Jeremia 22:17 - mzwDBL

¹⁷ Kɛ he sie beɡre anɔ la he ɡbo aa dɔ ta, dɛɛ kpoo nɛra baa wola wechɔɡa bɛlbwa ɛɛ, dɛɛ fiɡ ba, dɛ ɛɡ ba dɛɛ lɛ ba kwa. Men Korowiirii bola.”

Jeremia 22:17 ပူးပေါင်းရင်းမြစ်များ

1 Koranar 21:19

Ŋɔ o be ŋɔ men Korowii ŋɔ, ‘Ahab, he kpo nɛn dɛ berɛ kpɔ o kwaa di aa? Bela nyootena aa kpɛle Nabɔt chal la, bela tentenee aa ba he ɡe chal kpɛla.’ ”

2 Koranar 23:37

Kooro Jehoiakim ɛ wechɔɡa, dɛ jo Korowii nɛɛ ɡɛ o naawa fa aa ɛa la.

2 Koranar 24:4

ne nɛra baa wola wobɛlbwa ɛɛ o kpoo ba warɛ Jerusalam la wa. Dɛ Korowii aa nyin kɛ ó kpɔ kɛo.

2 Webena 36:8

Wobɛlbwa Kooro Jehoiakim aa ɛa ne kii wa, dɛ wechɔɡa waa ɛa bwa, ba chwera do Israel ne Juda Koranar Waa Tɔn bini. Asɛ o bibaa Jehoiachin ba chiɡ o naa ta dɛ di kora.

Job Tɔn 31:7

dɛ n bɛɡɔ le o ŋwɛnɛ la ta, dɛ n siwi ɡelɔ n bambile lawɛ wechɔɡa kɛɛ dɛ n ɛ wechɔɡa dɛ kah doŋa aa,

Yela 10:3

Nyubinikpeɡ tena dɛ maŋkura ba te ba pɛlchɔɡa ta, nɛra baa dɛ nyin kafo dɛ bol Korowii bwara wechɔɡa dɛɛ vɛoh.

Kaala 18:21

Berɛ le ba bini wejerema, baa dɛ ɔmɛ Korowii ba wa aa dɔ kasinteŋ, ba siwi aa wola suuɡa beɡre. Dɛ́ kpɔ ba chɔ nɛra kaɡboŋa ne lafare, ne fifraanunue dɛ fifi nyoo.

Sɛɡla 24:2

Waa ba liire yon do a ta laanee naɡre wa, ba wobol ɡe ɛ bichɔɡwa.

Aesaya 56:11

Ba do kɛŋɔ nyootena aa dɛ di kwaa kohona aa wola vaɡɛ bwa. Ba do kɛ peteɡra baa wola waa mun no. Bɛlbwa dɛ ɛ anɔ la aa dɛ su o siwi, ne waa aa le tɔnɔ tɛo.

Jeremia 17:11

Nɛn waa dɛ nyin suuɡa sibeɡra ne la, o do kɛŋɔ jal waa tee hala aa wola o kwaa ɛɛ. Naate soɡa bini tama la, wɛɛ paŋɛ o kondɔɔh laanee, ásɛ a habɔɔ ó na kɛ o ɛ ɡɛnewa.

Jeremia 19:4

Waa maa dɛ ba ba ɛɛ laanee la, dɛkalkɛ ba vɛɛh mɛ dɛ kpɔ harɛre ane voɡare ba su bonɔ bwa. Ba fuh saraha kwaa tɛ voɡare ba ɡbabir kɛɛ ba naawa, kɛɛ Juda koranar ɡba aa wola an jemɛ bwa. Dɛ kpoo nɛra baa wola wechɔɡa bɛlbwa ɛɛ, ba chale su bonɔ.

Jeremia 22:3

Hɛ́ɛ ɛ waa aa wera dɛ toɡre. Hé lɛ nɛn baa dɛ fiiɡu, dɛ́ lɛ o laala le o nomoa nɔn ta. He bɛ naɡra kɛɛ wechɔɡa kpɔ ba nɛŋhɔɔhra ne bilalbii, kɛɛ luhaahna nɛ, he bɛ nɛn waa wola wechɔɡa ɛɛ kpo harɛ nɔ ta.

Jeremia 6:13

Bechale ne nomonome bwa cheɡɛ sibeɡra ŋwɛnɛ ta dɛɛ nyin kwa, hale n keamere ne sɔfore dɛ teŋe nyosone.

Jeremia 6:6

Waa Koranar Bwa Kooro aa dɛ bol laanee nɔ, “Hé teŋni daa dɛ́ kpɔ ma kwaa haa che a ta jo ka chɔɡ bwɛjen Jerusalam. Jerusalam chɛ deŋnetɛra, dɛkalkɛ nɛra fiiɡa su o ta.

Jeremia 7:6

Hé ɡel hɔɔhra ne bilalbii dɛ luhaahna fiiɡa. Hé ɡel nɛra baa wola wechɔɡa bɛlbwa ɛɛ dɛ so he bini la kpoora, dɛ́ ɡel voɡare ɡe toma, a ɡɛ ɛɛ won chɔɡ heya.

Jeremia 8:10

Anomanta, mɛɛ kpɔ ba haahnaa tɛ jafala, dɛ kpɔ ba kooni do nɛnfala nɔɔra ta baa nyiŋi a ta. Nomɛlbwa, le bechale nɛɛ kaa nomonome nɛ, bɛlbwa dɛ nyin kwaa sibeɡra ne. Hale n keamere ne n sɔfore bwa, ba sie dɛ lɛ nɛra faahra ta.

Ɛsekeɛl 18:12

dɛɛ faah nyaara, dɛɛ ŋwɛ. O kemɛ nɛn suuɡa dɛ lɛ kon cheɡ naate ta kem la ba bɔe yaa. Waa naate kon kpɔe dɛɛ tɛo. O dɛ tomɛ voɡa maa kia la.

Ɛsekeɛl 19:6

Waa baa kpeɡ la, o pu o bala o ne aa valɛ dɛ hweli kpaahna, dɛ ɡe lawɛ nɛra dɛɛ chwe.

Ɛsekeɛl 19:7

O kuuɡi ba dekpeɡa dɛ chɔɡ ba bwɛɛre. O sio waa, dɛ ɔmee kohona chole harɛ la ta nɛra nɛ.

Ɛsekeɛl 19:9

Ba kpɔ ɡoŋa lawɔ, dɛ doo buo bini ka tɛ Babelɔn kooro. Ba doo dea, baa o sii no Israel deŋɡarere ta kpa.

Ɛsekeɛl 22:6

Na ɡɛ Israel koranar aa cheɡɛ ba ɡbaɡba kpeɡri ta dɛɛ kpoo nɛra!

Ɛsekeɛl 33:31

Gɛɛ ba yon dɛɛ ba he be saŋ bɛlbwa, dɛ́ ba so dɛɛ no waa haa dɛ bol, kɛ baa an kpɔe dɛɛ ɛ ɡɛ aa dɛ baɡle. Ba nyoo ɡboo ba kpɔ dɛɛ baɡle kɛŋɔ ba ɛ nɛndɛɛɡa, kɛ anɔ la baa dɔ ɡbo taa ba liire do.

Maeka 2:2

Ba dɛ nyin nɛra kooni kɛɛ deene aa, ba dɛ lɛa kpeɡri ne. Ba won nɛra deremi, kɛɛ ba kapɛrɛ kwaa ɡe lɛɛ neɡra ŋwɛnɛ ta.

Maeka 3:10

Nɛŋkpoa ne kasinteŋ bɛ dɔe taa he che dɛɛ ma Korowii bwɛjen Jerusalam.

Sefania 3:3

Bwɛjen la nomonome do kɛŋɔ nyujentena aa dɛ dooɡe lɔŋɔre ken, o koranar ɡe do kɛŋɔ ɡboli aa lawɛ ol jɔmɔra, aa wola won haŋre dɛ́ ɡel hoɡ ɡba ka tɔɔ per o ta.

Tɔn Pɔɔl Aa Chwerɛ Rom Tena 1:29

Harɛ bini wechɔɡa nɔ bwaa baa ɛ, mur ne sibeɡra ne meesɔɔh, ne bɔweela ne nɛŋkpoa, ne naɡra ne dɔŋa neɡra, ne dɔŋa haeh dɛ nɛra ŋwala.

1 Kɔrent 6:10

ne ŋwɛɛra, ne nɛra ba sie aa dɛ beɡre ba dɔŋa kwa, ne sennyɔdɛɛra, ne nɛra baa dɛ bol dɔŋa wobochɔɡa, dɛ nɛra baa dɛ faah nɛra, nɛn waa dɛ ɛ a ɡɛ waa nɔ te bɛlbwa la, waa Korowii Kora la taa ja.

Kolosi 3:5

Anomanta, hé ɡel he harɛ nɔ ta dor bwa ta kwaraa. He bɛ he bwadabii kpɔ do jwamane, ne wedoŋa, ne kayɛɡlɛ, ne pɛlchɔɡa, dɛ kwaa ta sibeɡra ta. Kwaa ta sibeɡra do kɛŋɔ voɡa toma ken.

Josua 7:21

Laa la ta la, n na batakaaredɛɛɡe bɛl Babelɔn tena aa sɔɔh, suuɡapoŋa lafraanɛ ne suuɡaswɛm bwe o tɔɡre aa ɛ suuɡapoŋa fifraanue del, asɛ n pɛla lawa kohona n kpɔ. N kpɔ suuɡaswɛm la ne batakaare la ka huɡe harɛ n tɛnte dea bini, asɛ suuɡapoŋa la do mun ta.”

2 Pita 2:14

Ba na haah bɛlbwa naa, ba dɛ nyinu. Ba nyina baa dɛ nyin wechɔɡa ɛɛ ta dɔŋ dɔe. Ba neɡre nɛra baa wola cheɡɛ kiŋkiŋ Korowii waa ta dɛɛ kaa wechɔɡa ta. Ba sie dɛ beɡre kwaa taeh. Korowii taah ba!

2 Pita 2:3

Ba sibeɡra baa dɔa kohona nomanta, baa dɛɛ teŋe nyosonee ŋɔ waa baa chaɡle heya, dɛ́ neɡre heyaa dɛɛ di. Naate waa pa ba bolchɔɡe dɛɛ ba ba deŋne tɛra la, kpɔ o te dɛɛ kpaa ba saŋ bɛlbwa. Waa dom chɔ. Wɛɛ ɛɛ ba posaposa kenii.

1 Samoɛl 8:3

Kɛ dɛ ba te ta doe kɛŋɔ ba mɛɛ. Dɛ ba sie beɡre suuɡa, anomanta, ba ɡelɔ nɛra ɛɛ yaɡ ba sen, baa waa aŋwɛnɛ ta bol.