Jeremia 18:20 - mzwDBL

²⁰ A chɛ kɛ bá kpɔ wechɔɡa bɔ wedɛɛɡa kem aa? Kɛ ba kwi nafuɡe dɛɛ nyin mɛ dɛ́ lawɛ. Lii kɛŋɔ n fa cheɡɛ he sie, dɛ bol ba waa tɛɛ ba ŋɔ, hé laa he bandia kpɔ ba nɛ.

Jeremia 18:20 ပူးပေါင်းရင်းမြစ်များ

Yela 57:6

N dɔma haɡre bela, dɛ́ laɡ mɛ, suna ɡboo mɛɛ di. Ba kwi nafuɡe n ŋwɛnɛ ta, dɛ́ fee laɡ mɛ, kɛ ba ɡbaɡba berɔ le o bini.

Yela 35:7

N ta ban wobɛlbwa ɛɛ ba har mɛ bel, dɛ forɛ bɔluŋ, dɛ́ laɡ mɛ.

Yela 106:23

He baah diu dɛ fee ŋɔ hɛɛ chɔɡ baa, kɛ Mosis waa ɛ he bonɔɔ, he leo tɛ he te la soŋe, dɛ sɔɔh he bandia nyoa, he ta ban chɔɡɛ kpa.

Yela 35:12

Wechɔɡaa ba kpɔ dɛɛ bɔ mɛ wedɛɛɡa kem, a ɡel n sie aa lɛ, n bambile chɔɡ.

Jeremia 18:22

Gel ba dɔma piɡri lɔ ba tɔ ba nɛ, dɛ́ pa ba laala, ásɛ ɔmee laɡ ba baa dooɡe lɔŋɔre, dɛkalkɛ ba kwi nafuɡe dɛ sɔh har mɛ bela, dɛɛ nyin mɛ dɛ́ lawɛ.

Wejereme 10:8

Nomɛlbwa waa kwi bɔɔ la, wɛɛ won le o bini, nomɛlbwa waa ku danjwɛɛ dɛ jo la, harɛkon ɛɛ won choɡo.

Sɛɡla 26:27

He kwi nafuɡe aa, he ɡbaɡbaa dɛɛ le o bini. He ɡbili bwe ŋɔ he ta he dɔŋ nɛ aa, wɛɛ berɔ ba he nɛ.

Yela 119:95

Nɛnchɔɡa dɛ́ kpa kɛŋɔ bá kpo mɛ, kɛ ane a bwa, maa he Mmarare la ta teŋaa ɡel, mɛɛ dɛɛ liiraa.

Amanesoma Jɔn Aa Chwera Tɔn 15:25

Anɔ ɛ ɡɛ ásɛ waa baa chwera Korowii Tɔn bini la ɛ kpela kɛŋɔ, ‘Ba hah mɛ pɛɛ.’

Amanesoma Jɔn Aa Chwera Tɔn 10:32

Asɛ o ŋɔ ba be ŋɔ, “N baa ɛ wedɛɛɡa kohona n Mɛɛ la kpeɡri ne he bwa siwi ta asɛ he na. Aah dɛ wedɛɛɡa nɔ bini ame waa hɛɛ ba men bwea foɡra nɔɔ?”

Jeremia 14:20

Ya na ya wechɔɡa ne ya naawa bolchɔɡe baa dia, ya bwa ɛ wechɔɡa dɛ jo he nɛɛ kohona.

Jeremia 11:14

Jeremia, bɛ nɛra nɔ naa ta che soŋe le n be tɛɛ ba, dɛkalkɛ ba wio yer mɛ ba sibeɡre wee ta naa, maa ba bee no.

Jeremia 7:16

Belaa Korowii ŋɔ, “Jeremia, bɛ wobɛlbwa soŋe tɛ nɛra nɔ, dɛɛ berɛ ba naa ta cheɡa soŋe ba wechɔɡa n be tɛɛ ba. Dɛkalkɛ maa he bee no.

Sɛɡla 17:13

He kpɔ wechɔɡa dɛɛ bɔ wedɛɛɡa kem aa, wechɔɡa aa he demii paŋɛ bwa.

Yela 38:20

Nɛra baa kpɔ wechɔɡa dɛɛ bɔ wedɛɛɡa kem cheɡɛ n nɛ, dɛkalkɛ n dɛ ɛ waa aa toɡra.

Yela 7:15

Ba nafuɡere baa kwia la, ba ɡbaɡbaa dɛ́ le a ta, á laɡ ba.

Job Tɔn 6:27

Hɛɛ won ta bie bilalbii waa kwara! Dɛ yoɡ he daamanar dɛ́ dɔ suuɡa.

1 Samoɛl 19:4

Jonatan bol Devid bwara wedɛɛɡe baɡle o mɛɛ Kooro Sɔɔl dɛ ŋɔ, “Bɛ he bonɔɔ Devid wechɔɡa ɛ, o ta hen wechɔɡa bɛlbwa ɛɛ, waa waa ɛa la ɡe chae kohona.

Jeremia 5:26

Wechɔɡ-ɛɛra soɡe n nɛra bini, dɛ chɔ dɛɛ kpa kɛŋɔ nɛra yon harɛ bela dɛɛ lawɛ jumbii, ne bela baa hara dɛɛ lawɛ nɛra ken.

Jeremia 15:1

Belaa Korowii bol n be ŋɔ, “Hale Mosis ne Samoɛl ba fa aa ɛ n bonɔɔna baa che n sie dɛɛ soŋe kwaraa naa, maa nɛra nɔ nɛɛ sune. Gel ba kaa, bá le n sie bonɔ kaa.

Jeremia 18:19

Anomanta, men Jeremia soŋɔ ŋɔ, “N Naa Korowii, cheɡ deŋne, dɛ́ no waa nɛra baa hah mɛ aa dɛ bol.

Jeremia 27:18

Dɛ ba ɛ Korowii keamere kpela aa, bá bɔɔ le men Koranar Bwa Kooro be, ásɛ n bɛ ɡel laala a yoɡ aa kpeɡa dɛ do n Dea, ne anɔ la aa lɔ koodem bela la, ba paa kaa Babelɔn harɛ ta.”

Wiile 3:59

N Naa Korowii, he ɡbabir na wechɔɡa baa kpɔa ɛɛ mɛ. Ba bol n waa tɛ mɛ.

Jeremia 17:18

Gel sihiih kpo nɛra baa cheɡɛ n nɛ, kɛ bɛ ɡel sihiih kpo mɛ. Gel ɔmee laɡ ba kohona, dɛ laa ɔmee kohona kpɔ n nɛ. Gel ba na he sibeɡra tɔpere la, dɛ́ chɔɡ ba, dɛ́ berɛ chɔɡ ba ja.”