Jeremia 2:32 - mzwDBL

³² Bitolo ɛɛ won soh o suuɡaswɛm nɔnloɡa ne baŋa kwaa ne noniseɡa aa, kɛɛ hanfale soh o hanfale laala doe yaa? Kɛ n nɛra soh n waa biɡri maa wola won jemɛ a saŋ.

Jeremia 2:32 ပူးပေါင်းရင်းမြစ်များ

Mumpar 24:22

Belaa nyoɡmare la aa nyɔ nee la tonɛ la, bonɔɔ la laa suuɡaswɛm noniseɡ baa kpɔa dɛɛ do mee o yoɡ do kpeɡri kohona do Rebɛka mee ta, dɛ berɛ kpɔ suuɡaswɛm nɔnloɡa do o nɔɔra.

Mumpar 24:30

dɛkalkɛŋɔ o na noniseɡ la aa lɔ o nime mee ta ne nɔnloɡa la aa lɔ o nɔɔra ta, dɛ no ɡɛ Rebɛka aa bol waa baa la aa bol o be la. O la baa la be, dɛ ka nao kɛŋɔ waa cheɡɛ o nyoɡmare jwɛɛh bule la ta.

Mumpar 24:53

Asɛ bonɔɔ la laa kwaa baa kpɔ suuɡaswɛm ne suuɡapoŋ ɛa la ne yale tɛ Rebɛka, dɛ berɛ kpɔ laala a ɡe yoɡ aa kpeɡa tɛ haah la dɔɔ ne o nya.

2 Samoɛl 1:24

Israel haahna, hé wi Kooro Sɔɔl, a do kɛ waa kpɔ yaswɛm dɛɛɡe tɔ heya, dɛ kpɔ kwaa baa kpɔ suuɡaswɛm ɛa do heya.

Yela 106:21

Ba soh hen Korowii, haa cheɡɛ nyokpowe-ɛɛla ta, dɛ lɛɛ ba le Ijipt harɛ ta la wa.

Yela 9:17

Seo chɔ le dɛɛ kpa nyubinikpeɡ tena, banee harɛre nɛra baa vɛh hen Korowii toma la.

Aesaya 17:10

Israel tena, he liire le he Lɛɛ Korowii nɛ. Onee Bwetal haa kpɔ he te marɔ wɛɛ tɔ heyaa ɡbemɡbe la, kɛ he soh o wa. He du dadɛɛɡa bodɛɛɡa, dɛ kwaa bela dɛɛ tomɛ harɛre voɡare.

Aesaya 57:11

Korowii ŋɔ, “Bɔkwa tenee voɡa hɛɛ ɔma kohona dɛ le n habɔɔ, dɛ soh n waa kwaraa ɡɛ nɔɔ? Maa mwaa he bwa ne saŋ la bwa, waa ɡela haa wola men ɔmɛ nɔ kɛɛ?

Aesaya 61:10

N dɛ hɛɡre kohona waa Korowii maa dɛ tomɔ aa ɛa nɔ wa. O kpɔ laala ne waa aa toɡra ɛ batakaare do mɛ dɛ lɛɛ mɛ. N wer kɛŋɔ hanfale ne o jaa aa kpɔ ba te kɛrɛdɛ dɛɛ kaa ba cheremibɔr ken.

Jeremia 13:10

Gɛ nyubinikpeɡ tena nɔ vɛh n waa ta teŋa. Ba deŋne kpeɡri, ba nyu bini do kpeɡri kohona, asɛ dɛ kaa tomɛ harɛre ane voɡare. Anomanta, baa doo kɛŋɔ kiriso waa chɔɡa, waa wola ɛɛ doe kpa la ken.

Jeremia 13:25

Anɔ la aa chɛ kɛŋɔ hé dɔ laanee la, anee n maɡɛ tɛ heya, dɛkalkɛ he vɛɛh mɛ dɛ kaa tomɛ voɡare a wa aa wola kasinteŋ dɔe. Men Korowiirii bola.

Jeremia 18:15

Kɛ n nɛra te soh n wa. Ba fuh daawiile dɛɛ tɛ voɡa a wa aa wola tɔnɔ dɔe. Ba lɔ na, dɛ ɡel ŋwɛnɛbena la ta kpɔe, dɛ kaa kpɔ ŋwɛnɛfala baa wola a ta jemɛ ta.

Jeremia 2:11

Harɛ bɛlbwa nɛra toole dɛ charɛ ba voɡa, a lole kɛŋɔ a waa ta kasinteŋ dɔe, kɛ n nɛra kpɔ n jirima tɛ voɡa aa wola tɔnɔ bɛlbwa dɔe dɛɛ toma.

Jeremia 2:33

He dɔ sɛnanar nyina wejema taeh! Hale hanjwamanere ɛɛ won hweli le he be.

Jeremia 23:27

Ba dɛ lii ŋɔ chaahna baa dɛ na, dɛɛ bola dɔŋa be la ɛɛ won ɡel n nɛra soh n wa, ɡɛ ba naawa fa aa cheɡɛ voɡ Baal toma ta, dɛ soh n waa la.

Jeremia 3:21

Lɔŋɔre dɛ le bwejena aa chɔ pɛɛ dor, Israel tena wii baa dɛ wi dɛɛ soŋe ba wechɔɡa baa lɔ a ta wa, dɛkalkɛ ba soh Korowii baa dɛ tomɔ wa.

Ɛsekeɛl 22:12

Ba dɛ yawɛ ba bini bane sen baa kpoo nɛra. Bane ɡe dɛ́ kemɛ ba bala Israel tena suuɡa, dɛ́ chɔŋɛ a nee dɛ́ che a ta ɛ dɔɔhna. Ba soh n waa la kwara. Men Nemenɛ Korowiirii bola.

Hosia 8:14

Israel tena ma kooderemi, dɛ soh men Korowii maa ta ba wa. Juda tena ma dekpeɡa bwɛjena ta taeh. Kɛ mɛɛ kpɔ niinii ba ta ba bwɛjena ta, ásɛ a fuh ba dekpeɡa bwa.”

Mmarare 32:15

Israel tena, he kpeɡo dɛ je, kɛ dɛ berɛ ɛ deŋnekpeɡ tena. He bare, dɛ do tɔɡre he bwara do wer. He berɛ habɔɔ kpo Korowii waa ta heya, dɛ vɛh he Lɛɛ waa do kɛ Bwetal dɛɛ tɛ heyaa mkpa la.

Wepila 21:2

N berɔ na Korowii bwɛjen Jerusalamfale o le Korowii be dɛɛ ba harɛ. Korowii kwaaro kɛrɛdɛ kɛŋɔ hanfale yon kpɔ o te dɛɛ ba o jaa be la.

Sitɔɔla 8:34

dɛ soh Korowii waa lɛɛ ba le ba dɔma baa soɡa bar ba cheme nɔn ta la.