Jeremia 22:24 - mzwDBL

²⁴ Korowii ŋɔ Kooro Jehoiakim bibaa Kooro Jehoiachin be ŋɔ, “Men Korowii taa lole nɔ, hale dɛ he do kɛŋɔ noniseɡ waa dɛ baɡle kpeɡri nɛn aa dɔa, dɛ do n nɔndiɡ ta kwaraa naa, mɛɛ foori ta.

Jeremia 22:24 ပူးပေါင်းရင်းမြစ်များ

2 Koranar 24:12

asɛ Juda harɛ Kooro Jehoiachin ne o nya ne o bonɔɔna ne o nomonome, dɛ nɛra baa lɔ koodem bwa sɛh, dɛ kpɔ ba te do Kooro Nebukadnesa lɔɡa. Kooro Nebukadnesa aa di kora bene anuatoro taa o ba lawɛ Juda Kooro Jehoiachin kaa bojaŋ Babelɔn harɛ ta.

2 Koranar 24:15

O kpɔ Kooro Jehoiachin ne o nya ne o haahna, ne nɛra baa lɔ koodem dɛ harɛ la ta nomonome, dɛ kpɔ ba kaa bojaŋ Babelɔn harɛ ta.

1 Webena 3:16

Jehoiakim ɡe lolɛ bibaala banɛ, banee Jehoiachin ne Sedekia.

2 Webena 36:9

Kooro Jehoiachin di bene fi dɛ anuatoro mɔɔ dɛ di kora. O soɡe Jerusalam di kora korobie atoro dɛ tɔpera fi. Kooro Jehoiachin ɡe ɛ wechɔɡa dɛ jo Korowii nɛ.

Yelsom 8:6

Gel n ɡbo waa do he bambile ta saŋ bɛlbwa kɛŋɔ haa kpɔ baŋe do he nɔn ta, dɛkalkɛ ɡɛ seo aa wola jaɡa dɔe la, ɡɛɛ n ne he dɔŋa nyina do. Baa ne haah meera kpeɡri kɛŋɔ seo, a won nii lawa kɛŋɔ nijena ken.

Aesaya 49:16

Jerusalam, n chwerɛ he sɔn do n nɔmpaala bini, he waa dawɛ n bambile ta saŋ bɛlbwa.

Jeremia 13:18

Korowii berɔ ŋɔ ń ŋɔ kooro ne o nya be ŋɔ, “Hé le he kookane ta tu ba, dɛkalkɛ he kooɡbɛrɛre aa wera dɛ́ ba he nyuune ta lee.”

Jeremia 22:28

Ate, men Jeremia ŋɔ, “Amɔ Kooro Jehoiachin nɔ do kɛŋɔ loŋ waa paɡra, ba kpɔ ta nomɛlbwa aa wola nyin kpa kɛɛ? A waa ba lawɛ o ne o bii laa ta kaa bojaŋ harɛfale, baa wola o ta jemɛ nɔ naa?

Jeremia 22:6

Gɛ Korowii aa dɛ bol laanee nɔ. “A lole kɛŋɔ Juda koodem wer kɛŋɔ Gelead harɛ ne Lɛbanɔn bwejena n be, kɛ kasinteŋ, mɛɛ ɛɔ kɛŋɔ pua hɛŋle ɡbo harɛ, kɛŋɔ bwɛɛre nɛra aa wola toole a ta ken.

Jeremia 24:1

Babelɔn Kooro Nebukadnesa lawɛ Juda Kooro Jehoiakim bibaa Jehoiachin ne o nomonome, ne nɛra baa dɔ kwaa sɛɛh wejema, dɛ nɛra baa dɔ kwaa bwa soo siwi ɛɛ wejema le Jerusalam kaa bojaŋ harɛ Babelɔn. A habɔɔ, Korowii ɡel men Jeremia na waane chaahna ta, dɛ fiɡ daa nɔna wɛɡrɛre anɛ cheɡɛ o Dea doonyoa bela.

Jeremia 28:4

Mɛɛ berɔɔ kpɔ Jehoiakim bibaa Kooro Jehoiachin, ne Juda tena bwa baa laɡ ba laa ta kaa bojaŋ harɛfale ta Babelɔn la bwa ba. Kasinteŋ, n dɛ ba n kuuɡi Babelɔn kooro kpeɡri waa do kɛŋɔ ba yon kpɔ daa dawɛ nae nɛɛ aa parɛ la ken. Men Korowiirii bola.’ ”

Jeremia 29:2

N chwerɛ tɔn nɔ ɡɛ saŋ baa lawɛ Kooro Jehoiachin ne o nya ne koodem nomonome, ne Juda ne Jerusalam nomonome, ne nɛra baa dɔ kwaa sɛɛh wejema, dɛ banɔ la baa dɔ kwaa bwa soo siwi ɛɛ wejema laa ta kaa harɛfale ta la.

Jeremia 37:1

Babelɔn Kooro Nebukadnesa lawɛ Josia bibaa Sedekia so kora ta Juda harɛ ta chiɡ Jehoiakim bibaa Jehoiachin naa ta.

Haɡae 2:23

Awola tɔpere la, mɛɛ le hen Sɛrobabɛl haa ɛ n bonɔɔnee, ásɛ hɛɛ nyiŋi harɛ la ta n sɔn ta, henee ń le. Men Koranar Bwa Kooroo bola.’ ”