Jeremia 2:27 - mzwDBL

²⁷ He dɛ yerɛ daa, ‘N dɔɔ,’ dɛ ŋɔ bwe ɡe be ŋɔ, ‘Henee lol mɛ.’ He berɛ habɔɔ kpo mɛ, kɛ dɛ waane baa puu heyaa tenaa he yon ŋɔ, ‘Korowii, ba dɛ́ ba lɛ yaa!’

Jeremia 2:27 ပူးပေါင်းရင်းမြစ်များ

2 Webena 29:6

Ya naawa waa ta kasinteŋ dɔe tɛ Korowii yaa dɛ tomɔ. Ba ɛ wechɔɡa dɛ jo o nɛɛ dɛ vɛoh, dɛ berɛ habɔɔ kpoo bela waa lole.

Aesaya 26:16

N Naa Korowii, he tɛr he nɛra deŋne baa na wahala, asɛ ba ba he be ba soŋe.

Jeremia 10:8

Ba bwa ta liire dɔe dɛ ɛ ɡɛna ɡbo. Bɔkwaa baa ba wona hweli le daa voɡare baa ɛa, aa wola tɔnɔ bɛlbwa dɔe ta nɔ?

Jeremia 18:17

Gɛ peu yon ta le wee leebɔr la, ɡɛɛ mɛɛ ba ba lɔe peɡre ba dɔma sie. Ba wenaale tɔpere ta la, mɛɛ berɛ habɔɔ kpo ba, maa n sie berɛ dɛ́ cha ba.’ ”

Jeremia 2:24

He berɔ do kɛŋɔ keeɡo waa kpaŋa, dɛ man pua hɛŋle ɡbo harɛ ta. O ba dɛ chwa dɛɛ nyin jweeraa, umee dɛ́ won sɔɔh o sie ɔ? Ambala bɛ a te koh dɛ́ chwa dɛɛ tiu, o jweera saŋ telaa, aa nao.

Jeremia 22:23

He soɡe Lɛbanɔn deene baa kpɔ peleme daa ɛa bini, he bwara sɔɔhne, kɛ he waa dɛ ba sum doe hɛɛ pɛmɛ, kɛŋɔ haah loltea aa lɔɔ ken!”

Jeremia 3:9

Aa wola Juda hae kɛ Israel waa waa ɛa ɛ wechɔɡa la, o bɔ jwamane dɛ kpɔ doŋa kah harɛ la, dɛ berɛ kaa tomɛ voɡare baa kpɔ daa ne bwea ɛa.

Jeremia 30:7

Tɔpechɔɡe bɛl dɛ ba, baa won kpɔ tɔpere bɛlbwa maɡɔ. Wɛɛ ɛ suna dii tɔperee tɛ Jekɔb naanar, kɛ ane a bwa, baa le a nyoaa.”

Jeremia 32:33

Ba berɛ habɔɔ kpo mɛ, a lole kɛŋɔ n teŋɔ dɛɛ baɡ ba n waa la, kɛ baa deŋne cheɡ dɛ́ no n be, ásɛ dɛ hweli.

Jeremia 37:3

Belaa Kooro Sedekia tomɛ Sɛlɛmia bibaa Jehukal, ne Maaseya bibaa sɔfo Sefania ŋɔ ń che ba naa ta soŋe Korowii yaa dɛ tomɔ la tɛ ya harɛ nɛra.

Jeremia 42:2

ba men Korowii keame Jeremia be dɛ ba ŋɔ, “Ya dɛ soŋe, no ya wesoŋa nɔ, dɛ́ soŋe Korowii yaa dɛ tomɔ nɔ tɛ ya nɛra yaa ka harɛ nɔ bwa ta nɔ. He ɡbabir nao kɛŋɔ dɛ ya fa warɔ, kɛ taraken te, ya nɛra tamaa kenii kaa.

Ɛsekeɛl 23:35

Kenii men Nemenɛ Korowii ɛɛ bol hen Oholiba be. Haa soh n waa dɛ berɛ habɔɔ kpo mɛ nomanta, hɛɛ dɔ deŋnetɛra he pɛlchɔɡa ne he jwamane la waa.”

Ɛsekeɛl 8:16

O berɔ kpɔ mɛ ba o Dea la dembaah bela, doonyoa bela pato la ne kon baa dɛ ɛ saraha o ta la baah ta, dɛ baala fifraanɛ dɛ banue lɔ bela. Ba habɔɔ chaɡɛ Korowii Dea la, asɛ ba sie chaɡɛ wee leebɔr pera baa tomɛ wee.

Daneɛl 9:7

N Naa Korowii, he waa toɡrɔ, ya di sihiih fini. Juda ne Jerusalam tena, ne Israel tena haa lɔ yaa peɡre harɛre aa lɔ bojaŋa ne anɔ la aa bɛna ta bwa, dɛkalkɛ ya waa ta kasinteŋ dɔe tɛɛ.

Hosia 4:12

Daa baa teŋa ɛ voɡa taa baa la dɛ kaa bɔɔ ba nyuune wa, ásɛ daa la ɛɛ bol waa ba be. Ba laa ba te kpɔ men Korowii baa dɛ tom mɛ nɛ, kɛŋɔ hanjwamane dɛ kaa tomɛ voɡa ane.

Hosia 5:15

Ásɛ n berɛ kaa n buɡ ta bela maa lole ka tel kɛŋɔ baa sɛh ba chɔɡre. Baa dɛɛ nyin n sie dɛ na, ásɛ a noo ba aa, bá ɡaaɡe n bɔr sibeɡra ne.”

Hosia 7:14

Baa men soŋe kasinteŋ ne, ba chɔ harɛ dɛɛ wi kɛŋɔ voɡtoroma. Ba boa nyoa dɛɛ soŋ mɛ mea ne senfala, kɛ dɛ laa ba te kpɔ n nɛɛ kɛ voɡtoroma. Deŋnekpeɡ tena bane le!