Jeremia 19:11 - mzwDBL

¹¹ asɛ n ŋɔ Koranar Bwa Kooro ŋɔ, “N dɛ ba bwɛjen nɔ ne o nɛra chɔɡa, ó do kɛŋɔ leo waa paɡra baa wola won kwaa mao kpa. Baa huɡe nɛra Tɔfɛt belaa, ka tel kɛŋɔ bɔr aa wola lee do baa huɡ ba kpa.

Jeremia 19:11 ပူးပေါင်းရင်းမြစ်များ

Yela 2:9

Hɛɛ di kora ba nɛɛ kpeɡri ne, hɛɛ pɔ ba nɛɛ dɛ́ ɛɛ ba kɛŋɔ, ba yon paɡre vii burbur la ken.’ ”

Sɛɡla 6:15

Anomanta, kerabeŋkpoŋii wekpeɡa ɛɛ ba ba nɛɛ bala, buɡ taa aa ba ba nɛɛ chiɡa, dɛ́ chɔɡ ba, ba chah kahonɛ.

Aesaya 30:14

Wɛɛ paɡroo kɛŋɔ vimamaa vii yon paɡre, dɛ́ peɡri burbur la ken, o kaŋli aa wola kanee do kɛ ba kpɔ buh nii, kɛɛ ba kpɔ ɛ nee la.”

Jeremia 13:14

Mɛɛ laɡ baa lɔ dɔŋa, kɛŋɔ ba yon kpɔ loŋa lɔ dɔŋa a paɡre la ken. Hale mɛɛnanar ne ba bii bwa. Maa bɛlbwa sumii na, kɛɛ dɛ́ dɔ tedoma tɛ nomɛlbwa ŋɔ maa ban chɔɡ. Men Korowiirii bola.”

Jeremia 19:12

Gɛɛ mɛɛ ba kpɔe ɛ bwɛjen nɔ ne o nɛra. Mɛɛ ɡeloo ó do kɛŋɔ Tɔfɛt la ken. Men Korowiirii bola.

Jeremia 19:6

Anomanta, tɔpere bɛl dɛ ba bala, ásɛ nɛra aa bonɔ Tɔfɛt kɛɛ Bɛn Henɔm Fɛlembɔjenii yerɛ kpa. Baa dɛɛ yerɔ Nɛŋkpoa Fɛlembɔjenii.

Jeremia 25:34

He nomonome haa do kɛŋɔ peteɡra dɛɛ nyiŋi n nɛra nɛɛ la, hé do lɔŋɔre dɛɛ wi kohona! Hé chɔ harɛ dɛɛ ɡbili, dɛkalkɛ saŋ telo kɛ bá kpoo heya. Hɛɛ doo kɛŋɔ vii yon le harɛ dɛ paɡre la ken.

Jeremia 48:38

Moab saldor ne bɔra baa dɛ cheme bwa, wobɛlbwa toole ka ja wii ta, dɛkalkɛ n chɔɡ o bwa, kɛŋɔ loŋ baa wola nyin kpa la ken. Men Korowiirii bola.

Jeremia 51:63

Seraya, he kure tɔn nɔ bini waa baɡle nɛra la tonaa, kpɔ ŋwɛn lawɛ bwe vɔwɛ marɛ o ta, dɛ́ kpɔ ka ta Yufretis Moo ta.

Wiile 4:2

Na ɡɛ bwɛjen Saayɔn bonɔɔna ba fa aa do kɛŋɔ suuɡaswɛm a yoɡ aa kpeɡa aa doa, kɛ taraken, ba berɔ do kɛŋɔ vii baa kpɔ choh mao ken.

We-ɛɛla 21:11

Waa ba ya be la, o baa kpɔ Pɔɔl kiriso, dɛ vɔrɔwe o ɡbaɡba nɔɔra ne nakpale dɛ ŋɔ ya be ŋɔ, “Kenii Korowii Domadɛɛɡe ŋɔ, Juu tena ɛɛ vɔrɔwe kiriso nɔ te kenii Jerusalam, dɛ kpɔɔ do nɛra baa wola Juu tena ɛɛ nɔn ta.”

Wepila 2:27

‘Wɛɛ kpɔ kpeɡrii dɛɛ nyiŋi harɛ nɔ ta nɛra bwa nɛɛ aŋwɛnɛ ta, dɛ́ lɔɔ ba, dɛ́ chɔɡ ba kɛŋɔ baa paɡre vii la.’ N Mɛɛ tɛ mɛ ɡɛ kpeɡri nɔ. N ɡe ɛɛ kpɔɔ tɛ naate la ɡɛ tenten,