Jeremia 22:18 - mzwDBL

¹⁸ Anomanta, ɡɛ Korowii aa bol Juda Kooro Josia, o bibaa Jehoiakim waa nɔ. “Nomɛlbwa aa Kooro Jehoiakim seo waa wi, kɛɛ dɛ ŋɔ, ‘Aku, n dam, he seo dɛ we, bwɛɛlɛ ne seo.’ Nomɛlbwa aa on wi ŋɔ, ‘Aku, n dɔɔ, kɛɛ n naa kooro, bwɛɛlɛ ne seo!’

Jeremia 22:18 ပူးပေါင်းရင်းမြစ်များ

2 Samoɛl 1:26

N wio dɛɛ tɛɛ, n nime Jonatan, dɛ n fa dɛ nyin he waa taeh. He nyina he fa aa dɔa tɛ mɛ dɔ nyokpoa, a ɡwaa ɡɛ haah naa dɛ nyin o bii kɛɛ o jaa kwara.

1 Koranar 13:30

O huɡo o ɡbaɡba lalbɔɔ waa kwiu bini dɛ wi tɛo dɛ ŋɔ, “Bwɛɛlɛ n dɔŋ, bwɛɛlɛ ne seo.”

2 Koranar 23:36

Kooro Jehoiakim di bene fifraanɛ dɛ anue mɔɔ dɛ di kora Juda harɛ ta. O soɡe Jerusalam di kora bene fi dɛ beŋkpoŋ. Dɛ o nya sɔne Sebida, o ɡe mɛɛ sɔne Pɛdaya, o le Ruma.

2 Koranar 23:6

Dɛ fuɡri voɡ Asera dajaŋa le Korowii Dea, dɛ kpɔ le Jerusalam dahare, dɛ ka fuah Kedrɔn Fɛlembɔjen ta o ɛ mohooh ken, dɛ pa ka ta nɛra ŋwama ta.

2 Koranar 24:6

Kooro Jehoiakim sewɔ ka pu o naawa, asɛ o bibaa Jehoiachin ba chiɡ o naa ta, dɛ di kora.

1 Webena 3:15

Josia dɔ bibaala banaarɛ, banee, Johanan ne Jehoiakim ne Sedekia dɛ Salum.

2 Webena 35:25

Korowii keame Jeremia taa Kooro Josia wiile. Dɛ kpoŋe ba le fini haahna ne baala dɛ́ taa wiile, dɛ kpɔ dɛɛ lii Kooro Josia. Ba chwera do Israel tena Wiile Taara Tɔn bini a ɛ ba nawee wa.

2 Webena 36:5

Kooro Jehoiakim di bene fifraanɛ dɛ anue mɔɔ dɛ di kora Juda harɛ ta. O soɡe Jerusalam di kora bene fi dɛ beŋkpoŋ. O ɛ wechɔɡa dɛ jo Korowii waa dɛ tomɔ nɛ.

Jeremia 16:4

“Weechɔɡaa dɛɛ ba ba kpoora, nomɛlbwa aa ban wi kɛɛ dɛ huɡ ba, ásɛ a chɔ kɛŋɔ puldoa haahra aa ɡela harɛ ɛɛ do wer. Laa kɛɛ lɔree dɛ́ kpo ba bá serewe, ásɛ ba ola berɛ jumbii ne kpɔɡ bini ola kondikwa.”

Jeremia 16:6

Suuɡa tena ne nyaara bwaa dɛɛ ba serewa he harɛ nɔ ta. Nomɛlbwa aa ban huɡe kɛɛ dɛ́ wii ba. Bɛlbwa aa konee kpɔ mɔn o te kɛɛ dɛ́ fonɛ o nyu, á baɡle kɛ o dɛ di suna.

Jeremia 21:11

Korowii berɔ ŋɔ men Jeremia be ŋɔ, ń bol Juda koodem tena be ŋɔ, “Hé cheɡ deŋne dɛɛ no waa men Korowii aa dɛ bol.

Jeremia 22:10

Juda tena, he bɛ Kooro Josia wi, he bɛ o lwe kwaraa ɛ. Kɛ hé wi tɛ o bibaa Joahas kohona, dɛkalkɛ baa lawɔɔ kaa bojaŋ harɛfale ta waa wola berɛ ba kpa, waa harɛ baa lolɔ o taa na kpa.

Jeremia 22:12

Bojaŋ harɛfale baa lawɔ laa ta kaa la taa wɛɛ ba sewa, waa won berɛ ba o harɛ ta kpa.’

Jeremia 34:5

Deŋnesɔɔhna taa hɛɛ ba sewa. Gɛ nɛra yon dɛɛ fuh daawiile ɡɛ saŋ ba yon dɛɛ huɡe koranar baa ɛ he naawa dɛ tɔ he sie la, ɡɛɛ baa ba daawiile fuih tɛ he ɡe. Baa wiu dɛɛ ŋɔ, “Akwe, ya kooro sewɔ.” ’ ”

Jeremia 36:30

Anomanta, waa men Korowii aa dɛ bol hen Kooro Jehoiakim be laanee kɛŋɔ, ‘He naa bɛlbwa aa kara Kooro Devid aa soɡe o ta la dii ba bwa. He dɛ ba sewa ba kpɔ he chɔɔ ka ta, ásɛ wee lɔ he nɛɛ webaŋa, jwaana ɡe la mɛn lee he nɛ.