Jeremia 20:7 - mzwDBL

⁷ N Naa Korowii, he neɡ mɛ, asɛ n teŋɛ he nɛ. He pɔ n nɛ, dɛkalkɛ he kpeɡri ɡwaa mɛ. Nɛra dɛ muɡli n baah, tɔpebir bwaa baa mam mɛ.

Jeremia 20:7 ပူးပေါင်းရင်းမြစ်များ

2 Koranar 2:23

Elaesa le Jeriko dɛɛ kaa Bɛtel, waa dɛ kaa la, bechale bane le bwɛɛ la ta dɛ baa ɛo nɛnhɛla ŋɔ, “Le bonɔ, nyuɡbaale te bɛl le!”

Job Tɔn 12:4

N berɛ akwekwe nɛn n daamanar be, ba dɛ mam mɛ, kɛ n waa toɡrɔ, wechɔɡa bɛlbwa toole n nɛ, Korowii fa no n wesoŋa ka.

Job Tɔn 30:9

Name, menee ba bibaala kpɔ ɡo yela dɛɛ mamɛ, menee ba kpɔ maɡɛ waa dɛ bol dɛɛ mamɛ.

Yela 119:51

Mbarafo tena aa n loro dii ɡel bwa, kɛ a ta ɡelɛ n laa n te kpɔ he Mmarare ta teŋa ta.

Aesaya 8:11

Belaa Korowii kpɔ o kpeɡri kah mɛ ŋɔ n bɛ ŋwɛnɛ Juda tena aa dɛ kpɔ ta teŋɛ. O ŋɔ,

Jeremia 15:10

Asɛ men Jeremia ŋɔ, “Akwe, n nya, n na waa kɛ haa lol mɛ, harɛ nɔ nɛra bwa hah mɛ dɛɛ yoo mɛ. N ta bɛl kon kemɛ kɛɛ dɛ kemɛ le bɛl be, kɛ nɛra bwa ɡarɔ dɛɛ taah mɛ.”

Jeremia 15:18

Ɛrɛɛ n bonyɛɡa aa wola tonɛ, asɛ ba do mɛ bol kohona, maa wola chaah dɔ nɔɔ? He do kɛŋɔ nenabɔɔ kɛɛ bule hwel saŋ, nee aa wola toole a ta tɛ mɛ kɛɛ?”

Jeremia 17:16

N ta vɛɛh kɛŋɔ mɛɛ nyiŋi he nɛra nɛɛ kɛŋɔ peteɡre, maa nyin kɛ he kpɔ sibeɡra tɔpere bɛlbwa ba ba nɛ. Wobɛlbwa aa le n nyoa la chɔ he sie.

Jeremia 20:9

Kɛ dɛ n ŋɔ maa Korowii sɔnee yerɛ, kɛɛ dɛ́ bol waa o sɔn ta kpa aa, o waa la yon do n bambile bini, dɛɛ fuh n hoɡa bini kɛŋɔ nii ken. N yon takapɔ ŋɔ n lawɛ n te, kɛ dɛ n horɔ.

Jeremia 29:26

“Korowii lee sɔfo he ba chiɡ Jehoiada naa ta, dɛɛ nyiŋi o Dea la ta. Henee chɛ kɛ he nyiŋi dɛ́ lawɛ nomɛlbwa waa dɛ we choɡla, dɛɛ ɛ o te kɛ Korowii keamee on la, dɛ́ doo bune jɔɡrɔre ne bune kwaa o baŋa ta.

Jeremia 38:19

Asɛ Kooro Sedekia ŋɔ men Jeremia be ŋɔ, “N dɛ ɔmɛ Juu tena baa kpɔ ba te ka ja Babelɔn tena bini la, dɛkalkɛ Babelɔn tena la ken ɛɛ lee mɛɛ tɛɛ ba, ásɛ ba fiɡ mɛ.”

Wiile 3:14

A cheɡɛ a ta n nɛra kpɔ mɛ berɛ akwekwe nɛn, tɔpebir bwaa n mama ber ba yela baa ɡo.

Ɛsekeɛl 3:14

Korowii Doma la baa so n nɛɛ kpeɡri nɛ, dɛ kpɔ mɛ kaa, asɛ n sie beɡre n baah di n bambile bini.

Hosia 9:7

Tɔpera Korowii aa tɛr ba deŋne la dɛ tel, tɔpere waa bɔ ba kem la telo. Gel Israel tena jemɛ a ɡɛ waa nɔ. Ba wechɔɡa warɔ, ba ɡaeh we-ɛɛla ɡe do kan nomanta, ba ŋɔ Korowii keame la ɡɛnɔ, nɛn Korowii Doma aa lɔ o nɛɛ la ɛ choɡla te.

Jona 4:2

asɛ o soŋe Korowii ŋɔ, “N Naa Korowii, waa maa lɔ n bwɛɛ dɛ bol la laa nɔ naa? A waa n fee chwa dɛɛ kaa Taases la. N jemɔ kɛ he dɛ na nɛn sum, he tea dɛ domɛ nɛn nɛ, he baah aa di warawara. Nɛnnyin ɡboo he bwa. He won he liire chara dɛ́ le nɛwɛnyina deŋne tɛra ta.

Maeka 3:8

Kɛ n te, Korowii ɡelɔ o Doma ba so n nɛ, asɛ n dɔ kasinteŋ ne kpeɡri dɛ́ bol Israel tena wechɔɡa wa.

Amanesoma Luk Aa Chwera Tɔn 16:14

Farisii tena la aa no ɡɛ la, ba chwee Yeesu, dɛkalkɛ dɛ ba dɛ nyin suuɡa taeh.

Amanesoma Luk Aa Chwera Tɔn 23:11

Asɛ Kooro Hɛrɔd ne o soojare ɛɛ muɡli o baah dɛɛ mamɔ, dɛ ka kpɔ koowur ba doo dɛ berɛ kpɔɔ ka tɛ Paelet.

We-ɛɛla 17:18

Dɛ nɛra bane hweli bela wejema baa dɛ yera Epikuria ne Stoik la, dɛ ɡe ɛ ɡɛ wejema la chachaɡla bela. Dɛ a ɡɛ nɛra nɔ ɡe dɛ tɔŋlo dɛɛ ŋɔ, “Ɛrɛɛ wobobala te nɔ ɡee bol nɔɔ?” Asɛ bane ɡe ŋɔ, “Jamɔ harɛ bɛl voɡa waa wɛɛ bol nɔ.” Pɔɔl aa dɛ bol Yeesu ne seo ta ira waa ba lii ɡɛ la.

We-ɛɛla 17:32

Pɔɔl aa bol seo ta ira waa la, dɛ ba dɛ mamɔ, asɛ bane ɡe ŋɔ, “Ya dɛ nyin kɛ he bol he waa la yá no ja.”

1 Kɔrent 9:6

Kɛɛ n ne Banabas ɡboo chɛ kɛ ya koh mɔɔ dɛɛ di?

Hibru 11:36

Ba ɛ bane ɡe bahmuɡliwaa dɛ lɔɔ ba chweremi ne, dɛ do kpɛɛ bane ɡe nɔɔra, dɛ do ba dea.