Jeremia 22:28 - mzwDBL

²⁸ Ate, men Jeremia ŋɔ, “Amɔ Kooro Jehoiachin nɔ do kɛŋɔ loŋ waa paɡra, ba kpɔ ta nomɛlbwa aa wola nyin kpa kɛɛ? A waa ba lawɛ o ne o bii laa ta kaa bojaŋ harɛfale, baa wola o ta jemɛ nɔ naa?

Jeremia 22:28 ပူးပေါင်းရင်းမြစ်များ

2 Samoɛl 5:21

Filisti tena chwao ɡel ba voɡare bela, asɛ Kooro Devid ne o laa tena paa kaa.

2 Webena 21:20

Kooro Jehoram aa di kora dɛ o di bene fifraatoro dɛ anɛ. O soɡe Jerusalam di kora bene anuatoro. O seo ta nomɛlbwa nɛɛ weɛ. Ba huɡo Jerusalam waa ɛ Kooro Devid Bwɛjen ta, kɛ bela baa dɛ huɡe koranar la laa.

Yela 31:12

Ba soh n waa kɛŋɔ, maa sewa ken, n do kɛŋɔ vii waa paɡra.

Jeremia 14:18

N leɔ kaa kpɔɡ bini naa, n dɛ na nɛra baa kpoo ba laa ta, n berɔ ba bwɛjen la bini ɡe aa, n dɛ na nɛra lɔr aa kpo ba ba serewe. Korowii keamere ne sɔfore bwa lɔ harɛ la ta, baa jemɛ waa Korowii aa ŋɔa bá ɛ.”

Jeremia 15:1

Belaa Korowii bol n be ŋɔ, “Hale Mosis ne Samoɛl ba fa aa ɛ n bonɔɔna baa che n sie dɛɛ soŋe kwaraa naa, maa nɛra nɔ nɛɛ sune. Gel ba kaa, bá le n sie bonɔ kaa.

Jeremia 16:12

kɛ he wedoŋa berɔ ɡwaa anɔ la he naawa aa ɛa. He bwa ɛ deŋnekpeɡ tena dɛɛ ɛ wechɔɡa, haa men duu.

Jeremia 17:4

Hɛɛ paŋɛ harɛ maa kwaara cheɡ heya o ɛ he kapɛrɛ kon laanee. Mɛɛ kpɔ heyaa do he dɔma lɔɡa hɛɛ tom ba, harɛ haa wola o ta jemɛ bwa ta, dɛkalkɛ he ɡelɔ n baah di, waa wola sɔɔh bwa.”

Jeremia 22:27

Hɛɛ dɛɛ nyinu kɛ he berɛ ba he harɛ la ta, kɛ haa won ba o ta kpa.”

Jeremia 22:30

Waa Korowii aa dɛ bol laanee nɔ. ‘Chwerɛ baa nɔ waa do tɔne bini, dɛ́ kpɔɔ kɛŋɔ o ta bii dɔe, nɛn o wobɛlbwa aa wola werii do tɛo o soɡa bini bwa, waa naanaree dɔ, ba ba so Juda harɛ kara ta, Kooro Devid luɡe ta.’ ”

Jeremia 24:1

Babelɔn Kooro Nebukadnesa lawɛ Juda Kooro Jehoiakim bibaa Jehoiachin ne o nomonome, ne nɛra baa dɔ kwaa sɛɛh wejema, dɛ nɛra baa dɔ kwaa bwa soo siwi ɛɛ wejema le Jerusalam kaa bojaŋ harɛ Babelɔn. A habɔɔ, Korowii ɡel men Jeremia na waane chaahna ta, dɛ fiɡ daa nɔna wɛɡrɛre anɛ cheɡɛ o Dea doonyoa bela.

Jeremia 27:20

Kooro Nebukadnesa aa wola kpɔe kaa Babelɔn, ɡɛ saŋ waa lawɛ Juda Kooro Jehoiakim bibaa Jehoiachin laa ta le Jerusalam kaa Babelɔn, o ne Juda ne Jerusalam nomonome bwa la.

Jeremia 37:1

Babelɔn Kooro Nebukadnesa lawɛ Josia bibaa Sedekia so kora ta Juda harɛ ta chiɡ Jehoiakim bibaa Jehoiachin naa ta.

Jeremia 48:38

Moab saldor ne bɔra baa dɛ cheme bwa, wobɛlbwa toole ka ja wii ta, dɛkalkɛ n chɔɡ o bwa, kɛŋɔ loŋ baa wola nyin kpa la ken. Men Korowiirii bola.

Hosia 13:15

a lole kɛŋɔ he wer he bala bini. Mɛɛ ɡeloo peuchɔɡe ta le wee leebɔr, dɛ́ ta le pua hɛŋle ɡbo harɛ ta. Nee aa won palɛ le neerare nyuune ta, ásɛ buli hweeh. Mɛɛ pa he kondɛɛɡaa le bela haa dɛ cheɡa la kaa.

Hosia 8:8

Israel tena waa tonɔ, ba do kɛŋɔ konsala harɛre nɛra bini.