Jeremia 2:26 - mzwDBL

²⁶ Gɛ ba lawɛ ŋwɛɛ sihiih yon kpoo la, ɡɛɛ sihiih kpo he Israel tena bwa, he ne he koranar, ne he nomonome ne sɔfore, dɛ n keamere bwa.

Jeremia 2:26 ပူးပေါင်းရင်းမြစ်များ

Ɛsra 9:7

Le ya naawa bere saŋ ba le fini, ya wechɔɡa kan kohona. Anomanta, ya ne ya koranar ne sɔfore bwaa harɛre ane koranar lawɛ laa ta dɛ kpoo yaa, dɛ pa ya laala kaa. A ɡel sihiih kpo yaa, asɛ ya do ba lɔɡa ba le fini nɔ.

Yela 97:7

Sihiih kpo nɛra baa dɛ tomɛ voɡa bwa, nɛra baa kpɔ voɡare dɛɛ maŋkura ba te, ne voɡa bwa dɛ ɡuŋi Korowii sie.

Aesaya 1:29

“Sihiih ɛɛ kpo heyaa daa haa dua dɛɛ toma la waa. Hɛɛ di nchoo bela haa du kwaa dɛɛ tomɛ voɡa a baah ta la waa.

Aesaya 44:11

O ne nɛra baa dɛ tomɛ voɡ la bwa ɛɛ di sihiih. Nɛra laa dɛɛ sɛh kwa aa? Ame binii ba doɔ? Ba bwa ɛɛ ba chemoo ba bol ba waa dɛ́ pa bole, ásɛ ba bwara yɔr kohona, ba di sihiih.

Aesaya 44:9

Nɛra baa dɛ ma voɡa kɛɛ dɛɛ sɛah la dɛ ɛ wepuu, kwaa ba sie aa dɛ lɛ a ta la ɛ konsale. Nɛra baa dɛ tomɛ voɡa nɔ, ba do kɛŋɔ nɛra baa nyoŋa ken, baa wobɛlbwa jemɛ, baa di sihiih.

Jeremia 2:36

Ɛrɛɛ hɛɛ ɡaaɡe kohona dɛɛ charɛ he we-ɛɛla ɡɛ nɔɔ? Ijipt tena ɛɛ neɡre heyaa kɛŋɔ Asiiria tena ɡe fa aa neɡre heyaa la.

Jeremia 22:22

Peu ɛɛ tao kpɔ he sitɔɔla baa do kɛ peteɡra la kaa, baa lawɛ nɛra baa ja he nɛɛ laa taa kaa bojaŋ harɛfala ta. Ásɛ he di ncho, sihiih kpoe, he nyubinikpeɡ haa ɛa la wa.

Jeremia 32:32

Juda ne Israel tena wechɔɡa baa ɛa la wa, ba ne ba koranar ne nomonome dɛ n sɔfore dɛ n keamere la bwa.

Jeremia 4:9

Korowii ŋɔ, “Awola tɔpere la, kooro ne nomonome bwa bambile ɛɛ teŋoo, sɔfore nyoa kpo kohona, ásɛ bɔyɔra kohona chole n keamere nɛ.”

Jeremia 48:27

Moab tena, Israel tena laa fa berɛ he akwekwe nɛra la aa? Saŋ bɛlbwa he dɛ bol ba wa, a do kɛŋɔ he na ba ne ŋwɛɛra aa dɛ bɔ ken.

Ɛsekeɛl 16:54

Hɛɛ di sihiih waa haa ɛa la wa, ásɛ ba che a ta dɔ bolarawa.

Ɛsekeɛl 22:26

Sɔfore ɡe vɛh me Mmarare ta teŋa. Baa waa aa do ɡoroŋ, ne anɔ la aa wola ɡoroŋ bini peɡri. Baa waa aa wera, ne anɔ la aa wola were ɡe baɡle, dɛ ɡel n Ona Tɔpera ɡe dii, a che a ta Israel tena vɛɛh mɛ.

Sekaria 5:4

Koranar Bwa Kooro ŋɔ, “Mɛɛ tomɛ tɔn nyotaahna aa lɔ o ta laanee o kaa dem bɛlbwa baa dɛ ŋwɛ ta, ne dem bɛlbwa baa teŋe nyosone dɛɛ ŋwɛɛ n sɔn ta. Wɛɛ ka do dem la taa dɛ́ taɡɔ ɡo, dɛ́ kuuɡi o daa bwa kwaraa.”

Tɔn Pɔɔl Aa Chwerɛ Rom Tena 6:21

Dɛ wechɔɡa ɡboo hɛɛ ɛ. Taraken nɔ, a waa dɛ ɛ heyaa sihiih. A ɡɛ waa nɔ, dɛ tɔnɔ besoo a dɔ tɛ heya ɔ? Waa aa lɔ ɡɛ wechɔɡa nɔ habɔɔ laanee seo.