Jeremia 23:25 - mzwDBL

²⁵ N no keamere nyosonteŋna maa wola ban tomɛ, asɛ ba che n sɔn ta dɛɛ bol n waa la wa. Ba yon ŋɔ, ba deero dɛ na men Korowii waa chaahna ta.

Jeremia 23:25 ပူးပေါင်းရင်းမြစ်များ

Mumpar 37:5

Awola jwaana bɛl Jekɔb deero dɛ taa baɡle o dɔɔranar. A taa ba haoh kohona kwara.

Mumpar 37:9

O berɔ dee anfala ja dɛ taa baɡle o dɔɔranar la ŋɔ, “Hé no, n deero asɛ wee ne korobie dɛ weweela fi dɛ beŋkpoŋ ɛɛ ɡuŋ mɛ.”

Yela 139:2

He jemɛ n harɛ soɡa ne n ira dɛ che bwa bini, n ne he baah jaŋne kwaraa naa, he jemɛ n nyu bini liire bwa.

Yela 139:4

Mɔɔ n pili nyoa dɛ́ bol waa la, dɛ he jemɛ waa maa bol bwa.

Jeremia 13:27

N jemɛ he jwamane ne pɛlchɔɡa we-ɛɛla wa. Dɛ na ɡɛ haa tomɛ voɡa deŋɡarere dor ne kpɔɡ bini ba fe aa kia la. Jerusalam tena, hé bwɛɛlɛ. Saŋ besoo he kah doŋa ka tel ɔ?”

Jeremia 14:14

Belaa Korowii ŋɔ n be ŋɔ, “Keamere la teŋe nyosone dɛɛ bol wa n sɔn ta. N ta ban tomɛ kɛɛ dɛ lee ba, n ta wobɛlbwa ɡe bolɛ ba be. Waa baa dɛ na chaahna ta, ne anɔ la aa chiɡ kerekere, dɛ voɡa toma waa baa dɛ bol la bwa ɛ waa ba ɡbaɡba aa liira.

Jeremia 16:17

Korowii dɛ na waa bwa baa dɛ ɛ, a bwa chɔ o sie. Gɛɛ baa wola won kpɔ ba wechɔɡa ɡe sɔɔh.

Jeremia 23:28

Keame bɛlbwa na waane chaahna ta naa, o yon ŋɔ deeraa o dee, kɛ n keame bɛlbwa waa dɛ bol waa aa le n be la te, wɛ́ɛ bola kasinteŋ ta. Haahra ta korɛ, asɛ mea ɡe koraa?

Jeremia 23:32

Anomanta, n ne nɛra baa cheɡɛ chaahna ta, dɛ teŋe nyosone dɛɛ maŋkura ba te la dɔɔ. Ba bola dɛ ɡel n nɛra ɛɛ nyoɡre, dɛ n ɡe laa tom ba. Ba waa la aa nɛra nɔ cha tama bɛlbwa. Men Korowiirii bola.”

Jeremia 27:10

Ba dɛ neɡre heya dɛ́ ɡel ba lawɛ heya kaa bojaŋ harɛfale ta. Mɛɛ doŋi heyaa ásɛ he ka serewe.

Jeremia 27:15

Korowii ɡbabir bolɔ ŋɔ o ta bɛlbwa tomɛ, asɛ ba che o sɔn ta dɛɛ teŋe nyosone la. Anomanta, o ŋɔ wɛɛ doŋi he bwaa, ásɛ ba kpoo heya, he ne keamere baa dɛ teŋɛ nyosone la bwa.”

Jeremia 29:23

Dɛkalkɛ ba ɛ wedoŋa tenten Israel harɛ ta, ba dɛ nyin ba bala haahna, dɛ che n sɔn ta teŋe nyosone, a ɛ waa maa wola ban a ta doe. N jemɛ a bwa dɛɛ di a danseɛ. Men Korowiirii bola.’ ”

Jeremia 29:8

Men Koranar Bwa Kooro, Israel tena aa dɛ tom mɛ dɛ́ kah heyaa ásɛ he bɛ ɡel keame nyosonteŋna ne voɡra baa soɡe he bini la ɛɛ neɡre heya. He bɛ wepila baa ŋɔa ba dɛ na la yarada.

Jeremia 8:6

N cheɡ deŋne dɛɛ no ba be, kɛ baa kasinteŋ bol. Nomɛlbwa aa lii kɛŋɔ wɛɛ charɛ o liiree dɛ́ bɔɔ ŋɔ, ‘Bɔkwa waa n ɛɔ?’ Bɛlbwa ne o ŋwɛnɛ waa dɛ kpɔ o taa kɛŋɔ jaaɡɔ o sie aa beɡra baa kaa o ne laa ta ken.

Wiile 2:14

Wepila he keamere aa naa dɛɛ baɡle la ɛ nyosone, ba webaɡla la neɡre, ba ta ɡelɛ he jemɛ he wechɔɡa, ásɛ he charɛ he we-ɛɛla, ba bɛ hen lawɛ kaa harɛfala ta.

Ɛsekeɛl 22:28

Ba keamechɔɡa laa sie kpɔ ɡɛ wechɔɡa nɔ ta, kɛŋɔ baa kpɔ fula lɔ dekɔɔh danjwɛ ta, dɛ tɔ o peɡra ta ken. Ba won nyosone teŋa ŋɔ ba na waane wepila ta, dɛɛ baɡle ŋɔ waane ɛɛ bao, dɛɛ neɡre nɛra ŋɔ men Nemenɛ Korowii bee a le, dɛ n laa bol wobɛlbwa.

Joel 2:28

Korowii berɔ ŋɔ, “A habɔɔ la, mɛɛ tɛ nɛra bwa soo siwii n Doma la kohonaa, ásɛ he bibaala ne bihaahna bwa bol n waa aa dɛ ba chiɡa kerekere la, ásɛ he bonɔɔna na chaahna, ásɛ he banjeni dee deera.

Sekaria 13:3

Dɛ nomɛl dɛ teŋe nyosone ŋɔ waane ɛɛ chiɡuu kerekere aa, naate nya ne o mɛɛ ŋɔ o be ŋɔ, ‘A chɛ kɛŋɔ hé sewɛ, dɛkalkɛ he teŋe nyosone Korowii sɔn ta.’ O ta teŋɔ dɛɛ bol aa, o nya ne o mɛɛ ɡbaɡba tɔɡɔ kere kpo.

Nɛra Kura 12:6

O ŋɔ, “Hé no n waa nɔ, Dɛ n keame lɔ he bini naa, chaahna taa n che dɛ kpɔ n te dɛɛ baɡlo, dɛɛ bol waa o be deera ta.

Matiu 1:20

Gɛ waa nɔ aa lɔ Josef liire bini la, belaa Korowii nyundua torome bɛl ba o be deera ta dɛ ba ŋɔ, “Devid naa Josef, dɛɛ berɛ ɔma kɛŋɔ hɛɛ mo Mɛɛree. Korowii Domadɛɛɡee ɡela o kpoŋe tea la.

Amanesoma Luk Aa Chwera Tɔn 12:3

Taraken waa haa bola biro ta la, aa le bochaah taa ba no, ásɛ waa haa sɔah bol nɛn be dea he ne o ɡbo la, baa bola nɛnlaa baahnee.

1 Kɔrent 4:5

Anomanta, he bɛ nomɛlbwa kpɛɛ kɛɛ dɛ chɔɡo ka tel kɛŋɔ Yeesu Kristo aa ba. Dɛ o balaa, wobɛlbwa aa sɔah la ɛɛ le bochaahnee, wedɛɛɡa oo, wechɔɡa oo, a bwa ɛɛ leo, ásɛ wobɛlbwa aa sɔah dɛ do nɛwɛnyini bambile bini la chɔ baŋ, ásɛ Korowii kpɛɛ nomɛlbwa ɡɛ aa chɛo.

Hibru 4:13

Korowii kontaale bɛlbwa toole dɛ́ won kpɔ o te sɔɔh. Wobɛlbwa chɔ baŋ o be wɛɛ nao. Onee dɛ pɛɛ yaa waa bwa yaa baa ɛa harɛ nɔ ta.

Wepila 2:23

Mɛɛ kpoo o habɔteŋraa, ásɛ asɔre tena bwa jemɛ kɛŋɔ menee jemɛ nɛwɛnyini nyu bini ne ba weliira bwa. Mɛɛ bɔ he bɛlbwa kemee ɡɛ o we-ɛɛla aa doa.