Jeremia 23:15 - mzwDBL

¹⁵ Anomanta, Koranar Bwa Kooro bol keamere baa lɔ Jerusalam waa ŋɔ, “Mɛɛ do tɛɡchɔɡa kondikwaa taa bá di, dɛ́ do ane ɡe nee ta bá nyɔ, dɛkalkɛ ba ɡelɔ nɛra aa men tomɛ harɛ la ta bobɛlbwa.”

Jeremia 23:15 ပူးပေါင်းရင်းမြစ်များ

Yela 69:21

Lɔr aa dɛ kpo mɛ la, ba kpɔ tɛɡkpela do kondikwaa ta tɛ mɛ n di, nyoɡre ɡe aa dɛ kpo mɛ la, sennyɛɡaa ba tɛ mɛ n nyɔ.

Jeremia 14:15

Anomanta, waa men Korowii aa dɛ bol keamere baa dɛ bol waa n sɔn ta dɛɛ teŋe nyosone laanee nɔ. N ta ban tomɛ, kɛ ba dɛ bol ŋɔ laa kɛɛ lɔr aa harɛ nɔ taa ba. Kɛ a ɡɛ keamere la, baa kpoo ba laa taa, lɔr ɡe kpo ba, ba serewe.

Jeremia 8:14

Korowii nɛra la ŋɔ, “Ɛrɛɛ ya bwa ta so nɔɔ? Yá boa ya nyoa. Hé ɡel ya chwa kaa bwɛjena baa ma danjwɛkpeɡa bara bini, dɛ́ den ka serewe bela. Korowii ŋɔ yá na waa dɛ́ serewe, dɛ do tɛɡchɔɡa nee ta tɛ yaa ŋɔ yá nyɔ, wechɔɡa yaa ɛa dɛ jo o nɛɛ la wa.

Jeremia 9:14

Kɛ ba ɡarɔ teŋɛ ba bambikpeɡ we-ɛɛla ta. Voɡa Baalre nɛɛ ba teŋɛ dɛɛ toma, ɡɛ ba naawa aa baɡ ba la.

Jeremia 9:15

Anomanta, kenii men Koranar Bwa Kooro, Israel tena aa dɛ tom mɛ la ɛɛ bol, ‘Mɛɛ do tɛɡchɔɡa kondikwaa ne nee taa tɛ nɛra nɔ ba di.

Wiile 3:15

Waa aa do kpeli ɡboo o kpɔ tɛ mɛ. A ɛɛ mɛ kondikwaa ne nee mɛɛ nyɔ.

Wiile 3:19

N lii n wenaale ne ɡaaɡa maa dɛ ɡaaɡe aa, a do kɛŋɔ maa di tɛɡkpela ken.

Wiile 3:5

O ɡelɔ suna dii ne wahala nae bar mɛ cheme, kɛŋɔ baa laɡ mɛ do dea ken.

Sekaria 13:2

Mɛɛ le voɡa aa lɔ harɛ la ta la nee awola, baa wola a sɔnaa lii kpa. Mɛɛ le keame nyosonteŋna la nee, ásɛ dɛ ɡel ba pɛla le voɡa toma ta.

Matiu 27:34

Asɛ ba kpɔ koŋkpelakpela ane koo sen ta dɛ kpɔ tɛ Yeesu ŋɔ ó nyɔ. Waa daɡa na la, o vɛh nyɔe.

Mmarare 29:18

Hé nyiŋi kɛrɛdɛ kɛŋɔ he nɛra haa cheɡɛ bonɔ fini nɔ, baa kɛɛ haah kɛɛ lolanar, kɛɛ dea bɛl tena aa Korowii yaa dɛ tomɔ nɔ tomaa ɡel dɛ́ ka tomɛ harɛ bɛl voɡa. Ásɛ a ba ɛ kɛŋɔ daa lur aa pama le dɛ nɔnɛ nɔnchɔɡa dɛ he diu waa he sewɛ la.

Wepila 8:11

Wewee la sɔne Koŋkpel. Nee waa le o ta la berɔ do kpeli, asɛ nɛra nyɔa dɛ serewe pirim, dɛkalkɛ nee la kpeli.