Jeremia 18:8 - mzwDBL

⁸ dɛ ɡɛ harɛ nɛra la berɔ charɛ ba liire le ba wechɔɡa ta naa, amɔ te mɛɛ ɡeloo, dɛ́ nyiŋi wenaale n fe aa ŋɔa mɛɛ kpɔɔ ba ta ba nɛɛ la ta.

Jeremia 18:8 ပူးပေါင်းရင်းမြစ်များ

2 Webena 12:6

Ate, kooro ne Israel nomonome sɛh kɛŋɔ ba ɛ wechɔɡa dɛ ŋɔ, “Korowii waa waa ɛa wer.”

Yela 106:45

He koh ba waa dɛ lii fɔo he ne baa fɔwa la, dɛ che he nyina waa kana la ta, dɛ charɛ he liire.

Yela 135:14

Korowii ɛɛ bol o nɛra waa tɛɛ ba ásɛ dɛ dɔ tedoma tɛ o bonɔɔna.

Yela 90:13

N Naa Korowii, ɡel he baah sɔɔh! Saŋ besoo he bandia nyoa ɛɛ ba sɔɔhna ɔ? Dɔ tedoma tɛ he bonɔɔna.

Kaala 32:12

Ijipt tena ɛɛ boloo ŋɔ liichɔɡaa he kpɔ tɔ he nɛra sie, dɛ laɡ ba le Ijipt harɛ ta, dɛ kpoo ba bwejena bɔr ba bwa tonɛ harɛ nɔ ta. Amɔ dɛ ɡɛ wer aa? Gel he baah sɔɔh dɛ́ le he bandia kohona la ta. Charɛ he liire dɛ́ ɡel he nɛra chɔɡa.

Kaala 32:14

Anomanta, Korowii charɛ o liire dɛ le hɔhɔrɔwa waa aah o nɛra ŋɔ o fe ɛɛ kpɔɔ ba ta ba nɛɛ laanee.

Jeremia 12:16

Kɛ dɛ ba wono charɛ ba liire dɛ hweli n nɛra we-ɛɛla, dɛ won dɛɛ ŋwɛɛ n sɔn ta ŋɔ, ‘N ta aa lole saŋ bɛlbwa’ nɔ ɡɛ ba fa aa baɡle n nɛra ba yon ŋwɛɛ voɡ Baal la aa, amɔ ba ɡee ja n nɛra nɛɛ, ásɛ ba wobɛlbwa do wer tɛɛ ba.

Jeremia 15:6

He berɛ habɔɔ kpo mɛ, he deno na teŋɛ dɛɛ vɛɛh mɛ. Anomanta, mɛɛ kpɔ nɔnee dawɛ he nɛ dɛ́ chɔɡ heya, maa won dɔ tedoma tɛ heyaa kpa. Korowiirii bola.

Jeremia 26:13

Anomanta, hé charɛ he soɡa ne we-ɛɛla bwa, dɛ́ɛ teŋɛ Korowii haa dɛ tomɔ nɛ, ásɛ o charɛ o liire dɛ bɛ wenaale waa bol a waa la kpɔ ba ta he nɛɛ kpa.

Jeremia 26:19

Juda Kooro Hɛsɛkea ne Juda tena ta Maeka kpoe. Kooro Hɛsɛkea ɔmɛ Korowii dɛ soŋe ŋɔ o na o sum. Asɛ Korowii charɛ o liire wenaale waa ŋɔa o fe ɛɛ kpɔɔ ba ta ba nɛɛ la ta. Kɛ taraken ya berɔ dɛɛ nyin wenaale kohona dɛ́ ba ta ya nɛ.”

Jeremia 26:3

Ba ken ɛɛ noo dɛ́ charɛ le ba wechɔɡa ta. Ba ɛ ɡɛ tenaa, mɛɛ charɛ n liiree chɔɡa n fe aa ŋɔa mɛɛ kpɔɔ ba ta ba nɛɛ laanee.”

Jeremia 36:3

Dɛ Juda tena no wekpeɡa maa dɛ nyin n kpɔ ba ta ba nɛɛ nɔ naa, ba ken ɛɛ charɛ ba liiree le ba wechɔɡa ta, ásɛ n kpɔ ba nyubinikpeɡ we-ɛɛla ne ba wechɔɡa kɛ ba.”

Jeremia 42:10

‘Dɛ hɛɛ so harɛ nɔ taa yaa, mɛɛ lawɛ heyaa ir maa wola ɡel he chole, dɛ́ kwaa du heya kɛŋɔ da, ásɛ he che kiŋkiŋ maa wola heyaa fuɡri kɛŋɔ dua, dɛkalkɛ wenaale maa kpɔa ba ta he nɛɛ la, ɡelɔ mɛɛ di suna kohona.

Ɛsekeɛl 18:21

Kɛ dɛ wechɔɡ-ɛɛ ɡel wechɔɡa waa ɛa, dɛɛ teŋɛ me Mmarare bwa ta, dɛɛ ɛ anɔ la aa toɡra dɛ do wer aa, wɛɛ dɔ o nyuu kɛrɛdɛ, waa sewɛ.

Ɛsekeɛl 33:11

Ŋɔ ba be ŋɔ men Nemenɛ Korowii taa lole nɔ, n ŋwɛɛrɔ ŋɔ, ‘Ń sie aa wechɔɡ-ɛɛra seo ta lɛ, n dɛ nyin kɛ ba le a ta, dɛ́ dɔ ba nyu. Israel tena, hé charɛ! He charɛ he liire, dɛ́ le liichɔɡa ŋwɛnɛ bɛlbwa ta. Hé ɡel wechɔɡa haa dɛ ɛ la. Ɛrɛɛ hɛɛ nyin seo nɔɔ?’

Ɛsekeɛl 33:12

Anomanta, nɛwɛnyini bie, ŋɔ he bwɛɛ tena be ŋɔ, ‘Dɛ nɛn o wa aa toɡra ɛ wechɔɡa aa, waa o nyuu dɔ toɡra o waa fa aa toɡra wubwa la wa. Dɛ wechɔɡ-ɛɛ le o wechɔɡa ta naa, waa deŋnetɛraa dɔ.’

Ɛsekeɛl 33:13

Dɛ n ŋɔ nɛn o wa aa toɡra be ŋɔ wɛɛ dɔ o nyuu, asɛ o kpɔ o te dawɛ toɡra o waa fa aa toɡra la ta dɛɛ ɛ wechɔɡa aa, maa o wedɛɛɡa waa ɛa wubwa la bɛlbwa liira ba. Wɛɛ sewɛ o wechɔɡa waa ɛa la waa.

Ɛsekeɛl 33:14

N ŋɔ wechɔɡ-ɛɛ be ŋɔ wɛɛ sewɔɔ, asɛ o le o wechɔɡa la ta dɛɛ ɛ anɔ la aa wera dɛ toɡre,

Hosia 11:8

Israel tena, ɛrɛɛ mɛɛ ba wona ɡel heya ɔ? Ɛrɛɛ mɛɛ ba wona le heyaa tɛɔ? Mɛɛ won chɔɡ heyaa kɛŋɔ Adma tena aa? Ɛrɛɛ mɛɛ ba wona chɔɡ heyaa kɛŋɔ Seboiim tena ɔ? N liire aa men ɡɛ baɡle, nyina maa dɛ nyin heyaa la kan taeh.

Emɔs 5:15

Hé hah wechɔɡa, dɛ́ nyin wedɛɛɡa, hé ɡel kasinteŋ ɛɛ ɛ toma kɔɔto deene. Nemenɛ Korowii ken ɛɛ sune Josef dea nɛra baa kaa nɛɛ.”

Jona 4:2

asɛ o soŋe Korowii ŋɔ, “N Naa Korowii, waa maa lɔ n bwɛɛ dɛ bol la laa nɔ naa? A waa n fee chwa dɛɛ kaa Taases la. N jemɔ kɛ he dɛ na nɛn sum, he tea dɛ domɛ nɛn nɛ, he baah aa di warawara. Nɛnnyin ɡboo he bwa. He won he liire chara dɛ́ le nɛwɛnyina deŋne tɛra ta.

Mmarare 32:36

Korowii ɛɛ lɛ o nɛraa ɡɛ saŋ ba bokpeɡa aa ba tonɛ. Wɛɛ dɔ tedomaa tɛ nɛra baa dɛ tomɔɔ, ɡɛ saŋ baa wola nomɛlbwa dɔe ó cha ba.

Sitɔɔla 2:18

Saŋ bɛlbwa Korowii aa tɛɛ ba sitɔɔ la, o dɛ chao dɛ́ lɛɛ ba le ba dɔma nɔn ta ɡɛ saŋ sitɔɔ la taa soɡe le la. Korowii dɔ tedoma dɛɛ tɛɛ ba, wii baa dɛ wi hɔhɔrɔwa nɛra aa dɛ ɛɛ ba la wa.