Jeremia 18:10 - mzwDBL

¹⁰ kɛ dɛ harɛ la nɛra berɔ dɛɛ ɛ wechɔɡa baa men duu aa, mɛɛ ɡel wedɛɛɡa n fe aa ŋɔa mɛɛ ɛo tɛɛ ba laanee.

Jeremia 18:10 ပူးပေါင်းရင်းမြစ်များ

Yela 125:5

Kɛ dɛ he tɛr nɛnchɔɡa deŋne aa, tɛr nɛra baa vɛh he waa ta teŋa la ɡe deŋne. Israel tena, Korowii tɛ heyaa deŋnesɔɔhna!

Ɛsekeɛl 18:24

Dɛ nɛn o wa aa toɡra le o wedɛɛɡa ɛɛ ta, dɛ ka ɛ wechɔɡa ne waa maa kia wechɔɡ-ɛɛra ɛɛ ɛa la aa, wɛɛ dɔ o nyuu yaa? Maa o wedɛɛɡa waa ɛa wubwa la bɛlbwaa lii. O kasinteŋ bɛ dɔe ne wechɔɡa waa ɛa la taa wɛɛ ba sewa.

Ɛsekeɛl 33:12

Anomanta, nɛwɛnyini bie, ŋɔ he bwɛɛ tena be ŋɔ, ‘Dɛ nɛn o wa aa toɡra ɛ wechɔɡa aa, waa o nyuu dɔ toɡra o waa fa aa toɡra wubwa la wa. Dɛ wechɔɡ-ɛɛ le o wechɔɡa ta naa, waa deŋnetɛraa dɔ.’

Ɛsekeɛl 33:18

Dɛ nɛn o wa aa toɡra ɡel wedɛɛɡa ɛɛ dɛɛ ɛ wechɔɡa aa, wɛɛ sewɛ o wechɔɡa waa ɛa la waa.

Ɛsekeɛl 45:20

A chɛ kɛ he berɛ ɛ ɡɛ tenten korobie la tɔpenuanɛ wee ta tɛ nomɛlbwa waa wola saahnɛ, kɛɛ waa wola jemɛ dɛ ɛ wechɔɡa. Gɛɛ hɛɛ ba soŋa le n be dɛ́ laa doŋa bɛlbwa kpɔ n Dea la ta ó do ɡoroŋ.

Sefania 1:6

Mɛɛ chɔɡ banɔ la baa berɛ habɔɔ dɛ vɛh n nɛɛ teŋa, ne banɔ la baa wola n be ba ń baɡ ba waa laanee.

Nɛra Kura 14:22

nɛra la baa na n jirima ne nyokpowe-ɛɛla maa ɛa Ijipt harɛ ta ne pua hɛŋle ɡbo harɛ ta, ba ta n waa noe dɛ ta daah mɛ dɛɛ na hale kera fi bwa la,

Nɛra Kura 14:23

ba bini beŋkpoŋ ɡba aa harɛ maa ŋwɛɛ ntam dɛ baɡɛ ba naawa nyoa ŋɔ mɛɛ kpɔɔ tɛɛ ba la taa tel. Nomɛlbwa o siwi aa wola men tɔɡɛ la aa harɛ la taa tel.

Nɛra Kura 14:34

Bene fifraanaarɛɛ hɛɛ ba he deŋnetɛra kembɔr dɔe, benanyoa bɛlbwa cheɡɔ tɛ tɔpera fifraanaarɛ la tɔpebeŋkpoŋ haa kpɔa ka sɔh nyiŋi harɛ la. Ásɛ he na kɛŋɔ men Korowii, dɛ n ŋɔ mɛɛ tɛr he deŋne yaa, dɛ a ɛ sibeɡra.’

1 Samoɛl 13:13

Samoɛl ŋɔ o be ŋɔ, “He ɛ ɡɛnewa. He ta Korowii haa dɛ tomɔ doe waa doe la kpɔe ɛ toma ɡɛ aa chɛa. He fe teŋɛ ɡɛ waa doe la ta naa, o fe ɛɛ ɡeloo he ne he naanar di kora Israel harɛ saŋ bɛlbwa dɛɛ la.

1 Samoɛl 15:11

“A dɛ we n nɛɛ kɛ maa cheɡ Sɔɔl kooro, dɛkalkɛŋɔ o ta n waa ta teŋɛ dɛ vɛɛh mɛ.” Samoɛl liire chɔɡ ɡɛ waa nɔ waa kɛrɛdɛ, asɛ o wi no Korowii awola jwaana la bwa.

1 Samoɛl 15:35

Samoɛl ta Kooro Sɔɔl nae kpa, dɛ ka tel o serewe wee. Dɛ o wio dɛɛ tɛo te. A we Korowii nɛɛ kɛ waa cheɡo kora Israel.

1 Samoɛl 2:30

Anomanta, men Korowii Israel tena aa dɛ tom mɛ fa baɡɛ heyaa nyoa kɛŋɔ, he dem nɛra ne he mɛɛ dem nɛraa dɛ́ do n sie, dɛ́ɛ tom mɛ kɛ sɔfore saŋ bɛlbwa dɛɛ la. Taraken te maa an ɡɛɛ ɛ kpa. Nɛra baa dɛ duu mɛ la, mɛɛ ɡeloo bá dɔ duure, nɛra baa nyiŋ mɛ dɛɛ vah la, n ɡee nyiŋ baa vah.