Jeremia 20:5 - mzwDBL

⁵ Mɛɛ berɔ ɡel ba dɔma pa ba kondɔɔh aa lɔ bwɛjen nɔ ta bwa, dɛ́ kpɔ nɔn dawɛ ba komɛlbwa ta, hale Juda koranar kwaa a yoɡ aa kpeɡa bwa, dɛ́ che a bwa kaa Babelɔn harɛ ta kɛŋɔ laa ta kwa.

Jeremia 20:5 ပူးပေါင်းရင်းမြစ်များ

2 Webena 36:10

Benanyoa aa chema la, Kooro Nebukadnesa ɡelɔ ba ba lawɛ Kooro Jehoiachin kaa Babelɔn harɛ ta, dɛ pa kondɛɛɡa a yoɡ aa kpeɡa dɛ do Korowii Dea ja kaa. O kpɔ Kooro Jehoiachin naara Sedekia chiɡ o naa ta, o ɛ Juda harɛ ta kooro, dɛ so Jerusalam.

Aesaya 39:6

Saŋ bɛl dɛ ba ásɛ komɛlbwa waa lɔ he koodem bonɔ ne anɔ la bwa he naanar aa nyina cheɡ ba le fini la bwa Babelɔn tena ba kpɔa kaa ba harɛ ta, komɛlbwa aa ka. Korowiirii ŋɔa.

Jeremia 12:12

Laa tena baa wara lɔ pua hɛŋle ɡbo harɛ deŋɡarere dor, dɛɛ ba dɛ́ ba chɔɡ nɛra ne kwa. Men Korowiirii kpɔ ba dɛɛ ba, bá ba yoo ba, dɛ́ chɔɡ harɛ la bwa ásɛ nomɛlbwa bɛ deŋnesɔɔhna dɔ.

Jeremia 15:13

He wechɔɡa aa kana harɛ la ta bwa nomanta, mɛɛ ɡeloo dɔma pa he kondɔɔh, ne laala a yoɡ aa kpeɡa bwa kɛŋɔ laa ta kwa, ásɛ a ɛ deŋnetɛra tɛ heya.

Jeremia 17:3

dɛ bwejena bwa dor. Mɛɛ ɡeloo he dɔma ba kpɔ he kondɔɔh, ne laala a yoɡ aa kpeɡa bwa, dɛ bwejena dor haa dɛ tomɛ voɡare la do ba nɔn ta, he wechɔɡa bwa haa ɛa harɛ la ta wa.

Jeremia 3:24

Le ya bechale saŋee voɡare aa wola tɔnɔ bɛlbwa dɔe chɔɡ ya naawa toma baa ɛa, ba peera ne nae, ba bibaala ne bihaahna bwa.

Jeremia 32:24

Babelɔn tena ma kwaa baa che a ta dɛ́ jo bwɛjen la bini bar o bwa, dɛ́ yoo ba dɛ́ pɔ ba nɛ. Hale ba pa mun kwara. Laa ne lɔr dɛ weela ɛɛ ɡeloo bá pɔ ba nɛɛ warane. He ɡbabir nao kɛŋɔ waa haa bola la ɛ ɡɛ.

Jeremia 39:2

Kooro Sedekia aa di kora bene fi dɛ beŋkpoŋ ta, korobinaarɛ tɔpenuanaarɛ ta la, ba kuuɡi Jerusalam danjwɛjen la, dɛ jo ba be.

Jeremia 39:8

Babelɔn tena la fuh koodem la ne nɛra la deene, dɛ kuuɡi Jerusalam danjwɛɛre bwa ɡe.

Jeremia 4:20

Wekpeɡa ane balaa, dɛ ane teŋɔ, harɛ la bwa berɛ dimɡbia. Kerabeŋkpoŋ dɛ n tɛnte deene maa soɡe a ta bwa chɔɡɔ.

Wiile 1:10

Dɔma pa o laala a yoɡ aa kpeɡa bwa kaa. O ɡbabir na harɛre nɛra baa wola Korowii tomɛ aa dɛ jo Korowii Dea la bini, bela Korowii fe aa wola ban ŋwɛnɛ tɛɛ kɛ ba jo.

Wiile 1:7

Jerusalam tena lii ɡɛ saŋ baa lɔ wenaale ta dɛɛ ɡaaɡe, ne kondɛɛɡa a yoɡ aa kpeɡa ba faa dɔa la. Ba dɔma aa baa yoo ba dɛ pɔ ba nɛɛ la, nomɛlbwa toole dɛ́ won ba lɛɛ ba. Ba dɔma nyiŋi ba chɔɡa la dɛɛ mam ba.

Wiile 4:12

Harɛre koranar, kɛɛ harɛ nɔ ta nɛn bɛlbwa, ta liire kɛŋɔ dɔma ɛɛ won kpɔ Jerusalam doonyojena ta jo o bini.

Ɛsekeɛl 22:25

Ba koranar do kɛŋɔ nyujentena yon lawɛ ola dɛɛ kaa dɛɛ kɔɡre la. Ba dɛ kpoo nɛra, dɛ pa ba suuɡare ne ba kondɔɔh bwa, a che a ta luhaahna warɛ o ta.

Daneɛl 1:2

Korowii ɡelɔ o pɔ Juda Kooro Jehoiakim nɛ, dɛ pa laala baa kpɔa cheɡ Korowii Dea la ane kaa Babelɔn harɛ ka cheɡ o voɡ dea bini, bela baa dɛ cheɡ laala a yoɡ aa kpeɡa.

Hosia 13:15

a lole kɛŋɔ he wer he bala bini. Mɛɛ ɡeloo peuchɔɡe ta le wee leebɔr, dɛ́ ta le pua hɛŋle ɡbo harɛ ta. Nee aa won palɛ le neerare nyuune ta, ásɛ buli hweeh. Mɛɛ pa he kondɛɛɡaa le bela haa dɛ cheɡa la kaa.