Jeremia 2:25 - mzwDBL

²⁵ Israel tena, he bɛ chwa dɛ́ foɡri he napaala pɛɛpɛɛ, ásɛ he lobi mune hol teŋa haa dɛ teŋɛ voɡare ane nɛɛ la wa. Kɛ he ŋɔ, ‘A ta tɔnɔ dɔe. Ya dɛ nyin harɛre ane voɡa wa, a chɛ kɛ yaa teŋɛ a nɛ.’

Jeremia 2:25 ပူးပေါင်းရင်းမြစ်များ

2 Webena 28:22

Kooro Ahas wenaale aa baa ɡwaa o nɛɛ bwa habɔɔ la, dɛ o ta teŋɔ ɛ wechɔɡa dɛɛ jo Korowii nɛɛ kohona.

2 Webena 28:23

O kpoo kwaa ɛ sarahare Damaskɔs tena baa yoo dɛ pɔ o nɛɛ voɡare ta, dɛkalkɛ o liiro ŋɔ, “Siiria koranar voɡa aa cha ba nomanta, mɛɛ kpoo kwaa ɛ sarahaa tɛa, ásɛ a cha mɛ.” Kɛ anee ɡela o ne Israel tena lɔ harɛ.

Aesaya 2:6

N Naa Korowii, he vɛh he nɛra Jekɔb naanar. Ba lɔ wee leebɔr tena wepuu ta, dɛ berɛ voɡra kɛŋɔ Filisti tena, dɛ jo nɛra baa wola hen tomɛ we-ɛɛla ta.

Aesaya 57:10

He chwao ti voɡa dɛ koh, kɛ dɛ vɛh ɡela. He berɔ kwaa dɔ bokpeɡfala dɛɛ nyin voɡfala, haa ɡwɛɡre.

Jeremia 13:21

Dɛ nɛra haa dɛ lii ba he daamanar baa yo heya, dɛ pɔ he nɛɛ he do ba lɔɡa aa, bɔkwa waa hɛɛ ba bola ɔ? Hɛɛ doo kɛŋɔ haah loltea aa lɔɔ wɛɛ ba lola ken.

Jeremia 13:22

Kɛ he berɔ ŋɔ, “Ɛrɛɛ ɡɛ waa nɔ pu yaa nɔɔ?” He wechɔɡa kohona waa he bwara laala kɛɛ, a ɡel he bwara ɛɛ nyɛɡ kohona la.

Jeremia 14:10

Korowii bol nɛra nɔ waa ŋɔ, “Ba dɛ nyin bá chwa le n be, dɛ́ kaa valɛ bobɛlbwa baa dɛ nyin. Anomanta, men Korowii sie aa ba nɛɛ lɛ, mɛɛ lii ba wechɔɡa baa ɛa waa dɛ́ tɛr ba deŋne.”

Jeremia 18:12

Kɛ baa chaŋo ŋɔ, ‘A bɛlbwa ta tɔnɔ dɔe. Ya ɡbabir ɛɛ dɛɛ nyiŋi ya we-ɛɛla taa, ásɛ bɛlbwa ɛɛ teŋɛ o bambikpeɡ ne o wechɔɡa waa ta.’ ”

Jeremia 2:31

He fini bii, hé no waa men Korowii aa dɛ bol nɔ. N ta doe kɛŋɔ pua hɛŋle ɡbo harɛ, kɛɛ harɛ biro tenten aa lɔ o ta tɛ heya. Ɛrɛɛ n nɛra ɛɛ bol ŋɔ, ‘Ya dɔ ŋwɛnɛ dɛ́ ɡaaɡe kaa bobɛlbwa, yaa berɛ ba he be kpa.’

Jeremia 22:20

Jerusalam tena, hé ir la ka do lɔŋɔre Lɛbanɔn, dɛ́ la Basan harɛ ne Abarim ɡe ka wi, dɛkalkɛ ba kpoo nɛra baa ja he nɛɛ la bwa.

Jeremia 22:21

Gɛ saŋ he wobɛlbwa aa wera tɛɛ laanee n kaeh, kɛ he ŋɔ, ‘Maa deŋnee cheɡ dɛ́ no.’ Gɛɛ he do dɛ le he bechale saŋ bwa, haa sɛɛh dɛɛ teŋɛ n waa ta.

Jeremia 3:13

He ɡbabir lɛ he wechɔɡa do, he ɛ men Korowii haa dɛ tom mɛ la deŋnekpeɡ, he kpɔ he te tɛ voɡare dajena lɔɡre bwa, he ta n waa ta teŋɛ.’ Men Korowiirii bola.

Jeremia 44:17

Yaa ɛ waa yaa ŋɔa yaa ɛo laanee. Yaa ɛ saraharee tɛ ya voɡ waa ɛ Nyundua Haŋkooro la, dɛ́ fuɡe sen ɛ saraha tɛo ɡɛ ya naawa ne koranar dɛ nomonome fa aa dɛ ɛ Juda bwɛɛre ta ne Jerusalam fɔɡbaahna la. A ɡɛ saŋ la, ya dɔ kondikwa kohona asɛ ya wobɛlbwa do wer, wenaale bɛlbwa ta ya nɛɛ balɛ.

Wiile 1:2

Jwaana bwaa wɛɛ wi kohona, siniire ɛɛ yɔɔro. Harɛre nɛra baa dɛ nyinu bwa chwao, bɛlbwa toole dɛɛ larawe o bwara kpa. O daamanar leo tɛ, dɛ bwa berɛ o dɔma taraken.

Wiile 4:4

Ba ɡelɔ nyɔɡre ne lɔr kpo bechasɔɔhne baa serewe. Bechale ɡaaɡɔ dɛɛ soŋe kondikwa, kɛ nomɛlbwa aa ban tɛ.

Ɛsekeɛl 20:32

He ɛ he liire kɛŋɔ he fee do ɡɛ harɛre nɛra bane aa doa, dɛɛ tomɛ voɡa baa kpɔ daa ne bwea ɛa. Aa ɡɛɛ maɡre.

Hosia 2:3

Dɛ ɡɛ laa, mɛɛ wuruu o che muŋɡbal kɛŋɔ awola baa lolɔ la ken. Mɛɛ ɡeloo ó do kɛŋɔ pua hɛŋle ɡbo harɛ, dɛ́ do kɛŋɔ harɛ waa hola, ásɛ nyɔɡre kpoo ó sewɛ.

Hosia 2:5

Ba nya le n habɔɔ, dɛ ka di sɛm lolɛ sihihbii. O ŋɔ, ‘Mɛɛ teŋɛ banfala nɛɛ dɛ́ kpɔ n te tɛɛ ba, ásɛ ba tɛ mɛ kondikwaa ne ne, ne pee pona yale ne yapondɛɛɡa, ne ɔleve noo dɛ sen.’

Malakae 3:14

He bolɔ ŋɔ, ‘Korowii toma ɛ wepuu. Tɔnɔ besoo ya dɔ dɛɛ le waa waa kpɔa tɛ yaa ŋɔ yaa teŋɛ a ta, asɛ a berɛ do kɛŋɔ ya tea bini chɔɡɔ Koranar Bwa Kooro sie nɔɔ?

Amanesoma Luk Aa Chwera Tɔn 15:22

Bie la nyoa ta lee mɔɔ dɛ o mɛɛ yerɛ o bonɔɔna ŋɔ, ‘Hé chwa ka nyiŋi n yale la bwa bini ondɛɛɡe ba tɛo ó tɔ, dɛ́ kpɔ noniseɡdɛɛɡe ba doo, dɛ́ nyin naŋɡawa ba tɛo ó do.

Amanesoma Luk Aa Chwera Tɔn 16:24

Anee o ha nyoa yerɛ Abraham dɛ ŋɔ, ‘N Naa Abraham! Na n sum, ásɛ dɛ tomɛ Lasorɔs ásɛ o kpɔ o nonii ka leɡe nesɔn dɛ́ kpɔ ba leɡe n nyondoŋe. N lɔ nii ta n bwara ɛɛ nyɛɡ mɛ.’

Tɔn Pɔɔl Aa Chwerɛ Rom Tena 8:24

Korowii aa lɛ yaa la, dɛ ɡɛ hwɛɡa nɔɔ ya dɔ. Kon nɛn aa dɔa la, waa berɛ dɛɛ hwɛɡɛ o waa kɛŋɔ wɛɛ dɔɔ kpa, dɛkalkɛŋɔ kon waa wola nɛn nɔn ta joɛ la, o waa baa hwɛɡɛ.

Mmarare 28:48

Korowii ɛɛ ɡeloo he tomɛ he dɔma waa dɛ ba ɡela ba yo heya, ásɛ dɛ lawɛ heyaa yoma hé paŋɛ komɛlbwa. Haa kwaa dɔ di, haa nee ɡee dɔ nyɔ. Hɛɛ so mumɡbalee ba do heya hɛɛ tom ba. Hɛɛ di somanjirii ka tel kɛŋɔ haa serewe.

Mmarare 32:16

Ba dɛ tomɛ harɛre ane voɡa aa ɛ kii kwa, a ɡel Korowii baah di banɛ, wechɔɡa haa ɛa la ɡelɔ o baah di.