Jeremia 23:24 - mzwDBL

²⁴ Nomɛlbwa aa won ka sɔh bobɛl maa wola on na. N toole nyundua ne harɛ ta bwa naa? Men Korowiirii bola.

Jeremia 23:24 ပူးပေါင်းရင်းမြစ်များ

Mumpar 16:13

Korowii aa bol waa Heeɡa be la nomanta, o pa bie la sɔn ŋɔ, “Korowii haa dɛ na mɛ,” dɛ ŋɔ, “Korowiirii n na dɛ ta so le nɔ naa?”

1 Koranar 8:27

N Naa Korowii, a ɛ kpela kɛŋɔ hɛɛ won ba so harɛ nɔ ta naa? Hale nyundua ɡba aa kanɛ tɛɛ kɛŋɔ he so. Maa lii kɛŋɔ hɛɛ won ba so Dea waa do jeɡa maa doa tɛɛ nɔ ta.

2 Webena 2:6

Nomɛlbwa toole dɛ́ won do Dea tɛ Korowii, dɛkalkɛ nyundua ɡba aa kanɛ tɛo ó so bela. N ɡee ume, n ŋɔ ń do Dea tɛo ó ba so o bini nɔ? Atane bɔr baa fuh saraha kwaa dɛɛ tɛo o sie ɡbo.

2 Webena 6:18

N Naa Korowii, a ɛ kpela kɛŋɔ hɛɛ won ba so harɛ nɔ ta naa? Hale nyundua ɡba aa kanɛ tɛɛ kɛŋɔ he so, maa lii kɛŋɔ hɛɛ won ba so Dea waa do jeɡa maa doa tɛɛ nɔ ta.

Job Tɔn 34:21

O sie lɔ nɛra we-ɛɛla ta, dɛɛ na ba naɡale bɛlbwa.

Job Tɔn 34:22

Bɔr bira toole, biro toole bobɛlbwa, dɛ́ tɔ wechɔɡ-ɛɛra nɛ ba kpɔ ba te sɔh Korowii.

Yela 10:11

Nyubinikpeɡ tena la yon lii ba nyu bini ŋɔ, “Korowii waane laa. O laa sie kpɔ, waa yaa na bwa!”

Yela 139:7

Leperaa n kpɔ haa wola men na nɔ? Ɛrɛɛ mɛɛ ba wona chwa le he sie nɔ?

Yela 139:8

N la nyundua aa, he lɔ bela, n kaa chɔ lalabwɛɛ kwaraa naa, he lɔ bela.

Yela 148:13

Hé bwa kpɛɛ Korowii, dɛkalkɛŋɔ o sɔn laanee kana ɡwaa sɔn bɛlbwa, o jirima ɡwaa nyundua ne harɛ.

Yela 90:8

Ya wechɔɡa chɔ he sie, hɛɛ na anɔ la yaa ɛa dɛɛ sɔh bwa.

Sɛɡla 15:3

Korowii dɛ na bobɛlbwa, o dɛ nyiŋi wechɔɡ-ɛɛra ne wedɛɡ-ɛɛra bwa.

Aesaya 29:15

Nɛra baa swɛɛ siwi kpɔ ba waa dɛɛ sɔh Korowii la, ba bwɛɛlɛ! Ba dɛ ɛ ba waa biro ta dɛɛ lii ŋɔ, “Umee na mɛ nɔ? Umee dɛɛ ba jema ɔ?”

Aesaya 57:15

Menee dɔ sɔn dɛ ɡwaa komɛlbwa dɛ do ɡoroŋ, dɛ do le saŋ bɛlbwa. N soɡe n kookara waa daŋa ta boɡoroŋ nyundua, dɛ berɛ so nɛra ba tea bini aa chɔɡa ba wechɔɡa wa. Ba pwɛr ba te baah ta, dɛ́ ɡel ba sie sɔɔh, bá dɔ hwɛɡa ja.

Aesaya 66:1

Korowii ŋɔ, “Nyunduaa n kara, asɛ harɛ ɡee n natiɡribɔr. Debesoo siwii hɛɛ ba wona ma ń jo o ta nɔ? Debesoo taa ń won jo dɛ́ chɔ onɔɔ?

Jeremia 16:17

Korowii dɛ na waa bwa baa dɛ ɛ, a bwa chɔ o sie. Gɛɛ baa wola won kpɔ ba wechɔɡa ɡe sɔɔh.

Jeremia 32:19

He dɛ vɔrɔwe vɔrɔwa aa wera dɛɛ ɛ wejena. He sie lɔ wobɛlbwa nɛn aa dɛ ɛ ta, dɛɛ bɔ ba kem ɡɛ bɛlbwa we-ɛɛla aa doa.

Jeremia 49:10

Mɛɛ laa komɛlbwa Esɔ naanar aa dɔa lɛ ba be, dɛ́ ɡel bela baa sɔah chɔ baŋ, nɛra bwa ɛɛ na baa, baa wola sɔɔhbɔraa dɔ kpa. Ba bii ne lolanar, dɛ ba bala bwa ɛɛ serewoo, ba bini beŋkpoŋ kwara aa wola ka.

Ɛsekeɛl 8:12

Korowii ŋɔ n be ŋɔ, “Nɛwɛnyini bie, he na waa Israel nomonome aa baa sɔh dɛɛ ɛ kenɛ? Ba lɔ dea ba voɡa aa suu bini dɛɛ toma. Waa baa dɛ bol laanee kɛŋɔ, ‘Korowii aa yaa na, o vɛh harɛ nɔ.’ ”

Ɛsekeɛl 9:9

Korowii chaŋ mɛ ŋɔ, “Israel ne Juda tena wechɔɡa ɡwaalɔ kohona, nɛŋkpoa ɡboo harɛ la bwa, kasinteŋ toole Jerusalam kpa. Ba dɛ bol ŋɔ, ‘Korowii vɛh ya harɛ nɔ, waa yaa na.’

Daneɛl 2:22

O dɛ le kwaa aa sɔah baa wola an na ne baŋ, o jemɛ kon waa lɔ biro ta, asɛ nii baro cheme dɛɛ chaah.

Daneɛl 4:35

Nɛra baa lɔ harɛ nɔ ta waa ta komɛlbwa ɛɛ o be. Gɛ waa dɛ nyin laanee wɛɛ ɛ kwaa aa lɔ nyundua ne harɛ nɛra nɛ. Nomɛlbwa aa won tɔŋlo kɛɛ dɛ́ bɔɔro waa waa ɛa.

Ɛfesos 1:23

asɛ ba ɡe ɛ o bwadabi. Onee kana ɡa dɛ won su harɛ nɔ bwa, kɛ asɔre tena laanee ɡela o waa dɔ nyɛl ka tonɛ.

Hibru 4:13

Korowii kontaale bɛlbwa toole dɛ́ won kpɔ o te sɔɔh. Wobɛlbwa chɔ baŋ o be wɛɛ nao. Onee dɛ pɛɛ yaa waa bwa yaa baa ɛa harɛ nɔ ta.