ wesale. Anomanta, ba ɡelɔ nɛra nyoɡre kɛŋɔ peera aa wola teɡre dɔe, asɛ nɛra ɛɛ fiɡ ba.

Matiu 15:14

He bɛ ban dawɛ le! Ba ɛ nyoŋa baa dɛ tɔ nyoŋa sie. Nyoŋe lawɛ o dɔŋ nyoŋe daa aa, ba bwa dɛ le bɔɔ ta.”

2 Kɔrent 1:17

Maa lii ken la, dɛ n le nɛn o liire aa dɛ ɛo aahna-aahna kɛɛ? N dɛ maɡle maɡla aa, n ɡbo kɛrɛdɛɛ mɛɛ nyiŋi kɛŋɔ nɛwɛnyina aa dɛ ɛ, ásɛ a wer tɛ mɛ naa, n ŋɔ ɔɔh, dɛ buɡ ta n berɔ na kɛ aa were tɛ mɛ naa, n ŋɔ ɔɔhɔh kɛɛ?

Mmarare 18:20

Dɛ keame bɛl ɡe baah suu ŋɔ wɛɛ che n sɔn taa dɛ́ bol waa maa wola on a ta doe, kɛɛ keame waa che voɡ bɛlbwa sɔn ta, dɛ́ bol waane la chɛ kɛŋɔ bá kpoo.’

Wepila 19:20

Kɛ ba lawɛ olchɔɡe la, ne keamechɔɡe la o fa aa dɛ ɛ wejena dɛɛ tɛ olchɔɡe la, dɛɛ neɡre nɛra baa dɔ olchɔɡe la nso dɛɛ tomɛ kon baa mao o do kɛ olchɔɡe la. Ba kpɔ ba bwa ne ba siweela ka ta bela nii ne jebɔrɔwe aa yɛɛra chɔ kɛŋɔ moo dɛɛ fuh.