Jeremia 2:23 - mzwDBL

²³ Ɛrɛɛ hɛɛ ba wona ŋɔ, ‘Ya ta doŋa kpɔe kah ya te, ya ta voɡa Baalre tomɛ ɔ?’ Hé nyiŋi he we-ɛɛla haa ɛa fɛlembɔjen la bini, dɛ́ lii waa haa ɛa la bwa. He do kɛŋɔ nyoɡma nee waa dɛ chwa bobɛlbwa dɛɛ nyin jweera.

Jeremia 2:23 ပူးပေါင်းရင်းမြစ်များ

Ɛsta 8:16

Dɛ a ɛ silɛɛ ne hɛɡra dɛ tɛ Juu tena la, baa duu ba bobɛlbwa.

Yela 36:2

Ba dɛ lii ba nyu bini kɛŋɔ ba ɛ nɛnjena nomanta, Korowii aa ba wechɔɡa baa dɛ ɛ la nae ba, dɛ́ pa ba bolchɔɡe.

Yela 50:21

Anɔ bwaa hɛɛ ɛ, asɛ n tɔ nyoa, he dɛ lii kɛŋɔ n do kɛ heya. Kɛ n dɛ kah heya, dɛ́ kpɔ waa haa ɛa bwa bil he sie.”

Sɛɡla 28:13

Nɛn waa dɛ tɔ o wechɔɡa ta la aa wer do, kɛ nɛn waa wona bol o kwaa dɛ ɡel a ɛɛ la, Korowii dɛ́ na o sum.

Sɛɡla 30:12

Ba dɛ lii kɛŋɔ wechɔɡa toole ba nɛ, kɛ dɛ ba senɛ wechɔɡa ta.

Sɛɡla 30:20

Ŋwɛnɛ haah waa wola kasinteŋ dɔe tɛ o jaa, aa dɛ kpɔ o taa nɔ. O yon le o jaa habɔɔ ka kpɔ banfale dɛ berɛ sɔ ne, dɛ ŋɔ, ‘N ta wechɔɡa ɛɛ.’

Jeremia 14:10

Korowii bol nɛra nɔ waa ŋɔ, “Ba dɛ nyin bá chwa le n be, dɛ́ kaa valɛ bobɛlbwa baa dɛ nyin. Anomanta, men Korowii sie aa ba nɛɛ lɛ, mɛɛ lii ba wechɔɡa baa ɛa waa dɛ́ tɛr ba deŋne.”

Jeremia 16:10

He bol waa nɔ baɡ ba aa, baa bɔɔre waa aa bala men Korowii ɛ n liire kɛŋɔ ń tɛr ba deŋne kohona. Dɛ berɛ bɔɔ ŋɔ wechɔɡa besoo bolchɔɡee ba di, webesoo ba ɛ dɛ jo men Korowii baa dɛ tom mɛ nɛɔ?

Jeremia 2:36

Ɛrɛɛ hɛɛ ɡaaɡe kohona dɛɛ charɛ he we-ɛɛla ɡɛ nɔɔ? Ijipt tena ɛɛ neɡre heyaa kɛŋɔ Asiiria tena ɡe fa aa neɡre heyaa la.

Jeremia 3:2

Hé ha sie dɛ́ nyiŋi deŋɡarere dor! Bobɛl lole haa wola jwamane ka bɔe yaa? He yon so ŋwɛnɛ nyoa dɛɛ kpa baala kɛŋɔ nɛra baa soɡe pua hɛŋle ɡbo harɛ ta, dɛɛ ɡaaɡe ken. He cheɡɛ nyubinikpeɡ ne jwamane ta, dɛ kpɔ doŋa kah harɛ la.

Jeremia 31:22

Nɛra he wa aa wola kasinteŋ dɔe, saŋ besoo hɛɛ ba he ɡaaɡe bala nɔ ɡela ɔ? He fa do kɛ bitolo o wa aa wola kasinteŋ dɔe. Mɛɛ beɡre wobɛlbwa anfalaa harɛ nɔ bwa taa, kɛŋɔ haah aa kpɔ nɔn dɛɛ tɔ o jaa nɛɛ la ken.”

Jeremia 7:31

Henɔm Fɛlembɔjen binii ba ma kon baa dɛ ɛ saraha o ta dɛɛ yerɔ Tɔfɛt. Belaa ba kpoo ba bibaala ne bihaahna dawɛ nii ta ɛ saraha. Gɛ laa n bol ba be, ɡɛ toole n liire ta.

Jeremia 9:14

Kɛ ba ɡarɔ teŋɛ ba bambikpeɡ we-ɛɛla ta. Voɡa Baalre nɛɛ ba teŋɛ dɛɛ toma, ɡɛ ba naawa aa baɡ ba la.

Hosia 1:2

Korowii aa pa mun che Hosia nɛɛ dɛɛ bol waa Israel tena be la, o ŋɔ o be ŋɔ, “Ka mo haah, kɛ wɛɛ le he habɔɔ dɛ́ lolɛ sɛmbii, ásɛ ba ir dɛ́ do kɛŋɔ ba nya. Gɛɛ n nɛra Israel tena waa aa wola kasinteŋii dɔ tɛ mɛ, dɛ́ le n habɔɔ.”

Amanesoma Luk Aa Chwera Tɔn 10:29

Dɛ Tɔnjereme la dɛ nyin kɛ ó baɡle kɛ o te dɛ ɛ waa Yeesu aa bɔɔra la bwa, dɛ ŋɔ Yeesu be ŋɔ, “Umee n dɔŋ ɔ?”

Tɔn Pɔɔl Aa Chwerɛ Rom Tena 3:19

Ya jemɔ kɛŋɔ waa Mmara la aa dɛ baɡle la, nɛra baa dɛ teŋɛ Mmara la ta laanee Mmara la ɛɛ baɡle, ásɛ nomɛlbwa bɛ won dɔ wobɛlbwa bol Korowii sie, ásɛ o won bol nomɛlbwa waa dɛ́ pa bole.