Jeremia 20:9 - mzwDBL

⁹ Kɛ dɛ n ŋɔ maa Korowii sɔnee yerɛ, kɛɛ dɛ́ bol waa o sɔn ta kpa aa, o waa la yon do n bambile bini, dɛɛ fuh n hoɡa bini kɛŋɔ nii ken. N yon takapɔ ŋɔ n lawɛ n te, kɛ dɛ n horɔ.

Jeremia 20:9 ပူးပေါင်းရင်းမြစ်များ

Yela 39:3

N bambile chɔɡɔ kohona, maa ŋɔ ń kpɔ liire la, name tenee a yon ɡwaa, asɛ n ŋɔ,

We-ɛɛla 4:20

Waa ya ɡbaɡba aa naa dɛ no la, yaa won ɡel a bola bwa!”

Ɛsekeɛl 3:14

Korowii Doma la baa so n nɛɛ kpeɡri nɛ, dɛ kpɔ mɛ kaa, asɛ n sie beɡre n baah di n bambile bini.

We-ɛɛla 17:16

Pɔɔl aa soɡe bwɛjen Atens bela dɛɛ kpa Silas ne Timoti la, o nao kɛ voɡa su bwɛɛ la bwa. Waa na ɡɛ la, o tea bini chɔɡɔ.

Jeremia 6:11

He bandia waa lɔ ba nɛɛ la dɛ we n bambile maa wola won kpoŋa kpa.” Belaa Korowii ŋɔ n be ŋɔ, “Kpɔ n bandia ba bechale nɛɛ fɔɡbaahna, ne bela bonɔɔnaa aa dɛ cheme, ne baala ne ba haahna bwa nɛ, hale banɔ la baa hwɛɛhra bwa.

Amanesoma Luk Aa Chwera Tɔn 9:62

Anee Yeesu ŋɔ o ɡe be ŋɔ, “Nomɛlbwa waa pa mun dɛɛ ba para dɛ ka kpɔ par, o nyu bini berɛ dɛɛ ɛo anɛnɛ la aa won parɛ a maɡre. Gɛɛ a do kɛŋɔ nomɛlbwa waa kpɔ o te kɛŋɔ wɛɛ ja Korowii Kora la taa la bɛ berɛ dɔ liire anɛ kpa.”

We-ɛɛla 18:5

Silas ne Timoti aa le Makidoonia harɛ ba la, a taa Pɔɔl do kpeɡri name dɛ ɡel wobɛlbwa ɛɛ dɛɛ bol Yeesu waa la, dɛɛ di danseɛ dɛɛ baɡle Juu tena kɛŋɔ Yeesuu Kristo la Korowii aa baɡɛ nyoa ŋɔ wɛɛ tomɔɔ ó ba lɛ yaa la.

Jeremia 4:19

Anee Jeremia ŋɔ, “N weweele kan, a kan kohona to! N bwara bwaa dɛɛ wee mɛ mɛɛ beɡre n te. N loo kuu, n bambile ɛɛ lɔ kohona! Maa won tɔ nyoa, dɛkalkɛ n no bɛla sii, dɛ no laa lɔŋɔre.

Jeremia 23:9

A ɡɛ waa nɔ ɛ Korowii keamere wa. N loo kuu a kpɔ bochela ta n nɛ, n hoɡa bini bwa ɛɛ wee mɛ. N do kɛŋɔ sennyɔdɛɛ ken, kɛ nɛn waa nyɔ sen kohona, Korowii waa aa do ɡoroŋ o bol n be la wa.

Jeremia 23:29

N waa la do kɛŋɔ nii, dɛ berɛ do kɛ hamba waa won bwea paɡra burbur ken. Men Korowiirii bola.

Ɛsekeɛl 3:3

O ŋɔ n be ŋɔ, “Nɛwɛnyini bie, lɛ tɔn nɔ di dɛ vaɡɛ.” Asɛ n lɛ dɛ kpɔ di, o do som kɛŋɔ tooh ken.

Emɔs 3:8

Nyujente kɔraa, umee wola ɔmɔɔ? Nemenɛ Korowii bol wa aa, umee wola la ka bol o waa aa dɛ ba bala laɔ?

Jona 1:2

“Le he harɛ ta, dɛ́ la bwɛjen Niniwe ta, dɛ́ ka di ba kasinteŋ ŋɔ ba wechɔɡa baa dɛ ɛ la le n mee.”

Jona 1:3

Anee Jona vɛh Korowii toma waa dɛ tomɔ Niniwe la, dɛ chwa dɛɛ kaa Taases. Anomanta, o la Jopa, bela stiimaere aa dɛ chuɡe, asɛ dɛ ka dɔ bɛl waa dɛ kaa Taases. O bɔ o suuɡa dɛ jo dɛ fe ɛɛ kaa Taases ásɛ Korowii bɛ on na.