Jeremia 23:10 - mzwDBL

¹⁰ Jwamane su harɛ la ta, Korowii taahna nomanta, harɛ la chɔɡɔ, a ɡel kondɛɛra dibɔra aa lɔ pua hɛŋle ɡbo harɛ hol. Keamere la kpɔ ŋwɛnɛchɔɡa ta dɛɛ di kpeɡri.

Jeremia 23:10 ပူးပေါင်းရင်းမြစ်များ

Ɛsra 10:18

Sɔfore naanar bini, nɛra baa mo harɛfala ta haahna laanee teŋa nɔ. Josadak bibaa Jesua naanar ne o nimanar bini, Maaseya ne Eliesa ne Jarib dɛ Gedalia.

Yela 107:34

dɛ ɡel harɛ waa wera berɛ harɛ komɛlbwa aa wola won do wer o ta, nyubinikpeɡ tena ba fa aa soɡe bela la wa.

Aesaya 24:6

Anomanta, Korowii taah harɛ bwa, nɛra baa lɔ o ta la ɛɛ dɔ ba wechɔɡa kembɔree. Anomanta, wɛɛ kpɔ niinii tɛr ba deŋne dɛ́ fuuh ba, ba bini tamaa ken ka.

Aesaya 5:18

Hé bwɛɛlɛ, he banɔ la haa cheɡɛ nyosone ŋwɛnɛ ta, dɛ tɛɡre wechɔɡa dɛɛ teŋɛ he nɛ, he banɔ la haa kpɔ he bokpeɡa dɛɛ ɛ nyubinikpeɡ kɛŋɔ baa do nao ɡboɡbii dɛɛ tɛr la.

Jeremia 12:11

O berɛ pua hɛŋle ɡbo harɛ, dɛ chɔ pɛɛ n siwi ta. Harɛ la bwa ɛɛ chɔɡoo, dɛkalkɛ nomɛlbwa waane laa o wa.

Jeremia 14:2

“Juda harɛ nɛra dɛ wi, o bwɛjena nɛra bwara ɛɛ nyɛɡ, ba chɔ harɛ di suna dɛɛ ɡbaɡre, harɛ la chɔɡa wa, asɛ Jerusalam tena wi dɛɛ nyin chae.

Jeremia 6:13

Bechale ne nomonome bwa cheɡɛ sibeɡra ŋwɛnɛ ta dɛɛ nyin kwa, hale n keamere ne sɔfore dɛ teŋe nyosone.

Jeremia 7:9

He dɛ ŋwɛ, dɛɛ kpoo nɛra, dɛɛ bɔ jwamane dɛɛ di dansewea, dɛɛ kpoo kwaa dɛɛ ɛ sarahare voɡ Baal ta, dɛɛ tomɛ voɡare haa wola an jemɛ wubwa.

Jeremia 9:10

Belaa n ŋɔ, “Mɛɛ wiu dɛɛ dooɡe lɔŋɔre bwejena wa, dɛ taa wiile pua hɛŋle ɡbo harɛ, kondɛɛra dibɔra la wa. A bwa berɛ dimɡbia, nomɛlbwa aa a ta kpɔ, bɛlbwa aa nae ɡbɔɡa ɡe no. Jumbii bwa iro kaa, kpɔɡ bini ola ɡe bwa chwa kaa.”

Jeremia 9:12

Asɛ n bɔɔ ŋɔ, “N Naa Korowii, umee dɔ wejema kohona dɛ́ won no waa nɔ mun ɔ? Umee he le ŋɔ ó won baɡle a bini nɔ? Bɔkwa waa harɛ nɔ chɔ pɛɛ kɛŋɔ pua hɛŋle ɡbo harɛ nɛra aa wola o ta kpɔ kpa nɔɔ?”

Jeremia 9:2

N dɛ nyin kɛ n fe aa dɔ bobɛl ka so pua hɛŋle ɡbo harɛ ta, dɛ́ le bela n nɛra aa lole. Ba bwa waa ta kasinteŋ dɔe, dɛ ɛ nɛnchɔɡa ɡbosoroo.

Hosia 7:4

Ba bwa dɛ bɔ jwamane, ba we-ɛɛla do kɛŋɔ fononoo bini nii nɛn waa dɛ wɔɔ paanoo aa kwaara do kohona, dɛ charame paanoo ka tel kɛŋɔ aa uɡa, dɛ kpɔ ka do fononoo bini la.

Joel 1:10

Kooni bwa chɔ pɛɛ, asɛ harɛre bwa hol, mea ɡe bwa chɔɡ, ɡrepo nɔna bwa ɡe hol, ɔleve daa bwa chɔɡɔ.

Lewi Dea Tena 5:1

Korowii berɔ ŋɔ, “Dɛ nomɛl dɔ waane, asɛ bɛl jemɛ a bini ba yerɔ ŋɔ o ba di danseɛ o ta waa waa naa kɛɛ dɛ jemɛ la bolaa, dɛ o ɛ wechɔɡa dɛ chɛ deŋnetɛra.

Sefania 3:4

O keamere waa ta kasinteŋ dɔe, ba dɔ mbarafo. O sɔfore kpɔ doŋa dɛɛ kah kwaa aa do ɡoroŋ, dɛɛ ɡole Korowii Mmara ɡɛ baa dɛ nyin.

Malakae 3:5

Men Koranar Bwa Kooro ŋɔ, “Mɛɛ bao warane dɛ́ ba bol he waa dɛ́ pa bole. Mɛɛ ba bol voɡra ne nɛra baa dɛ chɔɡ yal, ne dansewea tena ne nɛra baa dɛ faah ba tom-ɛɛra ba kembɔr ta, ne nɛra baa dɛ fiiɡi luhaahna ne bilalbii, ne nɛra baa wola nɛŋhɔɔhra waa bolɛ dɛɛ tɛɛ ba aŋwɛnɛ ta, baa wola men ɔmɛ bwa waa.”

1 Timoti 1:10

ne jwamane tena, ne baala ba ne ba bandɔŋa aa dɛ chɔ haah ne baa, ne nɛra baa lawɛ nɛra dɛɛ yoɡ ba kɛ yoma, ne nyosonteŋna, ne nɛra ba yon jemɛ kɛ nyosonee baa teŋe dɛ ɡarɛ dɛɛ ŋwɛɛ Korowii la, ne nɛra baa dɛ ɛ we-ɛɛla te bɛlbwa a ne webaɡla aa toɡra la aa wola kaa la, ba waa ba koh dɛɛ do mmara.

Hibru 13:4

A chɛ kɛ nomɛlbwa kpɔ duure dɛɛ tɛ hahmor, dɛ bɛ nɛmpɛɛne lawɛ dɛɛ chɔ dɛ ka ja ba haahna kɛɛ ba jaranar nɛ. Korowii ɛɛ tɛr nɛra baa dɛ ɛ wedoŋa baa ne haah chɔe be pera dɛɛ nyin ba dɔŋa haahna kɛɛ ba dɔŋa jaranar la deŋnee.

Jems 4:4

He nɛnchɔɡa nɔ haa wola Korowii ɔmɛ kɛŋɔ hanchɔɡe waa dɛ nyin baala nɔ! Haa jemɛ kɛŋɔ nɛn waa dɛ nyin harɛ nɔ ta kwaa la vɛh Korowii dɛ ɛ o dɔm kɛɛ? Nomɛlbwa waa daŋre harɛ nɔ ta kwaa nyina ne la vɛh Korowii.