Jeremia 22:15 - mzwDBL

¹⁵ He do dem dɛ kpɔ peleme daa kwaaro waa, anee dɛ́ ɡel nɛra ŋɔ he ɛ kooro kɛɛ? Kondikwaa ne sen fa ta he mɛɛ nyae, kɛ o ɛ anɔ la aa wera dɛ toɡre, anomanta, o wobɛlbwa wer dɛ tɛo.

Jeremia 22:15 ပူးပေါင်းရင်းမြစ်များ

2 Samoɛl 8:15

Kooro Devid di kora Israel harɛ bwa, dɛ nyiŋi o nɛra waa aa toɡra ne kasinteŋ ne.

1 Koranar 10:9

Korowii haa dɛ tomɔ laanee dɔ jam. O sie lɛ he nɛ, dɛ cheɡe kora ta Israel. Korowii nyina aa wola jaɡa dɔe bwa o kpɔ dɛɛ nyin o nɛra Israel tena la nomanta, o cheɡe kora ŋɔ he nyiŋi ba nɛɛ kasinteŋ ne waa aa toɡra ne.”

2 Koranar 22:2

O ɛ waa aa too Korowii tea, o teŋɛ waa o nabaa Kooro Devid aa ɛa ta. O teŋɛ Korowii waa ta kɛrɛdɛ.

2 Koranar 23:25

Kooro bɛlbwa ta do kɛ Kooro Josia, dɛ nyin Korowii o bambile bwa, o hweera dɛ o bokpeɡa bwa ne, ɡɛ waa aa lɔ Mosis Mmara la bini bwa aa dɛ baɡle la.

1 Webena 3:15

Josia dɔ bibaala banaarɛ, banee, Johanan ne Jehoiakim ne Sedekia dɛ Salum.

2 Webena 34:2

O ɛ waa aa too Korowii tea, o teŋɛ waa o nabaa Kooro Devid aa ɛa ta. O teŋɛ Korowii waa ta kɛrɛdɛ.

2 Webena 35:22

Ane a bwa, dɛ Kooro Josia ta dɛ nyin ó ka yo. O ta waa Korowii aa cheɡɛ Kooro Neko nɛɛ dɛ bol la ta teŋɛ, anomanta, o beɡre o te dɛ la ka yoo Meɡido harɛ waa chɔa kaa la ta.

2 Webena 35:26

Wobɛlbwa Kooro Josia aa ɛa o kora dii saŋ, ne ɡɛ waa kpɔ o te tɛ Korowii ɡɛ aa lɔ Korowii Mmara tɔn bini,

Sɛɡla 20:28

Nyina ne kasinteŋ ɡelɔ Kooro ɛɛ biɡri, nyina taa a che o kora ɛɛ che.

Sɛɡla 21:3

We-ɛɛla aa wera dɛ toɡre, dɛ su Korowii siwi ɡwaa kɛŋɔ haa ɛ saraha tɛo.

Sɛɡla 25:5

Nɛnchɔɡa le kooro jwɛh aa, o kora ɛɛ cheo, toɡra o wa aa toɡra la wa.

Sɛɡla 29:4

Kooro waa dɛ di kasinteŋ la, o ɡelɔ harɛ la wobɛlbwa ɛɛ maɡre, kɛ onɔ la o sie aa dɛ lɛ kɛ baa yawɔ sen te dɛ paɡre harɛ.

Sɛɡla 31:9

Bol waa dɛɛ tɛ a ɡɛ nɛra ŋwɛnɛdɛɛɡe ta, ásɛ dɛ ɛ nɛn waa bol waa dɛɛ pa bole aŋwɛnɛ ta.”

Wejereme 10:17

Kɛ harɛ o nɛra kooro aa ɛ koobie, ba nomonome ɛɛ di kwaa saŋ waa wera ta, dɛ dɔ bokpeɡa ɡwaa kɛ baa nyɔ sen dɛɛ la, ba na som.

Wejereme 2:24

Waa aa wera tɛ nɛwɛnyini bwaa kɛŋɔ, o di kondikwa dɛ́ nyɔ sen lɛ o sie, ásɛ o bwara sɔɔhno o toma waa ɛa ta. Anɔ ɡe kwaraa la, Korowii bee aa le,

Aesaya 3:10

Gel nɛra ba wa aa toɡra no kɛŋɔ aa do werii tɛɛ ba. Baa di ba we-ɛɛla tɔnɔɔ.

Aesaya 33:16

Banee dɛɛ ba deŋnesɔɔhna ne soɡa, kɛŋɔ baa soɡe dekpeɡ bini. Baa dɔ kondikwaa dɛɛ di, nee ɡe aa ban paŋɛ bwa.

Aesaya 9:7

O kora ɛɛ do kanee dɛɛ ja saŋ bɛlbwa, ásɛ deŋnesɔɔhna aa wola jaɡa dɔe do le saŋ bɛlbwa dɛɛ la. Wɛɛ chiɡ Kooro Devid naa taa, dɛ́ di kora. O kora ɛɛ che kasinteŋ ne waa aa toɡra taa dɛ́ do kpeɡri, dɛ́ le saŋ nɔ ka tel waa bwa jaɡa saŋ. Koranar Bwa Kooro ɛɛ do siee dɛ́ ɛ anɔ bwa.

Jeremia 21:12

Kooro Devid naanar, waa Korowii aa dɛ bol laanee nɔ. ‘Hé na kɛŋɔ waa aa wera dɛ toɡre lole tɔpere bɛlbwa, hé lɛ nɛra baa dɛ fiɡ ba le ba dɔɔranar nɔn ta, nɛra baa lɛ ba laala bwa la. Dɛ ɡɛ laa aa, n bandia ɛɛ fuuh kohona kɛŋɔ nii ken, bɛlbwa aa wola won sɔɔh o nyoa, wechɔɡa haa ɛa la wa.

Jeremia 22:18

Anomanta, ɡɛ Korowii aa bol Juda Kooro Josia, o bibaa Jehoiakim waa nɔ. “Nomɛlbwa aa Kooro Jehoiakim seo waa wi, kɛɛ dɛ ŋɔ, ‘Aku, n dam, he seo dɛ we, bwɛɛlɛ ne seo.’ Nomɛlbwa aa on wi ŋɔ, ‘Aku, n dɔɔ, kɛɛ n naa kooro, bwɛɛlɛ ne seo!’

Jeremia 22:3

Hɛ́ɛ ɛ waa aa wera dɛ toɡre. Hé lɛ nɛn baa dɛ fiiɡu, dɛ́ lɛ o laala le o nomoa nɔn ta. He bɛ naɡra kɛɛ wechɔɡa kpɔ ba nɛŋhɔɔhra ne bilalbii, kɛɛ luhaahna nɛ, he bɛ nɛn waa wola wechɔɡa ɛɛ kpo harɛ nɔ ta.

Jeremia 23:5

Korowii ŋɔ, “Tɔpera ane dɛ ba ásɛ n ɡel Kooro Devid naa o wa aa toɡra, dɛ do kɛŋɔ Daa Kpale ba, dɛ́ ba di kora. O balaa, wɛɛ che wejema taa nyiŋi ba nɛ, dɛɛ ɛ waa aa wera harɛ la bwa ta.

Jeremia 42:6

Dɛ a wer kɛɛ aa were kwaraa naa, yaa teŋɛ Korowii yaa dɛ tomɔ waa taa, o bee ya tomɛ la. Ya dɛ teŋɛ o waa bwa ta naa, ya wobɛlbwa ken ɛɛ won do wer tɛ yaa.”

Jeremia 7:5

Hé charɛ he liire dɛ́ ɡel ɡɛ haa dɛ ɛ la. Hé ɡel he waa dɔ kasinteŋ tɛ dɔŋa.

Amanesoma Luk Aa Chwera Tɔn 11:41

Hé kpɔ kwaa haa nyina cheɡ la dɛɛ kɛ nyaara he bambile bwa ne ásɛ komɛlbwa do wer tɛ heya.

We-ɛɛla 2:46

Tɔpebii te bɛlbwaa baa cheme Korowii Dea, dɛ pɛ dɛɛ di kwaa ba deremi silɛɛ ne tepoŋ ne.

1 Kɔrent 10:31

Anomanta, wobɛlbwaa hɛɛ ɛ oo, kwaa hɛɛ di oo, komɛlbwaa hɛɛ nyɔ oo, hé ɛ dɛ́ kpɔ jirima dɛɛ tɛ Korowii.

Mmarare 4:40

Hɛ́ɛ teŋɛ o Mmarare bwa maa dɛ bol he be fini nɔ ta, ásɛ a do wer tɛ he ne he bii ne naanar baa ka ba, ásɛ he won so harɛ waa kpɔa dɛɛ ba heyaa tɛɛ la ta saŋ bɛlbwa.”