Jeremia 22:27 - mzwDBL

²⁷ Hɛɛ dɛɛ nyinu kɛ he berɛ ba he harɛ la ta, kɛ haa won ba o ta kpa.”

Jeremia 22:27 ပူးပေါင်းရင်းမြစ်များ

Yela 86:4

Tɛ men maa ɛ he bonɔɔ silɛɛ, dɛkalkɛ he siee n kpɔ n wesoŋa dɛɛ bil.

Jeremia 22:10

Juda tena, he bɛ Kooro Josia wi, he bɛ o lwe kwaraa ɛ. Kɛ hé wi tɛ o bibaa Joahas kohona, dɛkalkɛ baa lawɔɔ kaa bojaŋ harɛfale ta waa wola berɛ ba kpa, waa harɛ baa lolɔ o taa na kpa.

Jeremia 22:11

Waa Korowii aa bol Kooro Josia bibaa Salum waa baa chiɡ o mɛɛ naa ta dɛ di kora Juda harɛ, dɛ berɛ le koodem bonɔ kaa laanee nɔ. ‘O le bonɔ kaa, waa berɛ ba kpa.

Jeremia 22:12

Bojaŋ harɛfale baa lawɔ laa ta kaa la taa wɛɛ ba sewa, waa won berɛ ba o harɛ ta kpa.’

Jeremia 22:26

Mɛɛ ɡeloo bá lawɛ he ne he nya laa ta kaa bojaŋ harɛfale ta. Harɛ baa wola he bini bɛlbwa o ta lolɛ, ásɛ he bwa so bela serewe.

Jeremia 22:28

Ate, men Jeremia ŋɔ, “Amɔ Kooro Jehoiachin nɔ do kɛŋɔ loŋ waa paɡra, ba kpɔ ta nomɛlbwa aa wola nyin kpa kɛɛ? A waa ba lawɛ o ne o bii laa ta kaa bojaŋ harɛfale, baa wola o ta jemɛ nɔ naa?

Jeremia 28:4

Mɛɛ berɔɔ kpɔ Jehoiakim bibaa Kooro Jehoiachin, ne Juda tena bwa baa laɡ ba laa ta kaa bojaŋ harɛfale ta Babelɔn la bwa ba. Kasinteŋ, n dɛ ba n kuuɡi Babelɔn kooro kpeɡri waa do kɛŋɔ ba yon kpɔ daa dawɛ nae nɛɛ aa parɛ la ken. Men Korowiirii bola.’ ”

Jeremia 42:18

Koranar Bwa Kooro, Israel tena aa dɛ tomɔ la ŋɔ, ‘Gɛ maa kpɔ n bandia kohona ba ta nɛra baa lɔ Jerusalam nɛɛ la, ɡɛɛ dɛ he kaa Ijipt harɛ ta naa, mɛɛ ba n bandia kpɔe ba ta he nɛ. Nɛra ɛɛ nao dɛɛ taah heya ba bambile teŋe, dɛɛ mamɛ heya. He siwi aa harɛ nɔ nae ba kpa.’ ”

Jeremia 44:14

Juda tena baa kaa dɛ ba so Ijipt harɛ ta la aa won le a nyoa baa wola serewe. Ba bini bɛlbwa aa won berɛ la Juda harɛ ta, bela baa dɛ nyin kɛ ba berɛ ka so ja la. Ba bwa aa won kaa, atane ba bini tamaa bane.”