Jeremia 20:10 - mzwDBL

¹⁰ N dɛ no nɛra bwa aa dɛ ŋwalɛ ŋɔ, “Ɔmee kohona bar yaa cheme! Hé ɡel ya kpɔ o waa ka bil nomonome sie.” N daamanar ɡba dɛ nyin n harɛ lɔe, dɛɛ ŋɔ, “Nomɛl ken ɛɛ won neɡro, ásɛ ya won lawɔ, dɛ́ bɔ ya kem.”

Jeremia 20:10 ပူးပေါင်းရင်းမြစ်များ

1 Koranar 19:2

Anee o haah la tomɛ torome Elaeja be ŋɔ, “N ŋwɛɛrɔ kɛŋɔ kere saŋ nɔ dɛ n ta hen kpoe kɛŋɔ haa kpoo voɡ tena la aa, voɡare la kpo mɛ.”

1 Koranar 21:20

Kooro Ahab na Elaeja dɛ ŋɔ o be ŋɔ, “N dɔm, he na mɛ.” Elaeja ŋɔ, “Gɛɛ, he ta he nyu dɛ ɛ wechɔɡa Korowii siwi ta.

1 Koranar 22:27

dɛ́ ka ŋɔ ba be ŋɔ, n ŋɔ bá lawɔ do dea, dɛɛ tɛo paanoo ne nee ɡbo ka tel kɛŋɔ maa ba jo sɔnɔnɔɔ.”

1 Koranar 22:8

Anee Kooro Ahab chaŋe ŋɔ, “Korowii keame beŋkpoŋ bɛl lole. Onee Imla bibaa Mikaya. Kɛ n ne waa somɛ, dɛkalkɛ o ta wobɛlbwa nae le Korowii be dɛ tɛ mɛ a ɛ wedɛɛɡa tɛ mɛ bwa, atane wechɔɡa ɡbo.” Kooro Jehosafat ŋɔ, “N naa kooro, bɛ ɡɛ ŋɔ.”

Job Tɔn 19:19

N daamanar tenten kii mɛ, nɛra maa dɛ nyin ba berɛ habɔɔ kpo mɛ.

Yela 31:13

N noɔ nɛra ɡalɡa ɛɛ ŋwalɛ ŋɔ, ɔmee kohona chole n nɛ. Ba dɛ vɔrɔwe n vɔrɔwa, dɛ́ kpo mɛ.

Yela 31:14

Kɛ n Naa Korowii, henee mɛɛ yarada, henee Korowii maa dɛ tomɛ.

Yela 41:10

N Naa Korowii, na n sum, laɡ mɛ ir, ásɛ n bɔ n dɔma kem, waa baa ɛɛ mɛ la wa.

Yela 41:9

Hale n dansom maa dɛ hwɛɡɛ o nɛ, nɛn n ne waa pɛ nɔn dɛɛ di kwaa la, ɛ n dɔm.

Yela 57:4

N dɔma bar mɛ cheme, ba do kɛŋɔ nyujentena lɔr aa dɛ kpoa, aa nyin nɛra ola dɛ́ di ken. Ba nyena do kɛŋɔ lampeare ne hɛma, ba nyondoŋa nyɛɡre kɛ keri ken.

Sɛɡla 10:18

Nɛn waa hah o dɔŋ dɛɛ tɔh la ɛ nyosonteŋni, asɛ nomɛlbwa waa dɛ taa nyokpɛl la ɡɛnɔ.

Aesaya 29:21

Wɛɛ chɔɡ banɔ la nɛra aa che ba wobol ta dɛ́ ɛ wechɔɡa, ne banɔ la baa ɡela nɛra baa bol waa dɛɛ pa bole wili, ne banɔ la baa cheɡɛ nyosone ŋwɛnɛ ta, dɛɛ pa nɛra baa di bolsom bolchɔɡe.

Jeremia 1:19

Baa yoi, kɛ baa won pɔ he nɛ, dɛkalkɛ n ja he nɛɛ ásɛ dɛ lɛɛ, men Korowiirii bola.”

Jeremia 11:19

Dɛ n do kɛŋɔ pebie waa pwɛra ba lawɔ dɛɛ kaa kpobɔr ken. N ta jemɛ kɛŋɔ ba dɛ vɔrɔwe n bwara wechɔɡa ŋɔ, “Hé ɡel ya kpo Jeremia ɡɛ ba yon chɔɡ daa ne o nɔna bwa la, dɛ́ kpoo le harɛ nɔ ta, ásɛ o sɔn den he kwaraa.”

Jeremia 11:21

Anomanta, Korowii ŋɔ Anatɔt baala bane ŋɔ n bɛ Korowii waa bol o sɔn ta, ɡɛ laa aa baa kpo mɛɛ.”

Jeremia 18:18

Asɛ nɛra la bane ŋɔ, “Hé ba ya vɔrɔwe Jeremia vɔrɔwa, dɛkalkɛ sɔfore waa baa dɛ bol la ɛɛ do lee, wejerema ɡe webaɡla aa tonɛ, ɡɛɛ Korowii keamere ɡe waa la ɛɛ ba cheɡa. Anomanta, hé ɡel ya nyin waane dawɛ o nɛ, dɛ́ ɡel waa waa dɛ bol la noe.”

Jeremia 20:3

Tɔ aa pera la, Pasur baa foo n jɔɡrɔre la, asɛ n ŋɔ o be ŋɔ, “Korowii ta ŋɔe ŋɔ he sɔne Pasur, sɔn waa pae laanee Maɡor Misabib.

Jeremia 37:13

Kɛ maa tel Bɛnjamen Doonyoa ta la, nomoa waa chɔ nɛra baa dɛ daah bela nyoa baa yerɔ Irija, o mɛɛ Sɛlɛmia, o nabaa ɡe sɔne Hanania, laɡ mɛ dɛ ŋɔ n be ŋɔ, “He chwao dɛɛ kaa Babelɔn tena be.”

Jeremia 6:25

Yaa won ŋɔ yaa leo kaa dahare, kɛɛ dɛ ka valɛ ŋwɛnɛre ta, dɛkalkɛ ya dɔma kpɔ ba te dɛ kpoŋe ba dɔmkwa, asɛ ɔmee kohona bar yaa cheme.”

Ɛsekeɛl 22:9

Ba bini bane teŋe nyosone dɛ ɡel baa kpoo ba bala, bane ɡe ɛɛ di voɡa kwaa deŋɡarere ta, bane ɛɛ bɔ jwamane.

Daneɛl 6:4

Anee o bala nomonjena la ne nomonome baa lee ba baa nyiŋi harɛ la bamperi la, ɛɛ nyin Daneɛl bwara wechɔɡa dɛ́ le kora la be pera, kɛ ba ta wone. Ba ta o bwara wechɔɡe bɛlbwa nae, dɛkalkɛ o waa wer dɛ dɔ kasinteŋ.

Amanesoma Luk Aa Chwera Tɔn 20:20

Anomanta, ba sie lɔ o nɛɛ baa kpaahno dɛ dɔɔ. Ba tɛ nɛra bane suuɡa, dɛ tom ba ŋɔ bá ka haɡre Yeesu bela webɔɔre ne, a do kɛŋɔ siswɛm waa baa bɔɔ, ásɛ dɛ dɔɔ lawɛ, dɛ́ kpɔɔ do Rom nomoa waa dɛ di ba harɛ la kpeɡri nɔn ta.

We-ɛɛla 24:13

Ba ta danseɛ bɛlbwa dɔe dɛ́ chaɡle kɛ n ɛ waa nɔ bɛlbwa baa kpɔa dɛɛ daɡ mɛ nɔ.

We-ɛɛla 5:33

Nomonome la aa no Yeesu toroma la waa nɔ la, ba bwaawee iro kohona, ba fe ɛɛ nyin kɛŋɔ ba kpoo ba.

We-ɛɛla 7:54

Nomonome la aa no ɡɛ Steeven aa bola la, dɛ ba baah diu, baa pwee dɛɛ chwee bobɛlbwa.