Jeremia 20:11 - mzwDBL

¹¹ Kɛ hen Korowii, he ja n nɛɛ kɛŋɔ banyoo ken, anomanta, nɛra baa cheɡɛ n nɛɛ bwa ɛɛ horɔɔ. Sihiih ɛɛ kpo ba saŋ bɛlbwaa dɛɛ la, dɛkalkɛ ba wobɛlbwa aa maɡra ba. Nɛra aa sihiih baa di la soeh ba bwa.

Jeremia 20:11 ပူးပေါင်းရင်းမြစ်များ

Jeremia 1:19

Baa yoi, kɛ baa won pɔ he nɛ, dɛkalkɛ n ja he nɛɛ ásɛ dɛ lɛɛ, men Korowiirii bola.”

Jeremia 1:8

Dɛɛ berɛ ba ɔma. Mɛɛ ja he nɛɛ dɛ́ lɛɛ. Men Korowiirii bola.”

Jeremia 15:20

Mɛɛ ɡeloo he do kpeɡri kɛŋɔ danjwɛkpeɡ tɛ nɛra nɔ, danjwɛkpeɡ tenten baa kpɔ ayaawa ɛo. Baa yoi kɛ baa won pɔ he nɛ, dɛkalkɛ n ja he nɛɛ dɛ́ lɛɛ. Men Korowiirii bola.

Jeremia 17:18

Gel sihiih kpo nɛra baa cheɡɛ n nɛ, kɛ bɛ ɡel sihiih kpo mɛ. Gel ɔmee laɡ ba kohona, dɛ laa ɔmee kohona kpɔ n nɛ. Gel ba na he sibeɡra tɔpere la, dɛ́ chɔɡ ba, dɛ́ berɛ chɔɡ ba ja.”

Aesaya 41:10

Anomanta, he bɛ ɔmɛ, n ja he nɛ. He bɛ ɡel he bambile chɔɡ, menee Korowii haa dɛ tom mɛ. Mɛɛ tɛ heyaa bokpeɡaa, dɛ́ cha heya. Mɛɛ kpɔ nɔnee tɔ he nɛ, dɛ́ lɛ heya.

Yela 6:10

Sihiih ɛɛ kpo n dɔma bwaa ba bwara yɔr, ásɛ Korowii ɡel ba berɛ, dɛ́ den kpɔ baŋaɡola kaa.

Yela 40:14

Gel nɛra baa dɛ nyin mɛ dɛ́ kpo la, sihiih kpo ba, bá wili. Nɛra ba sie aa dɛ lɛ n wenaale ta la, ber ba kaa, dɛ́ ɡel sihiih kpo ba.

Yela 35:26

N Naa Korowii, ɡel sihiih kpo nɛra baa dɛ mam mɛ kohona, ásɛ dɛ wili, n wahala maa dɛ na wa. Gel sihiih kpo nɛra baa dɛ lii kɛ ba ɡwaa mɛ kohona.

Tɔn Pɔɔl Aa Chwerɛ Rom Tena 8:31

Ya ta sie nyiŋi anɔ bwa na naa, ɛrɛɛ yaa ba ŋɔe yɔ? Dɛ Korowii teŋɛ ya nɛ aa, umee dɛ́ won ɛ yaa waane ɔ?

Jeremia 23:40

Wɛɛ ɡeloo he di sihiih taeh, sihiih nomɛlbwa aa wola o waa soh bwa.’ ”

2 Timoti 4:17

Kɛ ya Dɔɔ la cheɡɛ n habɔɔ dɛ tɛ mɛ kpeɡri n won bol Amanesoma la bwa, asɛ nɛra baa wola Juu tena ɛɛ la bwa no. Korowii lɛɛ mɛ le siswɛm ta kɛŋɔ nɛn baa lɛo le nyujente nyoa ta ken.

Aesaya 45:16

Sihiih ɛɛ kpo nɛra baa cheɡ voɡaa. Ba bwa ɛɛ pɛo di ncho.

Yela 66:5

Hé ba, dɛ́ ba na waa Korowii aa ɛa, nyokpowe-ɛɛla waa koh nɛwɛnyina waa dɛ ɛ.

Daneɛl 12:2

Nɛra ɡalɡa baa serewa ɛɛ berɔ ir, ásɛ bane kaa mkpa aa wola jaɡa dɔe bwa ta, bane ɡe kaa weweele aa wola jaɡa dɔe bwa ne sihiih ta.

Yela 65:5

N Naa Korowii haa dɛ lɛ yaa, he cheɡɛ he nyokpowe-ɛɛla ta, dɛ no ya wesoŋa. He nɛɛ nɛra baa lɔ harɛ jaɡa bwa, ne banɔ la baa lɔ mpo jaɡa bwa ɛɛ hwɛɡɛ.

Yela 47:2

Nemenɛ Korowiirii ɔma kohona, onee koojen waa dɛ nyiŋi harɛ nɔ bwa ta.

Aesaya 41:14

Korowii ŋɔ, “Israel tena, haa kanɛ, haa kpeɡe. He bɛ ɔmɛ, mɛɛ cha heyaa. Men Israel Nɛŋɡoroŋ maa ɛ he Lɛɛ laanee ŋɔa.

Yela 129:2

“Le ya bonɔɔne saŋ bwaa ya dɔma yo yaa taeh, kɛ ba ta wone pɔ ya nɛ.

Jeremia 15:15

Belaa men Jeremia ŋɔ, “N Naa Korowii, he ɡbabir jemɛ waa nɔ mun, lii n wa, dɛ́ nyiŋi n nɛ. Bɔ n dɔma baa dɛ nyin mɛ dɛ́ kpo kem. Bɛ so nyiŋi bá dɔ bɔr dɛ́ ba kpo mɛ, dɛ́ na kɛŋɔ he waa mɛɛ na anɔ bwa.

Jeremia 22:22

Peu ɛɛ tao kpɔ he sitɔɔla baa do kɛ peteɡra la kaa, baa lawɛ nɛra baa ja he nɛɛ laa taa kaa bojaŋ harɛfala ta. Ásɛ he di ncho, sihiih kpoe, he nyubinikpeɡ haa ɛa la wa.

Jeremia 32:18

He baɡle he nyina nɛra kaɡboŋa nɛ, kɛ he berɔ dɛɛ tɛr nɛra deŋne ba mɛɛnanar wechɔɡa baa ɛa wa. He kan dɛ do kpeɡri, henee Koranar Bwa Kooro.

Jeremia 1:18

Fini, n ɡelɔ he do kpeɡri kɛŋɔ bwɛjen baa ma danjwɛkpeɡ baro, ne buni pila ne ayaawa danjwɛɛ harɛ la ta, ásɛ he won yo Juda koranar ne ba nomonome, sɔfore ne nɛra baa lɔ harɛ la ta.