Jeremia 2:37 - mzwDBL

³⁷ Hɛɛ ɡure nyuu su, dɛ́ kpɔ sihiih kaa, dɛkalkɛ Korowii vɛh nɛra haa kpɔ he te dawɛ ba nɛ, baa heyaa cha kpa.”

Jeremia 2:37 ပူးပေါင်းရင်းမြစ်များ

2 Samoɛl 11:12

Ate, kooro ŋɔ, “So bonɔ tɔpebeŋkpoŋ ja, ásɛ kere ń ɡel he kaa.” Anomanta, o berɔ chɔ Jerusalam awola tɔɔ per.

2 Samoɛl 13:19

Taama ɛ tɔɔ do o nyu ta dɛ kɛɛ o batakaarejaŋ ondɛɛɡe la. Dɛ kpɔ nɔɔra dawɛ nyu dɛ wi kohona dɛɛ kaa.

2 Webena 13:12

Korowii ja ya nɛ, onee ya sitɔɔ. O sɔfore ɛɛ hoh laa bɛlee yerɛ yaa yá ba yo heya. Israel tena, he bɛ Korowii he naawa aa tomɔ yo, haa won pɔ o nɛ.”

Aesaya 10:4

Wobɛlbwa toole hé ɛ kpa, nemenɛ hé ja nɛra baa laɡ ba laa ta, kɛɛ banɔ la baa ka kpoo la nɛ. Anɔ nɔ bwa habɔɔ, o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 28:18

Fɔo he ne seo aa fɔwa la ɛɛ chɔɡoo, nyopɛo he ne lalabwɛ aa dɔa la ɡe aa lee do kpa. Dɛ harɛchɔɡ peu baa ta aa, wɛɛ dɔ heyaa, dɛ́ lɔ heyaa bil harɛ.

Jeremia 14:3

Nomonjena tomɛ ba bonɔɔna ŋɔ bá ka nyin ne. Ba la kwaa aa won nee lɛɛ ta ba ta nee nae. Ba kpɔ ba polviine berɛ ba pɛɛ, ba bambile chɔɡɔ ba hwɛɡa ta pɛɛ, dɛ kpɔ kwaa bɔle nyuune, a baɡle kɛŋɔ ba loo kuu.

Jeremia 14:4

Harɛ la holɔ dɛɛ peɡri dɛkalkɛ bwaala aa nɛ, asɛ paara bambile chɔɡ, dɛ kpɔ kwaa bɔle nyuune, a baɡle kɛŋɔ ba loo kuu.

Jeremia 17:5

Waa Korowii aa dɛ bol laanee. “Nomɛlbwa waa kpɔ o te dawɛ nɛwɛnyini nɛ, dɛɛ hwɛɡɛ o bokpeɡa ta dɛ berɛ habɔɔ kpo men Korowii la, o bwɛɛlɛ.

Jeremia 2:36

Ɛrɛɛ hɛɛ ɡaaɡe kohona dɛɛ charɛ he we-ɛɛla ɡɛ nɔɔ? Ijipt tena ɛɛ neɡre heyaa kɛŋɔ Asiiria tena ɡe fa aa neɡre heyaa la.

Jeremia 22:20

Jerusalam tena, hé ir la ka do lɔŋɔre Lɛbanɔn, dɛ́ la Basan harɛ ne Abarim ɡe ka wi, dɛkalkɛ ba kpoo nɛra baa ja he nɛɛ la bwa.

Jeremia 22:30

Waa Korowii aa dɛ bol laanee nɔ. ‘Chwerɛ baa nɔ waa do tɔne bini, dɛ́ kpɔɔ kɛŋɔ o ta bii dɔe, nɛn o wobɛlbwa aa wola werii do tɛo o soɡa bini bwa, waa naanaree dɔ, ba ba so Juda harɛ kara ta, Kooro Devid luɡe ta.’ ”

Jeremia 32:5

Baa lawɔɔ kaa Babelɔn, o do bela ka tel kɛŋɔ maa nyiŋi o waa bini tonɛ. Hale o yo Babelɔn tena kwaraa naa, aa on kɛrɛdɛɛ chiɡ. Men Korowiirii bola.”

Wiile 4:17

Ya ta sie nyiŋi ŋɔ ya ken ɛɛ dɔ chae, dɛ ba kahonɛ. Ya cheɡɛ ya dejaŋa ta nyiŋi kɛŋɔ, yaa dɔ harɛ bɛl nɛraa bá ba lɛ yaa le ya dɔma nɔn ta kahonɛ.

Nɛra Kura 14:41

Belaa Mosis ŋɔ ba be ŋɔ, “Ɛrɛɛ hɛɛ ɛ lwɛmkpeɡ dɛɛ vɛh Korowii waa ta teŋa nɔɔ? Ken te aa maɡre.