Jeremia 22:26 - mzwDBL

²⁶ Mɛɛ ɡeloo bá lawɛ he ne he nya laa ta kaa bojaŋ harɛfale ta. Harɛ baa wola he bini bɛlbwa o ta lolɛ, ásɛ he bwa so bela serewe.

Jeremia 22:26 ပူးပေါင်းရင်းမြစ်များ

2 Koranar 24:15

O kpɔ Kooro Jehoiachin ne o nya ne o haahna, ne nɛra baa lɔ koodem dɛ harɛ la ta nomonome, dɛ kpɔ ba kaa bojaŋ Babelɔn harɛ ta.

2 Koranar 24:8

Kooro Jehoiachin di bene fi dɛ anuatoro mɔɔ dɛ di kora. O soɡe Jerusalam di kora korobie atoro. O nya sɔne Nehusta, o mɛɛ ɡe sɔne Ɛl Netan, o le Jerusalam.

2 Koranar 25:27

Baa lawɛ Juda Kooro Jehoiachin laa ta kaa Babelɔn harɛ bene fifraatoro dɛ anuanɛ la, ɡɛ saŋee Babelɔn Kooro Evil Mɛrɔdak di kora. O tɛ ŋwɛnɛ dɛ ɡel ba le Kooro Jehoiachin dea korobie fi dɛ anɛ, tɔpera fifraanɛ dɛ anuanɛ ta.

2 Koranar 25:29

Anomanta, Kooro Jehoiachin dɔ ŋwɛnɛ dɛ laa laala waa doa ba doo dea la foo bil, dɛ kpɔ anfala do, asɛ o ne Babelɔn kooro pɛ nɔn dɛɛ di kwa o soɡa bini bwa.

2 Koranar 25:30

Kooro Jehoiachin soɡa bini bwa la, dɛ Babelɔn Kooro Evil Mɛrɔdak dɛ tɛo suuɡa waa kpɔ yawɛ kwaa aa hiaoh.

Aesaya 22:17

Na, he ne he nɛnjen ɛɛ bwa, men Korowii dɛ́ ba he ɡɔɔra viɡri bonɔ.

Jeremia 10:18

Anomanta, Korowii ŋɔ, “Mɛɛ doŋi nɛra baa soɡe harɛ nɔ taa, dɛ́ kpɔ wenaale kohona ba ta ba nɛ, ásɛ ba laɡ ba kaa.”

Jeremia 13:18

Korowii berɔ ŋɔ ń ŋɔ kooro ne o nya be ŋɔ, “Hé le he kookane ta tu ba, dɛkalkɛ he kooɡbɛrɛre aa wera dɛ́ ba he nyuune ta lee.”

Jeremia 16:13

Anomanta, mɛɛ kpɔ heyaa ka ta harɛfale he naawa aa wola o ta jemɛ bwa ta, ásɛ he kaa tomɛ voɡare bela chɔɔ ne jwaana. Maa he nɛɛ suna ba!’ ”

Jeremia 22:27

Hɛɛ dɛɛ nyinu kɛ he berɛ ba he harɛ la ta, kɛ haa won ba o ta kpa.”

Jeremia 28:4

Mɛɛ berɔɔ kpɔ Jehoiakim bibaa Kooro Jehoiachin, ne Juda tena bwa baa laɡ ba laa ta kaa bojaŋ harɛfale ta Babelɔn la bwa ba. Kasinteŋ, n dɛ ba n kuuɡi Babelɔn kooro kpeɡri waa do kɛŋɔ ba yon kpɔ daa dawɛ nae nɛɛ aa parɛ la ken. Men Korowiirii bola.’ ”

Jeremia 29:2

N chwerɛ tɔn nɔ ɡɛ saŋ baa lawɛ Kooro Jehoiachin ne o nya ne koodem nomonome, ne Juda ne Jerusalam nomonome, ne nɛra baa dɔ kwaa sɛɛh wejema, dɛ banɔ la baa dɔ kwaa bwa soo siwi ɛɛ wejema laa ta kaa harɛfale ta la.

Jeremia 44:14

Juda tena baa kaa dɛ ba so Ijipt harɛ ta la aa won le a nyoa baa wola serewe. Ba bini bɛlbwa aa won berɛ la Juda harɛ ta, bela baa dɛ nyin kɛ ba berɛ ka so ja la. Ba bwa aa won kaa, atane ba bini tamaa bane.”